Ester 7:6 - Eipomek

⁶ Raja arye nyabukura, Ratu Ester birye tamubuka nyabuk. “Kume, anyapmakinye bira, yuk mutuku ululnye kume. Ara, abukmalnye, Haman el uk ara, ninye ona ati, pia yu weiknye ulule. Ati ara, Haman elcuk na yala ninye nirya ati, ‘Lik,’ tenena ap, ‘Kum kibuka deiptinye,’ tenena apnye ulule,” Ester birye nyabuk. Akil arye nyabukura, Haman birye, Persia mutuku ninye deiyoknye Raja Ahasyweros ap, el kil Ratu Ester ap ati, ‘Se, yata wiripnunirak do?’ tenen, sik asok deice erebuka dilina ara, ilil pia weik ubuk.

Ester 7:6 交叉參考

Nehemia 6:16

Akunum dobuka sirya dakupopura, sik amutuku noutam ulamikce, nunti, ‘Lik,’ tenebuka mal pilamsik nang nirya ara, aning kekebikce ilil ubukba, ‘Nunda sik ap urasin kum dildanamabe’ tenen, duknuprobik. Min yuma talak ara, malye tenebuka, mikip weik ubuka, ilil kum asa ulamik bukni, akeil poka dobuka sirya dakupu talak ara, ilil ubuka ati, talye kanye bobuka, nimalye asa ulamik. Ara, amutuku ninye arye tenebik ning ara, ‘Se, aweik cang keil poka nirya ara, sikcuk kum sirya daktinge. Allah el mikip deice arye melibukba, minop sirya dakmake’ tenen, sik ilil ubuk.

Ester 3:10

Nyabuka morobukba, Persia mutuku ninye deiyoknye Raja Ahasyweros kekebukce, el taruk duk dongolamuk ning, el si cincin ara, kwiribukabukce, Haman biti arebuk. Ara, ‘Haman birye tenelye touk, na si deice arye wininamle’ tenen, Raja birye el cincin kwiribuka, Haman biti arebuk. Haman el li koproba ara, Hamedata, elda Agag yalanye ulamuk. Haman bira, Yahudi yala ninye nirya ati, pia yu tenebuka ulamuk.

Ester 7:5

Atalak ara, ninye deiyoknye Raja Ahasyweros birye, ninye deiyok kil Ratu Ester ati asipdeyuk. “Yatanye birye, mandipna kanye bobuka, anyanmanilam atonun uptu do? Aning atonun, yatanye malye weik uptuba, ‘Ester yala ninye nirya, obuka sirya daknamabe’ tenen, malye weik ulul do? Anye bira, dan mutuku noutamak ulul do?” nyabuk.

Ester 8:1

Asum aniryuk, Raja Ahasyweros birye ninye deiyok kil, Ratu Ester biti, Haman el taleamuk ning ap, el taleamuk mutuku nirya ap, dobuka arebuk. Persia mutuku noutamak ulamukce, Yahudi yala ninye nirya ati, ‘Obuka sirya daktinye’ tenen, yu pia tenelamuknye bira, Haman ulamuk. Tonda, Ratu Ester birye, Persia mutuku ninye deiyoknye Raja ati, “Mordekai bira na mam koproba ulule,” nyabuka laka nyabuk. Ati Raja birye, “Mordekai ap, el aik ninye nirya ap, na aik yanuka neika unamabe,” nyabuk. Atalak arye dipdongobuka, dotam nirya ara, Mordekai ap, Raja Ahasyweros ap, Ester ap neika ulamik. Mordekai bira, amutuku ninye deiyoknye ton ulamuk.

Mazmur 27:2

Na mal olan nang arye, ‘El opnamap’ tenen, yanuka warikininyak nang ara, sik babye ananguk, keil yan dum dukliba, sakuka olamle atonun, upnamle. Tonda, na mal olan nang arye, ‘Opnuyabe,’ tenepnetinga babye, sik ananguk saknamake.

Amsal 16:14

Ninye deiyoknye Raja arye, el amu tam unyak ninye ati, yu upliba wana weik upyopura, elce wenena yupu nyalya deice arye, el yin talin nang arye, el amu tam unyak ninye ati, talye lukparabuka olyanganyake. Ati ara, Raja weik nang amu tam unyak ninye nirya arye, ‘Kume, nun Raja arye derepsilirye, opsilyak’ tenen, kanye moubuka tenebikirye, telebuk unyake. Sik weik kel bikamik nang arye, ‘Nun ninye deiyoknye derepsilirye, opsilyak’ tenen, moubuka tenenyake. Raja arye malye kanye bobuka, ninye uapmanto ning nirya ati, pia leibuka unyake. Awinin ning ara, pia kum wininyake.

Penghotbah 5:8

Tonok mutuku noutam balamlumce, dipdebuka, mikip weik deiyoknye birye, sik talye bona utotoa kum nang nirya ati, sik nong deice ikin weik ning deiplirye, sik anang ati dopropnyopura, aning ara anggunce, ‘Seʼ tenen, Yata upmal do?’ tenen, kanye teniltona kume. Deiyok ara ani. Amalye ulamlye ninye deiyoknye, el deice tam ton, ninye deiyoknye yuknye ton aulule. Atonun, anye el deice tam babye, yuk deiyok nang ton daunyake. Sik nirya arye, amalye ulamlanye ulul ning nirya ara, elikirye akunum bikinyak bukni, sik nirya ara, ‘Yo dauplye,’ tenebikirye, luba kinyake. Ati, sik nirya ara malyeuk unyake.

Yesaya 21:4

Aning eipsirye, na kanye noutam ara, mambul upnuke. Tonda awinimukak eipse ning ati, na pia ilil upnuke. Sintam kiptuura, talye kanye bobuka, telebuk uptinye,’ tenepse bukni, alukunyan akunum yayukopura, na kanye teleb kum upnuke. Asum lukunyan noutam ara, ilil pia weik upnuk ati, yok sirim talipnuke.

2 Tesalonika 2:8

Allah arye wipdeibuknye, amalye ning siknibuknye bira, dobuka yukak deiplyopura, atalak aryuk, duknulirye, Allah el winin ning nirya ati, Yaniltana Deiyoknye lak kipnamle. Winibuka daulamlye bukni, aminyan ara, nun Deiyoknye Yesus arye, el nyapnamle yupu deice arye, amalinye biti, malye kibuka opnamle bukni, Yesus elda erepdopnamle. Tonda, Yesus el pia teleb ubuka dirina weik yanamle deice arye, amalye winina deiyoknye biti, oplirye, kum daneipnamle.

1 Samuel 24:13

An kele, nun apu yapu arye minop talak nyalamik touk, nun yala nang tuba nyanyake. “Kanye talima malye nang arye malye winin ninguk wininyake,” nyanyake. Bukni, na bidamnye taruk aryuk anti malye kum updeipmakine. An nong deice ikin ning kum deipnamkine.