Lukas 14:12 - Eipomek

¹² “Anggun yuna kwalibuka deipmamunye talak ara, anggun kayapu nang ap, anggun weitcapu silip ap, anggun yala nang ap, bona talin nang ap, ‘Yuna dilyanuyak’ tenen, ananguk kum yukupnamlulume. Ato nanguk yukupmunyopura, sikce tuba tamubuka anggunti kwalibuka delinamsiak anya arye, ‘Elce tamubuka yuna kwalibuka deipnamnile,’ tenepmunye nanguk kum yukupnamlulume.

Lukas 14:12 交叉參考

Amsal 14:20

Bona utotoa talina kum unyak ninye nirya ati ara, sik kayapu neika mining damak unyak ninye nirya arye, ‘Aninye ara na kayapu koprop’ tenen, “Nun aik weklulume. Neika dina dibibirye, yupu talinamabe,” nyabuka kum yukulonyake. Aning kum bukni, bona utotoa talina kum ninye, sik mining damak unyak ninye arye, “Sikda nun like ati, nun damak arye bindoplulume. Nun damak una kume,” nyabuka batakanyake. Bukni, bona weik talin nang ati ara, aning-aning nirya weik weinyaka anya arye, yuk nang nirya arye, ‘Se, anang ap eipdabirye, neika yupu sisikinmabiba, nun kayapu nang kekepsitinge’ tenen, kanye deibuka sik aik damak yanganyake.

Amsal 22:16

Yata nang do nirya, ‘Bon-bona weik talibuka unyak ninye ati, teleb ning arebibya deice arye, kanye deipsikirye, aminyan talak melibuka teleb kinamsiak’ tenen, arinyak kili sal ara, aminyan talak bona utotoa weik talin nang kum unamak bukni, talye bona talina kum ninye uk upre banamake. Aning atouk, dan kili sal do nirya, talye bona talina kum ninye ati, ‘Aninye ara nun like’ tenen, malye kinyak kili sal ara, Allah arye wenepliba, aminyan talak sik talinyak ning nirya kum upliba, sik babye talye bona talina kum ninye uk ubikirye, ikin asa uk unamake. Bona talina weik ninye ati, arinyak ninye ap, tonda, bona talina kum kili sal ati, ikin ning sik nong deice delinyak kili sal ap ara, sik bidamnye atibuk ititilalinyake.

Matius 5:46

Yuk nang arye anggunti, bico tenebuka kanye talima melisinyak nanguk, bico tenepmunyopura, adeice arye Allah elce anggun teleb una ati, ‘Talya arepnamne,’ tenepsuk ning arepnamsil do? Kume. Sik pia malye nang, ‘Ninye deiyok nang dopropnamak’ tenen, pajak yo bok bulubuka delilamak nang, anggun malye nang ababye, sik babye, atonun nang ati, bico tenebuka melildanyake. Aning ara, ninye nirya, sik babye, atonun nang ati, melildanyake.

Lukas 1:53

Tonda, sik aning-aning nirya patalamuk ninye ara, Allah arye sik patapne ning weika arye aribnabuk dololamikura, boulamuk. Winilamukura, sik bona weik talin nang ara, arena kumce talye nonguk dolkwetelamuk.

Lukas 1:58

Atalak ara, el mening dam ulamik ninye ap, el yala ninye ap, “Allah bico tenebuka melyamuka deice arye, sal mi akunum deiple,” nyabikura, kekebikce, sik aninye ap kanye deibik.

Lukas 14:11

Ara talye ati kum nyapsine. Yata ninye do nirya, sikce sik bidamnye ati erelilalamak nang ara, aminyan talak Allah arye anang dobuka amu kipdeipnamle. Bukni sik talima darapdongobuka amu tam ulamice nang ara, aminyan talak Allah arye anang erebuka teleb ak deipnamle.” Yesus arye nyabuk. Nyabukopura, Yesus arye el bukmok aik deiyoknye biti nyabuk.

Lukas 14:13

Anggun yuna kwalibuka delinamlum talak ara, talye bona utotoa talina kumnye ap, yok kwalin ninye ap, aik bun ninye ap, asing guna ninye ap, ‘Sik nirya dilyanuyak’ tenen, yukupnamlulume.

2 Korintus 6:13

Aning ati, narye anggunti, ‘Na mapu atonun unyake,’ tenesununa anya arye, na mapu awamnutu ak, narye na mapu koprop ati, nyaptinye touk, anggunti nyapsine. “Ninye arye yuk nang ati teleb kibuka arelalamak touk, anggun adiparyuk nunti, ‘Kanye talima dukdongobuka neika unamabe’ teneplumce, kanye deibuka anggun kanye talima delisululume. Teleb ning ara, aninguka,” nyapsine.