Matius 7:20 - Eipomek

²⁰ Anyapmasin touk, yo yala nirya yo duk moupliba eipmunce, ‘Ayo yala ara anye,’ tenelamluma atonun, atilila yupu peterenamak nang arye, sik wininamak ning deice arye, eibuka kel bikinamlulume.

Matius 7:20 交叉參考

Matius 7:16

Winibuka wininyak bukni, sik wininyak ning moubuka eililum deice arye, ‘Aning ara, tilila nang unyake’ tenen, kel bikinamlulume. Anggun kel bikna ati, winipmanto ning nyapnusine. Ura, ninye arye, ‘Sumik duk daknuyabe,’ tenebikirye, cunang tapu deice mouamlyak ton dakanyak do? ‘Kisang dakuka dipnuyap’ tenen, kwalip naca tapu deice arye dakanyak do? Kume.

Rasul 5:38

Sik winilamik ning nirya kum kibuka ati, wini talak ayupu peterenmak nang ati, anyapnusine. ‘Anang opnamap’ tenen, warikina bataklulume! Anang ara, ur talye batakdongoplulume! Sik dib tenelamak ning ap, sik wininamak ning ap, sik bidamnang kanye aryuk winilamiceura, nong kum upnamle.

Matius 12:33

Yesus arye nyabuk. Duk moulamle yo nirya ara, ‘Yatato yo duk moubuk do?’ tenen, duk mouamlya eibibyeopura, urasin biknarye, adiparyuk, ‘Ayo el yala anye, ayo ara, el yala anye,’ tenen, kel kinyabe. Yo duk mouamlya deice arye, kel kinyaba anya arye, yo duk teleb ning mouplyopura, ‘Ayo ara teleb yo,’ tenenyabe. Duk malye ning mouplyopura, ‘Ayo ara malye yo uka,’ tenenyabe. Aning ati ara, na wininye ning teneipdenululume.

Lukas 6:44

Yo yala nirya yo duk mouplibuk eipmunce, ‘Ayo yala anyak,’ tenelamlume atonun, ninye nirya sik wininyak ning deice arye, eibuka kel kinyabe. Anggun kel kina ati, winipmanto ning nyapnusine. Ara, ninye arye, ‘Sumik atonun ning duk daknuyap,’ tenebice arye, cunang atonun ning tapu deice daganyak do? Anggur, ara kirikna duk atonun ning, ‘Dakuka dipnuyap’ tenen, kirikna atonun ning, tapu deice arye daganyak do? Kume. Aning atonun, dina teleb yo duk moulamle yo ara, teleb yo dukuk moulul bukni, ninye kum dipmanto yo duk moulamle yo ara, malye yo dukuk moulule.

Yakobus 3:12

Aning atonun na weit yapu tenipdelulume. Tonok yala yo duk moulamle yo arye, yuk yala yo duk mouptu do? Tonda tonok duk moulamle tapu arye, yuk yala tapu duk mouptu do? Kume, kwarang yo arye, kabalye yo duk kum mouptue. Aning kum winipmanto. Aning atonun, teleb ulamle mek ap, sisilya mek ap, tonok mek pu donarye kum yatue. Aning atonun, nun si bam bol tonok aniryuk, Allah si eren yupu ap, yuk ninye ati malye len yupu ap, talye tabakuka kum nyanamabe. Aning ara, pia malye.