Mazmur 102:25 - Eipomek

²⁵ Ati ara, na ni Allah, narye anti, nyabuka moropkine. Na kam tuba unamanye talak aryuk, ‘Kam una deiyok ning min kum dopropneminyeura, adiparyuk kum dipnamne’ tenen, moropkine na nio. ‘Tuba kam uptinye’ tenen, moropkine. Na ni Allah, anda pia kum dipnalame. Tuba-tuba dounamle talak nirya ara, kamuk unalame. Pia kum dipnalama atia.

Mazmur 102:25 交叉參考

Kejadian 1:1

Aning-aning nirya kum uamuk talak ara, Allah arye im ap, tuku ap kwepdeibuk.

Kejadian 2:1

Winibuka sirya kwepdeibukopura, im ap, tukwak mutuku nirya ap, anoutam ulye ning aning-aning nirya, nukmanto kum ulye touk, Allah arye, aning-aning nirya kwepdeibukce, sirya dakuk.

Mazmur 90:2

Tonda, mutuku-mutuku nirya, min kum kwepdeialum talak arye aulalume. Tukwak mutuku ap, mutuku-mutuku nirya ap, min kum kwepdeialum talak ara, anda akunum aulalume. Allah an Kam Una Deiyoknye anya arye, pia ati, aunauk unalame. Atalak arye diprongobuka, dounamle talak babye, kam pia ati unalame.

Mazmur 92:9

Bukni, nun kele, anda nun ni Yahweh, im deice pia ati unalame. Aning-aning nirya, pia deice tam umince, mikip weik deiyoknye ulyame.

Mazmur 96:5

Ninye mutuku-mutuku nirya arye, sik bidamang taruk arye, puturubuka delilamak ning memepdeibikirye, ‘Nun ni ani,’ tenen, aning talibuka, elti, si erenyake. Tukwak mutuku talibuka, si erenyak isa mer nirya ara, talye aulul ning, urasin atonun, ubuka deibikirye, si erenyake. Bukni, nun ni koprop Allah Yahweh arye, im deice ulul ning nirya kwepdeiamuke.

Keluaran 20:11

“Na Allah arye nyapne. Na sum deice pil kum donamluma deiyok ara ani. Ara, like nakub barye sum deice arye, narye im ap, tuku ap, laut mekwen ap, aning noutamak ulamle ning ayala-yala nirya ap kwepdeipse. Winipsa ati, like tekbarye sum ara, na dikdik semse. Winipsa ati ara, Na Yahweh arye asum ati, teleb kipdeipsirye, ‘Asum ara ‘Naʼ tenen, weik mambul sum,’ nyabuka asum wibuka yuk deipse,” Allah el si Yahweh arye nyabuk.

Yesaya 38:10

Narye nyapne. Winipmanto, keting duk-duk mitikto noutam talak atonun, nara, kanam wisi kum danmase bukni, tuba keting tamun mitik tonunuk nepse talak noutam bukni, kanye imun uk diknukba, pia mikip ara, mitang upnuke. Winipnukba, narye, ‘Se, tukwak mutuku lo mitik tonunuk kam tuba unmanya ani, adiparyuk dipnamne,’ tenipsirye, ‘Ati ara, akunum diamik nang unyaka, el si Sheol mutuku noutamuk unamne,’ tenipse.

Yeremia 32:17

Na nio, anda Allah Yahweh, aning-aning nirya talibuka, deice tam erebuka, pia mikip weik ulyama ati, an tenelalam touk, adiparyuk winilyame. Ati, Allah an mikip weik taruk deice arye, im noutam ap, mutuku sirya, im sirya nirya ap, kwepdeiplume. Yata ning nirya do, tonok ning babye, an ikin upkiliba, kum winipmanto ning ton, pia kum ukulule. Anda, pia mikip weik ulyamnye biti, aning-aning nirya ara, kanam aryuk pil dopra ulyame.