Lukas 22:48 - Eipomek

⁴⁸ “Yudaso, nara Ninye Mi Koprop Atonunye ati, tenepnilamce, ‘Mutuna deice arye yukupnaman’ tenen, yanmanilama ara, yata ati do?” Yesus arye nyabuk.

Lukas 22:48 交叉參考

Mazmur 55:21

Na kwit koproba ara, na ap, el ap, yuk nang ap arye, ‘Olana kumce, talye kanye bobuka, telebuk neika unamabe,’ nyabuka, nyalin yupu deice arye nyapdanamupu. Bukni, elce nati, ‘Deiyok winipnamname,’ nyabuka, nyalin yupu deice arye, nyapdanumu ning ara, akunum batakukce, malye kilinulule.

Amsal 27:6

Malye winibibyeba, nun kayapu nang arye, “Amio, anda dipkoprob pia malye upmalum ning ara, lakak arye ani-ani,” nyabuka wenepsicopura, ‘Ayupu ara na kwit koprop arye nyapmanila ati, aning ara, teleb uka,’ tenetibye. Bukni, nun oldan nang arye, nunti, anggun talima noutam ara, ‘Anang ati tuba optibye,’ tenesinyak bukni, yuk nang kekenak ara, ‘E, na kwit koproba, na kanye deipkine,’ nyaptingce mutupsiting babye, anang ati dib kum tenenamlulume. Ayupu ara, tenebuka aryuk nyanyaka anya arye, sik talima noutamak aryuk, ‘Aninye malye kipdeiptinye,’ tenelulnye bira, ninye onanye atonun ulule.

Lukas 22:47

Yesus arye ayupu tuba nyanmok talak ara, Yesus arye wipdeiyamuk nang sik 12 nang kan-kan bukni, anye el si Yudas menekmokura, Yesus el tapu kupnamek nang weik arye aminyan yanganmek. Yanganmekura, Yudas arye, ‘Yesus mutupnun’ tenen, el dam tikilyayukura, Yesus arye Yudas ati asipdeyuk.

Lukas 22:49

Yesus el mapu arye, ‘Anang ara, Yesus tapu kupnuyaka ati, yanganmaka,’ tenebuka bikikce, Yesus ati nyabik. “Naio, nun parang ya dobuka, anang opnuyap do?” nyabuka asipdeyik.