Rasul 4:19 - Eipomek

¹⁹ Nyabuka wenebik bukni, Peterus ap, Yohanes ap, sikce tamubuka nyaprik. “Anggun bidamnang tenebuka wipnalume. Allah el kanye pia teleb tenesilye ning ara, anggun deiyok nang arye nyanmasulum yupu kekebuka dobolbanamap do? Allah arye elce nyalisulul yupu kekebuka dobolbanamap do? Ati, ‘Teleb winina ara dan ning do?’ tenen, anggun bidamnye tenepnululume.

Rasul 4:19 交叉參考

1 Raja-Raja 12:30

Winibukopura, amutuku ninye arye, aning si erena ati Betel mutuku ap, Dan mutuku ap, binamikce aning si erelamik. Dan mutuku ara yukak bukni, amutuku babye binuka aning si erelamik. Aninye aning winilamika deice arye, sik nirya weik arye, malye ulamik.

1 Raja-Raja 13:19

Nyabukopura, Yehuda mutuku noutam ulamuknye, Allah pil don nabi ara, melibukba, Betel mutuku ulamuk nabi, wisinye ap, el aik birikce, el anye ap, binuka din dilbirik.

1 Raja-Raja 14:16

Tonda Yerobeam birye Allah si yanilamuk atonun, Israel ninye nirya babye el winilamuk ning eibuka kel biklamikce, sik babye atonun pia malyeuk winilamik ati, Allah arye Israel ninye ara akunum bataknamle. Bataklyopura, yuk mutuku nang arye yanuka obuka kum daneibikirye, Israel ninye dobuka yuk mutuku noutam bobinamake,” Ahia birye Yerobeam kil ati nyabuk.

1 Raja-Raja 21:11

Isebel surat sekeipmok touk, el Nabot ulamuk mutuku yuk-yuk talibuka, pil dolamika deiyok nang ap, yuk weik deiyok nang “Unamabe,” nyabuka, yupu nyalamik nang ap nirya arye, Isebel nyapdeipmoka atonun winibik.

1 Raja-Raja 22:14

Nyapdeibuk bukni, sik bitinye min kum yanaprik talak ara, Mikha birye el yupu bobinmoknye biti nyabuk. “Nara yuk ning ton kum nyapnune. Allah el si Yahweh ara, pia Kam Una Deiyoknye dipkoprob ulule. Ati, Yahweh elce nyapdeipnunil yupu uk, dipkoprob aninguk, binuka nyapnuna,” nyabuk.

2 Raja-Raja 16:15

Aning akunum dobuka deibikopura, Ahas bira, imam Uria biti nyabuk, “Winiryuk memepdeipmak weik mesba deice arye, na Raja ap, amutuku unyak ninye nirya arye, Allah arena ati, beren tam talak kam ning obuka, arelyanganamap ning ap, tonda, sintam arye gandum duk bulubuka, Allah arena ati arenyab ning ap, tonda na Raja arye, kam ning opnarye, uku dongolamne ning ap, gandum duk arenun ning ap, amutuku ninye arye, uku dongona ati, kam ning obuka arenyak ning ap, gandum duk arenyak ning ap, anggur mek kwebuka arenyak mek ap, aning nirya ara, asukumuk u dongolyanganamlume. Tonda, awiniryuk memebik mesba deiceuk, kam ning opnirye, ining ton bobinuka, amesba deice taruk duk arye dobuka donokminba, amesba deice dupnamlule. Bukni, minop talak arye, kat ning el si perunggu deice memamik mesba ara, naryuk na arenamne ning bobinuka, amesba deice delinamlame. Aning ara, yuk ninye arye arenamak ning ara, amesba deice arena kume,” Raja Ahas birye nyabuk.

2 Raja-Raja 16:16

Raja Ahas bira, nyapdeibukopura, imam Uria birye, Raja nyabuk yupu kekebukce, el nyabuk touk winibuk.

Mazmur 58:1

Raja Daud birye, Israel nang peterena ati, aMazmur yupu mot sekukce, Allah yupu mot nyana deiyoknye biti arebuk. Arebukce, ‘Amazmur yupu mot ara, yuk mot, el si, ‘Winibuka opminyakarye, sirya daknalam’ nyalamle atonun, ayupu deice mot uk, el lelim atonun nyanamlume.

Keluaran 1:17

Firaun birye nyabukopura, akilapu bitinye ara, Allah ati ilil ubukba, ‘Elda mambule’ tenelamika ati, Firaun birye, ‘Winipnamrurume,’ nyabuk ning batakuka, asal mapu deipnopura, kum olamdikce, bataklamdikba kamuk ulamik.

Yeremia 26:12

Nyabikopura, Yeremia birye, sik ninye deiyok nang ap, anyaik bulubuka wekmek ninye ap ati, tamubuka nyabuk. “Kume, Allah el si eren aik ap, Yerusalem mutuku ap, amutuku ululum ninye ap ati, malye yupu nyapman ning ara, naryuk tenebuka, kum nyapmane. Nun ni Allah, el si Yahweh arye nati, ‘Ayupu laka nyalbinamalyame,’ nyapdeipnuk touk nyapnopura, kekepmalume. Narye tonok yupu babye, na kanye aryuk kum nyapmasine,” nyabuk.

Daniel 3:18

“Bukni, nunce anyapmakiyap yupu, nun si erenyapnye, Allah kum kekepsilya babye, nun deiyoknye Raja, an nyapmalam yupu ara, nunce kekebuka, minop kwemdina ning ap, patung emas ning memebuka deiplum ning ap, si kum erenamabe.” Daniel ap, el kwit capu bitinye nang ap arye, nyabik.

Daniel 6:10

Ayupu nyapdeibukba, Daniel kekebuk. Kekebukopura, adiparyuk tamubuka, el ulamuk aik biyukce, asum-asum nirya ulamuk touk, el im aik jendela kukuk. Ara, Yerusalem tam botcamik jendela ara, kukeibukce, el Allah si erelamuk touk, gutam tuku dipdongobuka, Allah morobukce, Allah el si erena ati, mot sebuk. Ara, Allah yupu mot sebuka winililamuk touk, asum babye atonun, Allah ati, teleb abuka kinmok.

Hosea 5:11

Sik Efraim yala nang nirya ara, weik arye wenepnirye, obuka sirya daknamne. Winipnye talak ara, sikce malye yupu nyalamakirye, engenamake. Narye wenepnamsin ning ara, talye ati kume. Deiyok ara, sikce kekena kumce, mandipna kanye bobuka, talye-talye ning, sik kum melipmanto ning, isa mer siuk erenyaka atia. Narye, ‘Aning ara, kum wininamlulume. Aning ara, pia meme,’ nyalamsise bukni, sikce na yupu kekena kum diparyuk, mandipna kanye bobuka, malye wininyake.”

Amos 7:16

Nyabukce, ayupu ton dukdongobuka nyabuk. “Allah arye wipdeipnukce, ‘Israel ninye ati laka nyalbilyame,’ nyapdeipnuke. Ati, Allah Yahweh arye, anggunti nyapdeipsuk yupu ara, moubuka kekenamlulume. Ara, ance nati, ‘Nun Israel ninye dam ara, Allah arye nyapmakil yupu laka nyana kume. Israel ninye sik wenena ati, aminyan talak ara, ikin ning sik nong deice yanamle ning ara, tuba tamubuka tonap laka nyana kume. Aning atonun, Isak birye deibukba, dadeipdanin yanganyak ninye, sik wenena ati, yupu ton kum laka nyapnamsilyame,’ nyapnuluma ati, nyapkine.” Amos birye, Amazia biti nyabuk.

Mika 6:16

Aning nirya winipnamlum bukni, nong kum upnamsila deiyok ara, anggunce Raja Omri ap, el mi Ahab ap, sik malye winilamdik ninguk talibuka, anggun babye, melibuka dobolbamunce, malyeuk winimunya ati, winipnamsine. Abitinye Raja nang arye, pia malye weik winilamdik touk, anggun wini talak ululum ninye babye, malye weik winiluluma anya arye, narye anggunti, wenepnamsine. Winipsinirye, anggun yala ninye nirya ara, pia malye kipdeipnamsine. Winipsinyopura, mutuku-mutuku nirya daunyak ninye eipsikirye, anggunti malye nyabuka nyalinamsiyake. Allah Yahweh arye, Israel ninye ati nyabuk.

Matius 22:21

Asipdeyuk ati, sikce tamubuka, “Ara Kaisar el ning,” nyabik. Nyabikopura, Yesus arye anang ati nyabuk. “Ati, Kaisar el ning ara, adiparyuk Kaisar ati arenamlulume. Ton, Allah el ning ara, adiparyuk Allah ati arenamlulume.” Yesus arye nyabuk.

Lukas 22:8

Winilamika ati, Nena Kum Roti deiyok koubuka kwalina sum deice arye, Yesus el mapu bitinye nang, Yohanes ap, Peterus ap ati, ayupu nyabuk. “Kaplina ati Kwalina nun nirya neika dipnamap ati, kintinilbisururume,” nyabuk.

Yohanes 7:24

Anggunda, nong bol deice ninguk eibuka, yupu bokolilulumce, “Aning teleb, aning malye,” nyalulum ning ara batakmunce, dipkoprop noutamak ninguk tenebuka, diksukum yupu uk bokolinamlulume. Yesus arye nyabuk.

Rasul 4:13

Peterus arye nyanmokura, akekenmek nang arye, Peterus ap, Yohanes ap, sik ilil kum arye mikip aryuk wininmarikak eibikopura, ‘Anang ara, sekolah deice arye kum kel bikamrik nang, sik talye nang ururake,’ tenebikce lukdayik bukni, ‘E ara, Yesus ap, abitinye nang ap, neika ulamika deice arye, mikip yupu arye nyanmasirake,’ tenebik.

Rasul 5:28

Delilyayikura, adeiyoknye birye nyabuk. “Nunce, ‘Yesus si deice tonap kum peternamlume,’ nyapmapu ning ara, ‘Peterena kum arye, talyeuk unamlum’ tenen, weik arye wenebuka nyapmapu. Nyapmapu bukni, anggunda, pia tuba peterenuk wininmalumbuk, Yerusalem unyak ninye weik tonap, kekenmake. Tonda, Yesus obik ning deiyok nirya ara, Sandeheren nang, sik nong deice deipminyopura, yuk nang arye, ‘Sandeheren nang, Yesus obika deiyok nang ara, anang akunuma, tenepnamak’ tenen, tenepmasulumce, tuba peterelulum do?” nyabuk.

Rasul 5:29

Nyabukura, Peterus ap, Yesus wibuka deiamuk Rasul nang, yuk nang nirya ap arye, tamubuka nyabik. “Nunda, ninye yupu kuma. Allah el yupu uk kekebuka dobolbanamabe.

1 Korintus 10:15

Ura, anggunda kanye bon ninye ululuma anya arye, anyapmasin yupu ara, ‘Dipdo, telela do?’ tenen, anggun yuk tenipdelulume.

2 Korintus 4:2

Aning kum bukni, pia malye ning wininyak nang arye, ‘Yuk ninye eibuka kel biksikcak’ tenen, duknulamak ning aning-aning nirya akunum batakibirye, tenepce arye yupu nyana ap, tilila yupu ap kum nyanyabe. Tonda, Allah yupu dipkoprop nyasilye touk aninguk moubuka peterenyabe. ‘Yuk nang arye kanye deipsitinge’ tenen, nun kanye aryuk kwalibuka kum peterenyabe. Aning nirya kum wininyap bukni, Allah el dinmasilibuk, Allah el dipkoprop yupu ulye touk, aninguk dobuka laka arye peterenyabe. Peterenyaba deice arye, ninye nirya kekebikirye, sik kanye tenena noutamak arye nunti, ‘Anang ara, dipkopropuk wininyak,’ tenesinyake.

Efesus 6:1

Anggun mapu nirya ara, nun Deiyoknye Yesus ap, kanye talima dukdongobuka neika umunye talak noutamak nirya ara, anggun ni yapu ap, anggun nin yapu ap ati, si erebuka sik yupu moubuka kekepmunce dobolbanlulume. Aning ara, diksukum winina ati, ‘Anggun ton wininamlulume,’ nyapdeipsine.

1 Timotius 2:3

Winibuka una ati ara, Allah nun Lyena Deiyoknye kanye delisulule. Ara, teleb una atia.

Ibrani 11:23

Tonda, Musa el li ap, el lin ap, sikce Allah ati, diba tenyamrika deice arye, winiprik. Mesir mutuku talibuka weik ninye deiyoknye Firaun arye, “Sal mapu nirya oploplulume,” nyabuk bukni, sik ilil kum arye, ‘Kume, nun mi ara, talye mi kume’ tenen, akunum deiprikce, ami bobuka, wala winilye deice arye duknyamrik.

Yakobus 2:4

Ato yupu dipkoprop nyaptuma deice arye, anggun kan-kan noutam arye, ton nang ati ara, ‘Telebe,’ ton nang ati ara, ‘Malye’, tenebuka, akunum kanye bokolilalulume. Tonda, ato yupu nyaptuma deice arye, yupu bokolin nang atonun bukni, malye ning tenebuka, malye nang atonun akunum ubnalume. Ati ato winina ara, pia meme nyapsine.