Daniel 1:5 - Eipomek

⁵ Aning akunum nyabukopura, ninye deiyoknye Raja arye, “Sik anang asum-asum nirya, dinamaka ati ara, anggur mek ap, dina ap ara, na din dilamap atonun dinuk, sik babye kintinipnulyame. Tonda, keting tamun winilye deice arye, akunum peterepminba, kel kibikcopura, na aik pil dona ati, bobuka yaminba, na weik aik noutamak pil danamake.” Babel mutuku deiyoknye birye, Aspenas biti nyabuk.

Daniel 1:5 交叉參考

Kejadian 41:46

Ura, Mesir mutuku nirya taleamuk deiyoknye Firaun birye, Yusup ereibuk talak ara, Yusup elda keting tamun 30 akunum nebuk. Atalak arye, deiyok koubuka otalak noutamak nirya Yusup birye, Firaun el dam batakuka, Mesir mutuku noutam nirya, pil dopra balamuk.

1 Raja-Raja 10:8

Aning ati, na kanye ara, an mapu silip nirya ara, kanye deibuka unyake tenepne. Ara, an amu tam weik pil dokirye, weik nang melikice nang ap, yuk talye nang bukni, an melikice nang ap nirya ara, an dam yakiba, an weik kel bikluma deice arye, yupu nyapminba kekenyake. Ati, na kanye ara, sik pia kanye deibuka unyake tenepne.

2 Raja-Raja 25:30

Winilamdik ani, Babel mutuku ninye deiyoknye birye, Yoyakhin biti, asum-asum nirya, el patapne ning dekna ati, yo bok arelamukba, dekelbalamukce telebuk ulamuka ani, aminyan talak dibuk.

2 Tawarikh 9:7

“Ati, na kanye ara, an domlum kilapu nirya ara, an kanye deibuka unyake. Aning atonun, an amu tam unyak mapu silip nirya ara, sik melibikirye, an amu tam ikin pil dokirye, an dam yakceba, an kel weik kiamluma deice arye, yupu nyalyam ning ara, kekebikirye, Teleb kanye bobuka unyake tenepne. Ati na kanye ara, An mapu silip nirya ara, pia kanye deibuka unyak tenepne,” nyabuk.

Amsal 23:3

Aweik deiyoknye birye, pia telebto ning arepsilyopura, dipmunce to lepliba, kanye deipnamlum bukni, anye birye tenepce, malye yupu nyapsiliba, ‘Talye elce el tilila yupu nyapliba, mangkau arye kekepmunce, malye upmunyak’ tenen nyapsine. Ati, ninye deiyoknye birye, pia teleb ning kintinibuka deipsilirye, ‘Telebe, anggun nirya talye dilyalulume,’ nyapsilyopura, pia kanye moubuka teninamlulume. Ara, to weik arye min-min lelamle ning atibuk, pia kum tenenamlulume. Aning winibuka tenepmunya deice arye, din ning delin yo deice delilbimunyopura, tilila ning uka. ‘Ninye deiyoknye birye pia teleb ning arepmasila ara, yata deiyok ati arepmasil do?’ tenen, moubuka tenenamlulume.

Yeremia 15:19

Nyabukba, Allah el si Yahweh arye, Yeremia biti tamubuka nyabuk. “Dipkoprop nyapkine. Ance na damak tamubuka yaminyopura, narye an dopropkinirye, melipnamkine. Winipkiniba, anda na damak tonap umince, na pil donanye unalame. Narye anti, weik mambul yupu nyapkiniba, ance ayupu kekebuka dopropmince, ‘Ayupu ara, deiyok aupnamle,’ nyabuka nyanamlyame. Talye tilila yupu ara, kum nyanamlyame. Ati, sikce, malye yupu nyapnamkiyake ning ara, kum kekenamlame. Winipminya deice arye, na yupu nyaipneba, na yupu laka nyana deiyoknye, nabi tuba unalame. Winiminyeura, sik Israel ninye nirya ara, tamubuka an damuk yakirye, ance nyanalam yupu kekenamake.

Daniel 1:19

Winibukopura, weik deiyoknye birye, anang nirya ap, yupu talibikce, asipdeyukbuk, tamubuka nyabikopura, utenebuk. ‘Sik anang noutamak ara, Daniel ap Hananya ap, Misael ap, Asarya ap, weika arye kel bikamik bukni, sik yuk wel nang ara, mitik tonunuk kel bikamik,’ tenebuk. Utenebuka ati, Daniel ap, el kwit capu nang winilye ap, wipdeibukba, ninye deiyoknye, el aik pil deiyok koubik.

Daniel 1:8

Daniel birye, pia moubuka tenebukce, ‘Ninye deiyoknye Raja ap, el melin nang ap, sik dinyak din ara, nara kum dinamne. Ara, adin dipnya deice arye, na nong malye bol bopniba, Allah arye kanye kum deipnilyake,’ tenebuk. ‘Na malye kum winipdeipdanune’ tenen, Aspenas biti, ‘Yuk din ton boyanutume,’ nyabukce, binuka morobuk.

Matius 6:11

Asum-asum nirya nun kwaning ap, yuk ning ap, patasilye touk, ‘Melibuka arepsiminyeba, dobuka dinamabe’ tenen, moropmabe.

Lukas 1:19

Nyabukura, amalaikat arye tamubuka nyabuk. “Nara, talinye kume. Na si ara, Gabriel unune. Nara, Allah damak unirye, Allah elce dopkwetepmanilura, laka teleb yupu nyalyanmakine.

Lukas 11:3

Asum-asum nirya nun kwaning ap, yuk ning ap, patasilye touk, ‘Melibuka arepsiminyeura, dobuka dinamabe’ tenen, moropkiyabe.

Lukas 21:36

Aning ati ara, pia moubuka kalekuka dimunce, unamlulume. Tonda, ninye nirya ati, upnamle ning upsiliba, ‘Allah batakuka malye winibibyak’ tenen, Allah moronauk unamlulume. Tonda, ‘Ikin weik upsilyak’ tenen, Allah moronauk unamlulume. Ton ikin ning ara, Ninye Mi Koprop Atonunye birye, ninye nirya weneplirye, yupu bokipnamla talak ara, ‘El dam bibirye, alye kum daknamap’ tenen, Allah moronauk unamlulume. Yesus arye el mapu ati nyabuk.

1 Samuel 16:22

Winilamuk talak ara, Saul birye, Isai biti yupu dobukabukce, nyabuk. “Ami Isaio, ance teleb ur nyapminba, an mi Daud bira, na ap pia ulamnimirye, melinamnile. Ara, narye elti, kanye deipsa ati ara, na ap, el ap, una ara, pia teleb tenenune,” nyabuka, yupu nyapdeibuk.