Matius 4:21 - Eipomek

²¹ Yesus ayupu nyabukce, amekwen lilkwauk banmoka ani, bitinye nang ton, Yakobus ap, el weit Yohanes ap, ara Zebedeus el mapu, sik mek lia yo deice arye, mekin bal dongobuka dolamrik ning, el si ara jaring, aning pum lipsisikuka winmarikbuk eibuk.

Matius 4:21 交叉參考

Matius 10:2

Yesus arye 12 nang wipdeiyamuk nang, sik Rasul nang ara, sik si ani. Tonoknye bira, Simon nyalamik bukni, aminyan ara anye biti, Yesus arye ‘An si Peterus,’ nyabuka si nyapdeibuknye ap, tonda anye el weit kopropa Anderias ap, Zebedeus el mapu bitinye Yohanes ap, el weit Yakobus ap, ara,

Matius 17:1

Ayupu nyabukopura, daulamika ani, like naku barye sum akunum mabikopura, Yesus arye winilye nanguk dobuka, weik mutuku dup welebik. Yesus ap mutuku dup welebik nang si ara, Peterus ap, Yakobus ap, el weit kopropa Yohanes ap, Yesus ap, sikuk amutuku welepmekce eiunmek.

Matius 26:37

Nyabukce, Peterus ap, Zebedeus el mapu bitinye, Yakobus ap, Yohanes ap, bobuka biyukce, ikin kanye bobukce, pia ilil ubukba, anang ati ayupu nyabuk.

Matius 4:20

Yesus arye nyabukopura, Simon ap, Anderias ap, sik bitinye nang ara, mekin bal dongobuka don ning, jala batakrikce, adiparyuk Yesus melibuka dobolbirik.

Matius 4:22

Eibukopura, Yesus arye yukubukba, sik bitinye nang arye, sik ni Zebedeus ara, mek lia yo deice abukmokak, anyakauk batakuka, sik adiparyuk Yesus melibuka birik.

Markus 3:17

Tonye bira, Zebedeus el mapu bitinye Yohanes ap, el weit Yakobus ap, bukni, Yesus arye anang ati, Yahudi yupu deice arye, ‘Boanerges,’ nyalamuk. Boanerges nyabuk ning deiyok ara, sik yupu deice ara, liman el mapu ati, nyabuk. Ara, liman weik arye bebea laklamla atonun, anang bitinye yupu weik arye nyalamrik ati, abitinye nang arye, tenilena kumce yupu mikip arye nyarurak ning ati nyalamuk.

Markus 5:37

Nyabukce, ayangan mek nang nirya, ‘Sik ap, yacak’ tenen, yupu sekdongobukba, sik asukumuk unmekopura, Yesus ap, Peterus ap, Yakobus ap, Yakobus el weit Yohanes ap, sikuk Yairus aik biyik.

Yohanes 21:2

Asum ara, sik neika unmek nang ara, Simon Peterus ap, Tomas (tonda Didimus nyalamiknye) ap, Galilea tam bukni, Kana mutukunye Nataniel ap, Zebedeus el mapu ap, yuk bitinye nang ap, sik nirya neika unmek.

Rasul 12:2

Herodes arye anang ati, ikin ning delilamuka ani, elce yin nang nyapdeibukura, sikce parang ya dobuka, Yohanes el du Yakobus obik