11 Winiplum ati ara, ‘Bura tam talye kam daunyak ning nirya, mekuk dinamak’ tenen, winiplume. Aning atonun, bai tam ulul ning, keledai basam nirya babye, ‘Mek pataplye talak, mek dibikirye unamak’ tenen, areplume.
Tonda, im deice mutuku arye mutuku dam mok dolkwetelyame. Winipmince, tukwak mutuku nirya ara, ance kwepdeipnulum ning, aning-aning weik betekuka, telebuk palule.
Allah ancuk ninye ap, yuk kam ulul ning, ayala-ayala nirya ap, sik patan ning nirya ara, kintinibuka arisilyame. An taruk aniryuk, tukwak ninye nirya ap, yuk kam ulul ning aning-aning nirya ap, nun patan ning nirya ara, ancuk arisilyame.
