Mazmur 104:12 - Eipomek

¹² Maka aram ayala-yala nirya, yo taruk deice aik dobikirye, ‘Yo poula damak ukirye, yupu tanamak’ tenen, kwepdeiplume.

Mazmur 104:12 交叉參考

Mazmur 147:9

Tonda, yatato ning do nirya ara, bai tam ulamle kam ning nirya, sik din pataplyeura, Allah elcuk, sik din arelule. Aning atonun, maka yala nirya ara, sik mapu deibiceba, din pataplyeura, Allah aryuk, sik din arelule.

Mazmur 148:10

Aning atonun, kam ning ayala-yala nirya, Allah arye kwepdeiamlumba, talye bai tam noutamak, kam unyak ning ayala-yala nirya ap, ninye arye weinyak ning ayala-yala nirya ap, tonda pol deice arye lakuka balalum maka, ayala-yala nirya ap, tonda bai tam kam ukirye mun deice balul ning ayala-yala nirya ap, anggun nirya arye, Allah el siuk erenamlulume.

Mazmur 50:11

Tonda, im deice lakuka balamle maka yala nirya ara, na ninguk ulula ati, amaka yala-yala nirya ara, na akunum bikamse. Aning atouk, bai tam ulye kam ning yala nirya ap, ninye arye weinyak ning nirya babye, aning yala nirya ara, na ninguk akunum ulule.

Mazmur 84:3

Ati, nara, ‘Allah Yahweh, an si eren aik dam yatinye’ tenen, na kanye arye, pia patanulule. Wininirye, na nong ap, kanye ap dopropnirye, Allah an kam un deiyoknye deice deibuka, ‘Ancuk melipnilyame,’ nyabuka, an siuk erekinirye, morokunune.

Matius 6:26

Sik maka lakuka balamaka nirya ati, tenipdelulume. Maka ara, yal ning kouna ap, nong una ap, din ning dokola delina ap, pia kum wininyak bukni, anggun ni Allah arye, amaka, sik din ning tuba areliba, dinyake. Maka ara, mitik mambul bukni, ninye nirya ara, weik mambul unyaka ati, Allah arye anggunti, anggun patasilye ning nirya melibuka arenamsile. Aning nirya ara, kum tenipmalumce, kum kel bikmalum do?

Matius 8:20

Nyabukura, Yesus arye anye biti tamubuka nyabuk. “Kabang atonun ning do, yuk talya buru tam ulamle ning do nirya, tuku dekuka aik dobikirye unyake. Maka yala nirya, sik asik ara, yo deice dobuka unyake. Tonda, yo taruk deice manyake. Kabang el asik ara, yo peia pum ton malule. Kabang ap, maka ap, sik asik aupmal bukni, nada Ninye Mi Koprop Atonunye bira, na aik koproba kum ati, na manak ton kum upnuke,” Yesus arye nyabuk. “Na ti dobolyaniminyopura, ikin upnamkila ati, aning tenena kum diparyuk yanamlam do, bataknalam do?” Yesus arye, Musa yupu peterena deiyoknye biti nyabuk.