Rasul 1:19 - Eipomek

¹⁹ Winibukura, Yerusalem mutuku ulamik ninye nirya kekebikopura, awa wiamikak si ara, sik Aramaik yupu arye “Akeldama” nyalamik. (‘Akeldama,’ nyalamik ara, ining wa ati nyalamik.)

Rasul 1:19 交叉參考

2 Samuel 2:16

Kintineibikura, ayin talin nang nirya arye, otam tikmek nang arye, atam tikmek nang ati, sik anang ara, tonok-tonok nang nirya, sik yu parang dobuka, yuk-yuk kisok potonguk talipdanuka, dinikdongopdayikce, tonye birye, tonye biti, el mun noutamuk lukdongopdayikce, sik neika adiparyuk opdeipdayikba deibik. Ati, Gibeon mutuku dam arye winibikce, dibika ati ara, amutuku ulamik nang arye, “Amutuku ara, yu parang ya arye obadayika ati, nun yupu deice arye, amutuku si ara, ‘Helkat-Hazurimʼ nyanamabe,” nyabuka, si sibik touk, wini talak babye, amutuku ati, asi uk tuba nyanyake.

Zakaria 11:13

Arepnikba, dopropse talak ara, Allah Yahweh arye nati nyapnuke. “Anda akeil uang tigapuluh nirya ara, dobuka na Allah, si eren aik pum tam ara, na arena ati yo lakase pum tam, el si kas, aning noutamuk dongopnulame,” nyapnuke. Ati ara, Allah Yahweh arye nyapdeipnuka atonun, narye akeil uang tigapuluh perak ara, Allah el si eren aik pum noutam, el arena ati kas pum tam dongopse.

Matius 27:8

Winilamika ati, aninye arye, “Atuku ara, ninye ining tuku,” nlyalamik touk, wini talak ababye ayupu tuba nyanyake.

Matius 28:15

Nyapdeibik touk, yin talin nang ayo bok doprobikce, anyapmek touk nyalbalamik. Ayupu nyalbalamikba, Yahudi yala ninye weike kekelamika ati, wini talak unyak ninye babye, ayupu tuba nyanyake.

Rasul 2:22

Nyabukura, ton ayupu nyabuk. Na kayapu, ayupu kekeplulume. Allah arye Nasaretnye Yesus dipkoprop wipdeibuk ning ara, laka anyapsuke. Ara, Allah el mikip aryuk Yesus melyamukbuk, Yesus el mambul pil ap, ninye kum winipmanto pil ap, dolamuk ning ap, ‘Dipkoprop Allah arye pil donmasile, tenepnamnyaka’ tenen, laka nyan ning deibuk ning adeice arye, akunum bikamubu. Ara, ‘Allah arye Yesus dipkoprop wibuka dopdeipsuke’ tenen, kel kebupu. Allah arye el mikip Yesus deice aribukba, Yesus el winilamuk ning nirya deice arye, ‘Allah dipkoprop Yesus wipdeipsuka ara, sik dib tenepnamak’ tenen, Allah lak akarye, lak nyapsuke. Anirya, anggun babye akunum kel kilulume.

Rasul 21:40

Morobukura, ayin talina deiyoknye birye, “Telebe ur nyaplyame,” nyabukopura, Paulus arye ayin talin nang, sik aik atolongna dam tikukce, ‘Yupu tunimapnuyak’ tenen, awekmek nang ati taruk kunupdeibuk. Taruk kunupdeibukura, sik nirya akunum tunim abikopura, Ibrani yupu deice arye anang ati Paulus arye nyabuk.