Matius 1:8 - Eipomek

⁸ Asa el mi ara, Yosafat. Yosafat el mi ara, Yoram. Yoram el mi ara, Uzia.

Matius 1:8 交叉參考

1 Raja-Raja 15:24

Asa akunum wisi dayuk talak ara, dibukba, el nong dobukabice, el apu yapu tuku lukamik mutuku uk, binuka tuku lukik. Ara, ‘Raja Daud, el mutuku uk, ninye dipnaba weilbalamikakuk, Yerusalem asik dam tuku lukik. Asa akunum dibukopura, elce deiamuk mi, el si Yosafat bira, el punubukce, ninye deiyok kina ati, deiyok kobukce, Yehuda tam ulamik ninye ati taleamuk.

2 Raja-Raja 14:21

Winibikopura, Yehuda tam ulamik ninye nirya arye, Amazia elce deiamuk mi, el si Uzia biti, “Elcuk nun ninye deiyoknye unamsile,” nyabuka wibikba, el anye birye, el li punubukce, ninye deiyoknye Raja kibuka, Yehuda tam talibukce, ulamuk. Atalak ara, Uzia el ulamuk keting tamun ara, enam belas (16) tahun kibuk noutam arye, ninye deiyoknye kibuk.

2 Raja-Raja 3:1

Ninye deiyoknye, Raja Yosafat bira, Yehuda mutuku noutam nirya talibuka ulamuka ani, keting tamun delapan belas (18) tahun ubuk. Keting tamun delapan belas tahun noutam ara, Ahab el mi Yoram bira, Israel yala ninye ulamik tam, sik ninye deiyoknye Raja kibuka taleamukce, sik Samaria mutuku, keting tamun dua belas (12) tahun deice arye taleamuk.

2 Raja-Raja 8:16

Yosafat el mi Yehoram bira, Yehuda mutuku noutam ninye deiyoknye Raja tikuk. Elce deiyok kibuka tikuk talak ara, Ahab el mi Yoram ninye deiyoknye, Raja ulamukce, Israel tam taleamukce, yupu nyalamuk. Yoram birye, Israel tam taleamuka ani, keting tamun pamubarye deice arye, Yehoram birye deiyok kibuka, Yehuda tam taleamuk.

1 Tawarikh 3:11

Aca birye, Raja kin ning sirya dakukopura, el mi Yosafat birye, ninye deiyok talibuka, Raja kibuka daulamuka ani, el mi Yoram deibuk. Yesofat birye, Raja kin ning sirya dakukopura, el mi Yoram birye,, ninye deiyok talibuka, Raja kibuka daulamuka ani, el mi Ahasia deibuk. Ahasia birye ninye deiyok talibuka, Raja kibuka daulamuka ani, el mi Yoas deibuk.

2 Tawarikh 21:1

Yosafat akunum dibuk talak ara, Daud ulamuk mutuku, Yerusalem mutuku noutam tuku lukik. Ara, Yosafat el apu yapu nang ton, sik ninye deiyok nang, Raja-Raja dipniba, weilamik sukumuk, el ton tuku lukik. Tuku akunum lukikopura, Yehoram el pununa ati, el miuk wibuka erepdeibikba, ninye deiyoknye Raja kipdeibikura, amutuku nirya taleamuk.

Matius 1:7

Salomo el mi ara, Rehabeam. Rehabeam el mi ara, Abia. Abia el mi ara, Asa.

Matius 1:9

Uzia el mi ara, Yotam. Yotam el mi ara, Ahas. Ahas el mi ara, Hisikia.