Matius 7:8 - Eipomek

⁸ Aning ati ara, na dipkoprop nyapsine. Yata nang do nirya, Allah ati morolamak nang ara, Allah kekeplirye, arepliba dolonamake. Elkirikilulnye bira, Allah arye melipliba eipnamle. ‘Anyaik wekuka bitinye’ tenen, bisik lourum-lourum abuka, pitin-pitin ululnye bira, Allah arye abuplan kukeipliba weknamle.

Matius 7:8 交叉參考

2 Tawarikh 33:19

Aning atonun, kanye imun weik uk dilamuk talak, ‘Allah arye melibuka kwetepnamnilʼ tenen, morobuk ning ap, tonda Allah kekebukce, bico tenebuka, dipkoprob el nong kwetebuk ning ap, abuku sejarah noutam akunum sekuka deiamik. Aninguk kum bukni, tonda Raja Manasye birye, Allah si yanilamukce, malye weik winilamuk ning ap, tonda Allah ati, diba tenena kumce, el yupu moubuka kum taleamukce, malye winilamuk ning ap, tonda isa si erena ati, yuk mesba kintinip deiamuk ning ap, isa ati, kam ning obuka, arelamuk ning ap, isa si Asyer si erena ati, weik cang yo ikuka, asukum arye morolamuk ning ap, talye ning bukni, ‘Nun ni ara, aniʼ tenen, ninye urasin atonun kibuka memebuka, patung-patung deiamukce, talye ning bukni si erelamuk ning ap, aning nirya malye ning yala-yala nirya kintinilamuk ning nirya ara, minop talak winilamuk ning sekna buku, el si ‘Buku Sejarah Aminyan Talak Upnamle Ning ati Dina Nangʼ noutam sekuka deiamik. Amalye ning nirya ara, el malye winilamuk talak noutam, el kanye amu tam kum ulamukce, ila tamubuka teleb kibuka, diksukumuk kum ulamuk talak, malye winilamuk ning ati nyababe. Aning nirya babye, Allah arye nyapneura, el yupu laka nyan nang, sik nabi-nabi nang arye nyalamik ning, ‘Minop talak winilamik nang arye, winilamik ning aniʼ tenen, sejarah buku noutam arye sekuka deiamik.

Mazmur 37:4

Anggunce, ‘Nun ni koproba Allah Yahweh, elda pia mambulnye ulula ati, el tibuk pia kanye deibuka unamabe,’ tenepmunce, Allah arye, ‘Aning telebe,’ tenelye ninguk, talibuka unamlulume. Winibuka winimunyopura, anggun talima pum tam arye, pia ‘Se,’ tenepmunba, teninmamunye touk, Allah arye arenamsile.

Mazmur 81:10

Anggun Israel nang kan-kan ara, yuk mutuku nang arye, si erenyak isa ati, ‘Nun ni,’ nyabuka, atalye ning ati, pia si kum erenamlume! “Aning ara, pia meme,” nyapmasine! Atonun, yuk mutuku nang arye, isa si erenyak ning ati, tuku deice kutam dipdongobuka, atalye ning ati, pia si kum erenamlume. Na Allah arye nyapmasine.

Mazmur 81:16

Na Allah ati, ‘Nun lik,’ teneninyak nang nirya ara, na Allah dam yakirye, ‘Ilil weik unamtingʼ tenen, patapnile. Tonda, ‘Na Allah arye, anang wenebuka opnamne talak ara, pia awininamne’ tenen, patapnile.

Matius 7:7

Yesus arye ayupu nyabuk. Anggun patasilye ning moropmunyopura, Allah kekepsilirye, aninguk arenamsile. Anggun patasilye ning, ‘Danak eipnuyap do?’ tenen, epkirikmunyopura, eipnamlume. ‘Anyasik abuka wektinye’ tenen, bisik lorum-lorum abuka, pitin-pitin upmunyopura, Allah arye buplan kukeipnamsile.

Matius 7:9

Anggun teniplulume. Anggun awekmalum nang kan-kan, yatanye el mi arye el li biti, kwaning moroplye bukni, talya keiluk arepnamlum do?

Lukas 11:10

Wininamluma ara, talye ati kume. Na dipkoprop nyapsine. Yata nang do nirya, Allah ati morolulnye bira, Allah arye areplyeura, dopropnamle. Elsusululnye bira, Allah arye meliplyeura, eipnamle. ‘Anyaik wektinye’ tenen, lourum-lourum abuka pirilulnye bira, Allah arye abuplan pakeipsilyeura, weknamlume.

Yohanes 2:2

Ayuna deiyok nang arye, Yesus ap, elce wipdeiamuk nang ap ati, “Anggun ton dilyalulume,” nyabuka yukubika ati, sik ap anyaik uk, kil dona ati yupmek aik unmek.

Rasul 9:11

Nyabukura, nun ni Yesus arye nyabuk. “Sik bisik si ara, Pung Bisik ak si sisibuka nyalulum bisik ara, abisik dam Yudas dobuk aik dam biminyak arye, Tarsus mutukunye, el si ara, Saulus ati, ‘Saulus yalyame,’ nyalbinulyame. Wini talak ara, Saulus arye na moronmanile.