Lukas 21:37 - Eipomek

³⁷ Atalak ara, Yesus arye asum-asum nirya, Yahudi yala nang sik Allah ati arilbalamik aik pum peterenman ak, einipneura, Zaitun mutuku dup welebuka malbalamuk.

Lukas 21:37 交叉參考

Zakaria 14:4

Atalak ara, Allah Yahweh Zaitun mutuku kon deice yanuka tiknamle. Zaitun mutuku kon ara, Yerusalem weik asik dam bukni, otam keting panalyangan tam ulule. Asukum ara, Allah yalirye, Zaitun mutuku kon deice yanuka tiknamle. Winiplyeura, Zaitun mutuku kon arye sakukaplirye, pala weik tam ara, keting panalyangan tam arye, deiyok koubuka binamlya ani, keting kumulban tam binamle. ‘'Amutuku toplirye, ton tam ara, outam dabu tam kisikuka binamle. Ton tam toplirye, iknapye tam ton kisikuka binamle. Ara, Zaitun mutuku kon nirya ara, dana-dana tam kipdoplyeba, danoutam ara, weik lu upnamle.

Matius 21:1

Yeriko mutuku batakuka, ‘Yerusalem mutuku binamap’ tenen, Yesus ap, el mapu ap, bisik mapnin balamika ani, asik dolamikak si ara, Betania ap, Betfage ap bisibikce, banmeka, Zaitun mutuku dup welebik.

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Matius 26:30

Yesus arye nyabukopura, el ap, el mapu ap, sik nirya Allah yupu mot sebikce, alip aik Yerusalem mutuku sik bukmek aik batakuka, banmeka ani, Zaitun mutuku deice welebik.

Matius 26:55

Ayupu nyabukopura, Yesus arye el tongolyanmek nang ati nyabuk. “Anango, ‘Amutuku talibik nang opbisipnamla ati, el deiyok koubuka el mapu bobinmala,’ tenepmanulumce parang ya ap, ninye on kama ap, bobuka tomolyanulum do? Atalak-atalak nirya, Allah ati arelulum aik dam tikuka peterenmasiba, anggunce kum tomopnulume.

Markus 11:12

Biyukura, Yesus ap, el mapu ap, neika mapmeka berekukopura, Betania mutuku batakuka, bayik talak ara, Yesus din patabuk.

Markus 11:19

Yesus aunmokura, aunmeka ani, akunum inibukopura, Yesus ap, el wipdeiamuk nang, sik 12 nang ap, Yerusalem mutuku asik dolamikak batakuka, buru tam biyik.

Markus 14:49

Atalak-atalak nirya, Allah ati arinyap aik dam peterelamsi bukni, kum tomonululume. Bukni, Allah arye nyalilamukbuk, Allah yupu sekamik nang sekeiyamik touk upnula ati, winipnulume.” Yesus arye el tomolyanmek nang ati nyabuk.

Lukas 19:29

Bisik mapranin balamika ani, asik dolamik asik si ara, Betania asik ap, Betfage asik ap mapnin balamika, an ni Zaitun mutuku dup welepnuyik talak ara, el mapu bitinye nang ati nyabuk.

Lukas 19:37

Yesus bisik banmoka ani, Zaitun mutuku kolukuka bana ati, bisik bokolanak biyuk talak ara, Yesus ati diba tenebikce, melibuka banmek nang nirya ara, Yesus arye ninye winipman kumto pil, weik dolamukura, elilamika ati, kanye deibuka, Allah si erenmekce, ‘Yesus ara, nun weik ninye deiyoknye Raja kipnamsil’ tenen, ayupu weik arye nyanmek. Ara, Allah yupu laka nyalamik nang, nabi nang minop arye sekamik yupu, dobuka nyapra banmekce, weik yupu nyanmek. Nyanmek yupu ara, ani.

Lukas 19:47

Yesus asum arye deiyok koubukce, dosum nirya ara, Allah ati arilbalamikce el si erelamik aik dam ulamukce, Allah yupu peterelamuk. Peterelamuk bukni, Allah arye, ‘Aning wininamlulume, aning ara kum wininamlulume,’ nyapdeibukba, Musa sekamuk yupu, peterena deiyok nang ap, Allah arena ati, weik deiyok nang ap, yuk talye weik deiyok nang ap arye, Yesus winilamuk ning ati, elilamikce, yu weik ubukura, ‘Dan talak arye Yesus ati oploptibye do?’ tenen, yupu sisiklamikce pirildelamik.

Lukas 22:39

Yesus arye nyabukopura, el ap, el mapu ap, sikce asum-asum nirya winilamik touk alip aik Yerusalem mutuku sik bukmek aik batakuka, banmeka ani, Zaitun mutuku dup biyik.

Yohanes 12:1

Sik Yahudi yala ninye arye weik Kaplina ati Kwalina ati, ‘Naku barye sum tonap akunum mabibyopura, kwalipnamabe’ tenen, kintinibik sum ara, Yesus arye Betania mutuku biyuk. Betania mutuku ara, Lazarus diamukba, Yesus arye kam bukeibuk mutuku anyuka.

Yohanes 18:2

Sikda, yo kan-kan biyik mutuku ara, Yesus ap, el yupu kekelamik ninye ap, amutuku uk bulumekba, Yesus arye asukumuk peterelamuk mutuku anya arye, Yudas Iskariot ababye amutuku akunum kel bikamuk.

Rasul 1:12

Yesus akunum welebukopura, zaitun yo duk moulamuk mutuku ati, mutuku si Zaitun mutuku nyalamik mutuku arye, el mapu tamubuka Yerusalem mutuku biyik. Ara, Zaitun mutuku arye Yerusalem mutuku bana ati, tonok Sabat sum arye mening dam mutuku balamik touk, asum ara, sik babye, atonun biyik.