Mazmur 77:6 - Eipomek

⁶ Bukni, minop talak uamuk ning nirya, kanye arye ton ap teninune. Diba, minop talak winyamuk ning ap, ance dopdeiamlum keting tamun arye, ikin pil dolamlum ning ati, tuba teninune.

Mazmur 77:6 交叉參考

Mazmur 42:8

Winipmanto ara, mek lum sakuka, ninye deice siknilongolamle touk, tonda weik laut mekwen deipwelebuka lontik-lontik aplirye, ninye siknilongolamle touk, na kanye imun unilye ning ara, atouk unulule.

Mazmur 4:4

Winiplum bukni, anggun luba kina meme. Allah Yahweh arye, el yupu ara, pia moubuka kekebikirye, aninguk talibuka diksukumuk wininyak ninye ati, ‘Na kanye delin nang unamakʼ tenen, akunum wibuka deipseue. Aning ati ara, narye nun ni Allah Yahweh ati, “Naio, melipnilyame,” nyabuka, moronye talak nirya ara, elce kekenulule.

Rasul 16:25

Ura, anyakuk aunmeka ani, lukunyan dukduk talak ubukura, Paulus ap, Silas ap arye, kisal dobuka Allah si erena ati, Allah morona ap, mot lena ap, unmarik bukni, awenena aik pum bisik minop arye wenebuka dongolamik ninye arye kekenmek.

Ratapan 3:40

Telebe, nun ninye kam unyap talak arye, nunce wininyap ning nirya ati ara, moubuka dipdabirye, ‘Aning ara, teleb do? Aning ara, malyeuk ulul do?’ tenen, bikilanamnyabe. Winibipyopura, nun adiparyuk, nun malye un ning batakibirye, nun ni koproba Allah Yahweh, el ululakuk dilbibyak arye, nun taruk erebiyak arye, nun kanye talima noutam arye, elti, ayupu nyabuka moronamabe.

Penghotbah 1:16

Na kanye pum tam arye nyapdase. ‘Kume, kel bikna deiyok ning ara, weik tonun akunum bikse. Tonda, narye akunum bikuka tenepse ning ara, min talak Yerusalem mutuku talibuka ulamik ninye deiyok nang ara, aning atonun kel kum biklamike. Sikda mitik tonunuk kel bikamik. Bukni, nauk ara, weik tonun bikse. Tonda, nara kel weik bikna deiyok ning ap, ‘Teleb un ning ara ani,’ tenen ning ap, aning dopropsa deice arye, kel weik bikinune,’ tenenune.

Ayub 10:2

Ati, na ni Allah ati, “Se, na ni Allah, ance nati, ‘Adibaryuk wenebuka kum opnamnilamʼ tenen, moropkine. Tonda, ance nati, wenen yupu ap, ikin ning arena ap, wininamnilam ning ara, ‘Lak nyan yupu deice arye, “Anda malye uplum ning ara ani,” nyabuka, laka nyapnutumʼ tenen, moropkine. Se, yata deiyok ati, ance na yupu ati kum kekenilyame.

Yunus 1:2

“Weik asik mutuku si, Niniwe binulyame. Niniwe mutuku unyak ninye nirya ara, pia malye-malyeuk winiceba, na elinunce bikinune. Malye wininyakba elinune ati, anda amutuku bimince, nyapnamlame. ‘Anggunda, malye ning tuba-tuba winilamunyeba, Allah arye wenepnamsile,’ nyabuka, laka nyalbinamlyame.” Allah arye, Yunus biti nyabuk.

Ayub 35:10

Bukni, tukwak mutuku im sirya, mutuku sirya nirya, unyak nang ara, imun kanye bobuka unyak talak ara, sikce, “Se, nun ni Allah, nun nong kwelina deiyoknye ulyame. Lukunyan talak noutam ara, ikin usilyeba, ancuk nun dam yanuka melisilyama ati, wini talak babye, yanuka melipsilyame!” nyabuka, kum moronyake.

Ulangan 32:7

Ati ara, minop talak anggun nong ninye winilamik ning, tuba tonap tenilenamlulume. Minop talak ulamik ninye ati, tenilenamlulume. Tonda, anggun kel kina ati, anggun ni yapu ap, sik wisi-wisi nang ap, ulamik talak Allah arye pil dolamuk ning ati, asipdemunba, sikce laka nyapnamsiake.

Mazmur 143:4

Ati ara, na kanye talima noutam nirya ara, pia namin unirye, winipmanto pia kum unune. Tonda, na kanye tenen ning nirya ara, ilil weik uniliba, ikin kanye pia weik tonun bobuka unune.

Mazmur 143:5

Bukni, ikin unilye talak ara, minop talak winilamlum ning ati, tuba teninauk unune. Ara, ance akunum mambul pil, pia weik tonun dolamlum ning ara, tuba bikinune. Tonda, an taruk mikip deice arye, pil dolamlum ning nirya ara, tuba bikinune.