Mazmur 69:8 - Eipomek

⁸ Na ni Allah, an si erenye ning ati, sik malye nang arye nati, yep-yep abuka, malye nyaninyake. Tonda, antibuk tenebuka unyeba, malye nang arye nati, nalininyakba, alye pia weik dakalanune.

Mazmur 69:8 交叉參考

Mazmur 31:11

Aning ara, talye ati kum nyapne. Deiyok ara, ikin weik uniliba, imun kanye bobuka ununa ati, na kam unye talak nirya, engenauk unune. Tonda, asum-asum nirya ap, aketing tamun, aketing tamun noutam nirya ara, narye ‘Se, yata winiptinye do?’ nyabuka ngalukunauk unune. Tonda, asum-asum nirya ap, aketing tamun, aketing tamun noutam nirya ara, narye, ‘Se, yata winiptinye do?’ tenen, malye nyabuka unune. Na nong ap, na nong noutam unilye yok nirya ara, pia mitanguk unulula ati, winipmanto ara, na yok babye, pia kum danin banulule.

Mazmur 38:11

Tonda, na talima noutam ara, weik tonun nyalanauk unulule. Wininirye, isin welepnilirye, na nong mikip ara, akunum kum danmanile. Tonda, na asing babye, akunum kupnamnila ati, eipmanto kum unamne.

Mazmur 89:51

Diba na ni Allah Yahweh, ance pia tenepnamlyame. Na, an amu tam pil donanye bira, yata deiyok ati bataknulumba, alye weik dakalanun do? Anyapne ning ara, talye ati kume. Yuk mutuku ninye, ayala-ayala nirya arye, natibuk, yep-yep abuka, ikin ning, na nong deice delininyaka ati, nyapne.

Mazmur 89:52

Tonda, na ni Allah Yahweh anti, ‘Nun like,’ tenekinyak ninye arye, ninye deiyok kina ati, wipdeiplumnye Daud ati, sikce malye yupu nyabuka yep-yep anyake. Ara, dan sukum do nirya, el banmalebuk, eibikirye, yep-yep abuka, nalinauk unyake.

Yesaya 50:6

“Ati, yuk nang arye na ona ati yayikba, balye tam kipdeipsiba opnike. Tonda yu nang arye, ‘El bam potong lyepropnuyap’ tenen, yayikopura, narye kintineipse. Nalibuka, na asok deice maka tuleipneik talak ara, kum tamubukse.

Yesaya 53:3

Utenelamuburye, elti, lik ulamsukba, ninye nirya arye lululilamuburye, el dam batakuka yuk sukumuk ulamupu. Anye bira, ikin ning weik el nong deice delilamikba, imun kanye bobuka ulamuk. Ati, ninye arye yuk nang ati, ‘Nun like’ tenen, urasin tamubuka meilolamak touk, tonoknye babye, elti, kum elilamik. Atonun, nun babye elti, ‘Telebnye aulule’ tenen, kanye kum delilamupu. El ti ara, ‘Elda talinye binya arye, dauplye,’ tenelamupu.

Yesaya 53:4

Winibuka tenelamupu bukni, dipkoprob nun malye unyap ning dobuka bobinamsuke. Dipkoprop aning ara nun kum winipmanto ulamuburye, malye ulamupu ning ara, nun pununa ati, el deice uk deipdana dobukapsukce, kum kipdeipsuke. Tonda, nun uk disulul ning nirya, kum danalisulule. Nun imun kanye bobuka ulamupu ning ati, dobukapsukce, ikin weik ulamukce punupsuke. Nun ikin ulamsuk ning nirya ara, nun melina ati dopromsuk buk, nunce tenebupe ning ara, ‘Ara Allah arye el wenena ati ikin ning el nong deice delinmala atia,’ tenelamupu.

Yeremia 15:15

Nyabukba, na Yeremia birye Allah ati, tamubuka nyapse. Se, na ni koproba, anda Allah Yahweh ulyame. Na ikin weik unilye ning ara, an akunum bikinilyame. Ati, na ikin unilye ning, pia tenepnimince, melipnilyame. Amutuku ninye arye, nati dobolkirikinikirye, malye yupu nyaninyaka anya arye, aninye ati, wenepnamlyame. ‘Ance sikti, kwang dakmince, na nong deice ikin ning delininyaka ati, ance sikti, wenepnalam’ tenen, moropkine. Ara, ance yupu nyapdeipnulumba, anyapnulum touk aninye ati, nyalbanune. Wininuna ati ara, aninye nirya arye nati, malye yupu nyanikirye, nati opmanto uninyaka ati, nyapkine. Ati, ‘Ance nati melibuka kaliknimince, lyepdopnamnilame’ tenen, moropkine.

Matius 26:56

Bukni, Allah arye nyalilamukba, Allah yupu sekamik nang, nabi nang arye sekeiyamnik touk winipnula ati, anggun tenepmalum touk winipnululume.” Yesus arye el tongolyanmek nang ati nyabuk. Nyabukopura, Yesus el mapu nirya ara, ilil weik ubukba, sikce Yesus asukumuk batakuka, bai bukuka biyik.

Yohanes 1:11

Kanye pum tam Dirina Arina Deiyoknye birye, ‘Aninye ara, na tenen, ninye yala unamak’ tenyamuk ninye kan-kan, Israel ninye sik dam yanuka ulamuk bukni, aninye arye elti, kanye deibuka dib tenebuka kum dololamik. El ti, ‘Nun lik’ tenen, bataklamik.

Yohanes 7:5

Yesus el weit yapu koprop arye ayupu tenepce nyabika deiyok ara, sik babye, ‘Yesus ara dipkopropnye’ tenen, dib kum tenelamika ati, ayupu nyabik.

1 Samuel 17:28

Daud el du Eliab bira, Daud ap, sik yin talen nang nirya ap arye, yupu neika talipmekce, nyanmek yupu nirya ara, moubuka kekenmok. Kekebukce, Eliab bira, el weit Daud biti, wenebukce nyabuk. “Anda yata deiyok ati, amutuku yanmalam do? Tonda, an yatanyebak moropmomba, nun domba weik tonun dobuka, pata mutuku noutam deiamlumba, yuknye birye kalikinmal do? Na kele, an ikin kum asa, malye tenepmalam ning ara, bikmane. Anda, ilil kum deice aryuk, asukum yanmalamce, an talima noutam arye, ‘Winipnamne,’ tenepmalam ning babye, na kele. Na kanye ara, an amutuku noutam yanmalama deiyok ara, ‘Ninye olanmakcak ton, narye eipnamneʼ tenen, an akunum yanmalame.