Mazmur 119:102 - Eipomek

¹⁰² Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu nirya ara, ancuk peterelamnulume. Ati ara, an yupu tonok ning babye ton, kum batakanune. Aninguk moubuka eipnirye, diksukumuk wininune. Ara, talye ati kume. Allah ancuk peterepnuluma atia.

Mazmur 119:102 交叉參考

Ayub 36:22

Malye winin kum bukni, anda moubuka biknulyame. Allah elda, dipkoprob mambul mikip weik ulula deice arye, pia erebuka deice tam ulule. Allah arye pia teleb kibuka peteresilye touk, yuknye birye ton, pia kum winiptue.

Mazmur 18:21

Tonda, nara malye winina kumce, pia diksukumuk winilamsa ati, Allah arye na melina ati, dengna arena atonun ubuka, lyepnuke. Ara, na taruk arye, malye winin ning pia kum winilamsirye, diksukumuk ulamsa ati, Allah arye, na melina ati, dengna arena atonun ubuka, lyepnuke.

Amsal 5:7

Ati ara, na mapu anggun nirya narye nyapdeiamsise yupu, anggun adiparyuk moubuka kekenamlulume. Na si deice arye nyapdeiamsise yupu ara, talye kekeltakna kum unamlulume.

Yeremia 32:40

Tonda, atalak ara, anggun dam narye pia nyalina teleb yupu nyapdeipnamsine. Narye anggunti tuba tonap, pia kum bataknamsine. Anyapdeipnamne yupu ara, pia min kume kum danmanto bukni, pia teleb kilinamsine. Narye, ‘Anggunda tuba tonap bataknikcakʼ tenen, narye anggun kanye tenen ning ap, anggun talima ap, tamubuka teleb kipdeipniba, anggunda na Allah ati ilil upsiliba nati si erenamnulume. Sikda na si pia erenikirye, yuk talak ara na dam arye batakuka, pia pera sukum kum binamake.

1 Tesalonika 2:13

Ara, nunce Allah el yupu peterelamsupubuk, anggunce kekelamlum talak ara, anggunce ayupu ati, utenelamlume. ‘Kume ayupu ara, talye tukwak ninye arye nyanyak yupu kumde. Ayupu ara, dipkoprop Allah el yupu uka’ tenen, dololamlume. Nunce peterelamsupu yupu ara, dipkoprop Allah el yupu anya arye, teleb winilamlume. Anggunce Allah ati, diba tenelulum ninye anggun talima noutamak arye, Allah el yupu arye pil dosulule. Anirya ati ara, nunce Allah ati, moronyap talak nirya ara, anggunti tenebibirye, Allah ati, “Telebe,” nyabuka morosenyabe.

1 Yohanes 2:19

Anang ara, nun batakuka nun kan-kan arye yukak bindobik bukni, nun kanye ap, sik kanye ap neiktoto kume. Nun diba tenebuka, nun kanye tenenyap atouk nang ulamtingtoura, nun batakna kumce, nun ap neika ulamtibye. Bukni, sikce nun batakuka bindobikce, yuk tam kipdobikbuk, eibupurye, sik ulamik ning kel kibupe. Ara, ‘Aning sik kan-kan danerye, tonoknye babye ton, nun diba tenebuka kanye tenenyap touk, sik babye, diba kum tenenyaka’ tenen, kel bikamubu.

1 Yohanes 2:27

Bukni, anggunda Allah El Dib Kanye Yesus arye arepsuka ara, anggun talima ak, wekamukce, tuba ulula ati, talye ninye arye nyapsitinge yupu ara, kum patasulule. Anang nyasikce yupu ara, kum kekenamlulume. Bukni, Allah El Dib Kanye arye, aning-aning nirya peteresulule. Aning nirya peteresilye ning ara, moubuka kekenamlulume. El babye, el peterelye ning babye, talye kum, dipkopropuk ulule. Ati ning ara, elce peteresilye yupu uk, kekebuka dobolbalamunyopura, Yesus ap neika uk unamlume, nyapsine.