Matius 5:2 - Eipomek

² Aninye ap, el yupu kekebuka dobolbalamik nang, yuk nang ap, sik nirya bukikura, elce ayupu deiyok koubuka peterenmok.

Matius 5:2 交叉參考

Ayub 3:1

Tek barye talak deice arye, Ayub ap, el kayapu nang ap arye, yupu kum nyalamik bukni, atalak akunum ubukba, Ayub elce tonok sum ton yupu nyabukce, “Se, na nin bira, yata deiyok ati deiamnuk do? Delina batakamnutue. Na min deipnuk sum ara, pia malye sum,” nyabuka, malye yupu nyanmokce, el deiamuk sum supdayuk.

Amsal 8:6

Na nyanun yupu ara, moubuka kekenamlulume. Ara, talye ati kum nyapsine. Deiyok ara, narye nyasunun yupu ara, talye yupu kum nyaltakanun bukni, pia teleb yupu uk nyanuna ati ara, moubuka kekenamnululume. Narye nyasunun yupu nirya ara, pia diksukum kibuka winin ninguk nyanuna ati ara, anggun nirya arye, moubuka kekenamnululume.

Matius 13:35

Domon yupu deice aryuk peterenmok ning ara, Allah yupu laka nyananye, nabinye nyalamuk touk upnamuka ati, peterelamuk. Nabi Asap arye nyalamuk yupu ara, ani. ‘Allah arye, “Na peterenamne talak ara, domon yupu ap, winipmanto yupu ap adeice aryuk peterenamne. Allah arye aning-aning nirya kintinipdeibuk talak, aniryuk dipdongobuka anoutam talak nirya, Allah arye duknyamuk ning nirya ara, wini talak ara, laka kibuka nyanamne,” nyabuk.’ (Mazmur 78:2) Ayupu ara, Mazmur yupu noutamak, nabi Asap arye, nyalamuk.

Matius 5:1

Ura, sik ninye weike Galilea tam ap, Yudea tam ap, Yerusalem mutuku ap arye, bulubuka yayikba, Yesus eibukopura, ‘Peterepnun’ tenen, weik mutuku kon deice welebuka bukuk. Bukukce, el wipdeiyamuk nang, sik 12 nang ara, el bukmok dam bukik. Abulupmek nang nirya babye, asukumuk bukik.

Rasul 10:34

Nyabukura, Peterus birye deiyok koubukce nyabuk. E, winira na bikmane. Dipkoprop Allah arye nunti nun mutuku ap, nun urasin ap, ato ning disilya elisilya deice arye, ‘Na mapu kopropa,’ kum tenesulule. Allah arye, ‘Ton yala nang ara telebe, ton yala nang ara pia malye ati, na mapu kum unamake’ tenen, bokuka yuk-yuk kum kilisulule. Allah arye tenesilya ara, ‘Ninye mutuku-mutuku nirya ara, atonunuk unyaka ati ara, yata mutuku ninye do nirya, na mapu uptinge,’ tenesulule.

Rasul 18:14

Nyabikura, Paulus arye, ‘Yupu nyapnun’ tenen, si akalukuyuk kipman, Galio arye Yahudi yala nang ati nyabuk. “Kume. Anggun Yahudi yala nang arye, ‘Anye bira, pia malye upmale,’ nyaptumura, na teleb kibuka kekeptinyopura, lepsisikuka deipsitinye.

Rasul 8:35

Asipdeyukura, Pilipus arye anye asum min nyapmok yupu deice arye, deiyok koubukce, anyapce dukdongobuka laka teleb yupu, peterepnin banmok. Ara, ‘Yesus arye ninye lyepnamne’ tenen, yayuk ati, ayupu nirya peterepnin banmok.

Efesus 6:19

Tonda na kayapu, nati Allah moronamnulume. Ara, ‘Paulus bira yupu nyanamle talak nirya ara, Allah arye, teleb yupu arepliba, teleb kibuka peterenamle’ tenen, Allah moronamnulume. Tonda, Paulus birye, ‘Ayupu ati derepnamniyak do?’ tenen, ‘Ilil kumce, mikip asa ubuka, Allah el laka teleb yupu, teleb kibuka petereptue’ tenen, anggunce nati Allah moronamnulume. Allah arye, el laka teleb yupu deiyoknye bira, minop talak duknyamuk bukni, wini talak akunum laka kipdeipsuk ati peterenyabe.