Anggun bitinye, neika unamruma ara, minop talak yo bok deice arye, Onesimus dekuka talipmunba, an piluk talye dolamuk touk, wini talak aning atouk kum unamle. Aning ara, mitik teleb bukni, pia teleb ning ara, wini talak an weit koprop atouk, an talimanye akunum kipkile. Onesimus birye, na pia talima aribuka, bico tenenun bukni, ara mitik uka. Wini talak an arye elti, weik arye kanye deibuka, bico tenenamlame. Elda talye tukwaknye bukni, tonda elce nun Deiyoknye Yesus ati, akunum diba tenebukura, Yesus talima dukdongopsukba, neika unyaba anya arye, an weit koprop atonun, an kanye deilinanye ulule. An talimanye unamkile.