Lukas 1:43 - Eipomek

⁴³ Se, nara yata kil tenepmanilamce, nun ni Allah Israel ninye lyena deiyoknye el lin, na dam ara, yata ati yanmalam do?

Lukas 1:43 交叉參考

Mazmur 110:1

Allah Yahweh arye, na ninye deiyoknye ati nyabuk. “Anda na sirik tam yanuka bukminba, narye an oldan ninye nirya obuka bisipnirye, aninye nirya dobuka, an yan amu tamuk deipnamkine. An oldan ninye nirya dobuka, an yan amu tam deipkiniba, aninye sik nong deice yanipdongopnalame.” Allah arye nyapdeibuk.

Matius 12:46

Yesus anyaik bukmokce, awekmek nang ati tuba nyanmok talak ara, el lin koprop ap, el weit yapu koprop ap arye, ‘Yesus ap yupu taliptibye’ tenen, Yesus dam yayik. Aik yanuka tikikce, ‘Yuk nang arye Yesus binuka nyapdeipnunyaka’ tenen, nyabik.

Matius 3:14

Morobuk bukni, Yohanes arye, ‘Nada malinye,’ tenebukce ayupu nyabuk. “Kume naio, teleb ning ara, ance nati mek dongopnutum bukni, ance na morolyanmanilam ara, yata ati do? Na kanye ara, aning kum winiptinye,” nyabuk.

Lukas 1:42

Langdibukopura, Elisabet weik yupu arye nyabuk. Se, yuk kilapu nirya ara, Allah arye sikti, kanye deililul bukni, an Maria uk ara fia, weik arye melikulule. Tonda, anda sal mi deipnalama babye, Allah arye akunum wibkukce kanye deipkuke.

Lukas 1:44

Ance ‘Telebe,’ nyapmanilam ak, kekepmakince adiparyuk mi bopsa ara, ami el kanye deipmalce lulukmale.

Lukas 2:11

Ara, Daud el mutuku Betlehem noutamak arye, ninye nirya Lyena Deiyoknye akunum deipmasile. Ami ara, weik ninye deiyoknye unamle. Ara, Allah arye ninye weik lyeplirye, sik kanye talima talinamle talak deiyoknye bira, ‘Ami upnamle’ tenen, wibuka deibuk mi ara ani. Ami ara, Kristus ulule.

Lukas 7:7

Nara, talinye unune ara, adeiyok ati narye an mening dam yanuka, kum moropmakine. Bukni, ance atikmalamak anyuk, an yupu nyapminyeura, na pil donanye bira, uk kum dalirye, teleb upnamale.

Yohanes 13:13

Aning deiyok ara, laka nyapnusine. Ara, anggunce nati, “Nun peterena deiyoknye, nun Weik Ninye Deiyoknye,” nyabuka nyanululuma ara, aning dipkoprop wininuna anya arye, merekuka nyanululume.

Yohanes 20:28

Nyabukura, Tomas arye, “Se, Naio, anda na Deiyoknye, Allah ulyame,” nyabuk.

Pilipi 2:3

Yata winin ning do nirya, ‘Nauk ereipnitinge,’ tenena ap, kwalina ap, maknye kintinilina ap, deice arye, pil kum donamlume. Aning ara, pia kum bukni, anggun adiparyuk talima namin kibuka, amu tam umunce, anggunce yuk ninye nirya ati, ‘Kume na kwit eluk ereiptinge. Nara, mitik mambul bukni, eluk ara weik mambule’ tenen, tenelanamlulume. ‘Weiknye bira na uka,’ tenena kume.

Pilipi 3:8

Anyapmasin yupu uk kume. Tonda, teleb-teleb kibuka winilamse ning weik aupnuk bukni, Yesus dib tenepnirye, ‘Na deiyoknye Yesus Kristus ap, dukdongobuka unaname,’ akunum tenepne ning ati ara, ‘Mince arye tenelamse ning nirya ara, malye ning atouk, dauplye,’ tenenune. Ara, ‘Na Deiyoknye Yesus Kristus ap, talima dukdongobuka una ara, pia mambule,’ ati nyapsine. Minop talak ara, na diksukum ulamse deice arye, ‘Aning deice arye, teleb updeipnamnile,’ tenelamse bukni, wini talak na kanye ara, ‘Aning nirya ara, mal-malya, sukulonga donoklamak atonun ning ulule,’ tenenune. Tonda, ‘Lyun ning atonun ning ulule,’ tenenune. Winibukap tenenuna deiyok ara, ‘Weik mambul ning ara, Kristus eluk talibuka, el ap, talima dukdongobuka unaname’ tenen, nyapne.

Rut 2:10

Nyabukba, Rut akunum kekebukce, nong kanupdongobukce, tukwak dinmokce, Boas biti kibuk. Rut birye, tamubuka Boas biti nyabuk. “Naio, nara talye kil anya arye, ance kanye teleb arye, winibuka kum nyapnutum kile. Nara, yuk mutuku, ninye asik kil anya arye, ance anyapnilama atonun, kum nyapnutum bukni, teleb yupu nyapmanilame,” nyabuk.

1 Samuel 25:41

Nyabikbuk, Abigail ayupu akunum kekebukopura, nong kanupdongobuka, tukwak dinmokce, adiparyuk sik anang ati, nyabuk. “Diba, nara anggun ni koproba Daud, el melin kil atonun unune. Elce tenepmal touk, winipnamane. Tonda, anggun el amu tam pil don nang ati, melinamsine. Anggunce, ‘Winiplyame,’ nyapmalum touk, anggun melina ati winipnamane,” nyabuk.