Daniel 1:19 - Eipomek

¹⁹ Winibukopura, weik deiyoknye birye, anang nirya ap, yupu talibikce, asipdeyukbuk, tamubuka nyabikopura, utenebuk. ‘Sik anang noutamak ara, Daniel ap Hananya ap, Misael ap, Asarya ap, weika arye kel bikamik bukni, sik yuk wel nang ara, mitik tonunuk kel bikamik,’ tenebuk. Utenebuka ati, Daniel ap, el kwit capu nang winilye ap, wipdeibukba, ninye deiyoknye, el aik pil deiyok koubik.

Daniel 1:19 交叉參考

Kejadian 41:46

Ura, Mesir mutuku nirya taleamuk deiyoknye Firaun birye, Yusup ereibuk talak ara, Yusup elda keting tamun 30 akunum nebuk. Atalak arye, deiyok koubuka otalak noutamak nirya Yusup birye, Firaun el dam batakuka, Mesir mutuku noutam nirya, pil dopra balamuk.

1 Raja-Raja 17:1

Ura, Allah el yupu lak nyana deiyoknye, nabi tonoknye el si ara, Elia ulamuk. Elda Tisbe mutuku anye ulamuk. Elda Tisbe mutuku ulamuka ani, el weik mutuku tam ulamukak ara Gilead mutuku nyalamik. Anye bira, atalak ninye deiyoknye Raja Ahab dam yanuka nyabuk. “Allah el si Yahweh, elda dipkoprob kam tuba ulirye, Israel ninye ati pia kalikuka melilule. Tonda, nara el amu tam unirye, el piluk donune. El Allah dipkoprob ulula ati, el deice arye nyapkine. Wini talak arye diprongobuka doyanamle talak nirya ara, keting tamun winilye deice arye, mok pia kum cenamle. Aketing tamun winilyeto deice arye, dou pia maplirye mok cena kum unamle. Narye nyapnye talak uk mok cepnamle. Narye kum nyapyopura, mok purye tonok babye, ton kum saknamle. Ati anda moupnalyame,” Elia birye Raja Ahab biti nyabuk.

Amsal 22:29

Anggun ton elilulum do? Ninye ton el pil aning-aning nirya pia teleb kibuka pil dolulnye eipmunyopura, moubuka dinamlulume. Anye bira, aminyan talak, ninye deiyok nang, sik Raja nang melilana ati, weik mambul pil dobuka unamle. El pil ara, pia teleb kibuka pil dolula anya arye, talye daunyak ninye ati, sik amu tam ulirye, sikti, pil kum donamle. Aning kum bukni, sik ninye deiyok Raja nang ati, sik aik pil talibuka donamle.

Yeremia 15:19

Nyabukba, Allah el si Yahweh arye, Yeremia biti tamubuka nyabuk. “Dipkoprop nyapkine. Ance na damak tamubuka yaminyopura, narye an dopropkinirye, melipnamkine. Winipkiniba, anda na damak tonap umince, na pil donanye unalame. Narye anti, weik mambul yupu nyapkiniba, ance ayupu kekebuka dopropmince, ‘Ayupu ara, deiyok aupnamle,’ nyabuka nyanamlyame. Talye tilila yupu ara, kum nyanamlyame. Ati, sikce, malye yupu nyapnamkiyake ning ara, kum kekenamlame. Winipminya deice arye, na yupu nyaipneba, na yupu laka nyana deiyoknye, nabi tuba unalame. Winiminyeura, sik Israel ninye nirya ara, tamubuka an damuk yakirye, ance nyanalam yupu kekenamake.

Daniel 1:18

Ura, Babel mutuku ninye deiyoknye, Nebukadnesar birye, “Keting tamun winilye deice arye, kel biknamake,” nyapdeiamuk touk, akunum ubikopura, atalak ara, Aspenas birye, sik akam nang nirya duknubuka, Raja el un dam boyayuk.

Daniel 1:4

Nyabukce, ayupu ton nyabuk. “Sik aboyanamalam nang ara, sik nong poudongona kum nanguk, wibuka boyanulyame. Anang ara, sik urasin dipdebuka, anyapmakin nanguk, wibuka boyanulyame. Ara, pia urasin teleb nang ap, sekolah weika arye kel kibik nang ap, nyapminya kekebikirye, moubuka kel bikmanto nang ap, aning-aning nirya winilamikce, akunum kel bikamik nang ap, tonda ninye deiyoknye, el ulul aik pum tam pil dopmanto nang ap, wibuka boyanulyame. Winipminyopura, Aspenas ance Babel mutuku yupu nyana ap, sekna ning ap, sekupu yupu nukna ning ap, kel kipnamaka ati, moubuka laka peterepnamlyame,” nyabuk.

Daniel 1:5

Aning akunum nyabukopura, ninye deiyoknye Raja arye, “Sik anang asum-asum nirya, dinamaka ati ara, anggur mek ap, dina ap ara, na din dilamap atonun dinuk, sik babye kintinipnulyame. Tonda, keting tamun winilye deice arye, akunum peterepminba, kel kibikcopura, na aik pil dona ati, bobuka yaminba, na weik aik noutamak pil danamake.” Babel mutuku deiyoknye birye, Aspenas biti nyabuk.

Daniel 1:6

Tonda, Yehuda yala wel nang ulamika noutamak ara, Daniel ap, el kwit capu Hananya ap, Misael ap, Asarya ap, ulamik.

Daniel 1:7

Atalak ara, ninye deiyoknye, el amu tam ulamuknye, Aspenas birye, anang sik si nirya punubuka sisibuk. Asi ara, ani. Daniel bira, Beltsasar nyabuk. Hanania bira, Sadrak nyabuk. Misael bira, Mesak nyabuk. Asarya bira, Abednego nyabuk.

Daniel 2:13

Ayupu nyabukba kekebikopura, ‘Weik deiyok ning, kel bikamik nang nirya ara, opnuyap’ tenen, epre biyik. Atalak ara, ‘Daniel ap, el kwit capu winilye nang ap, sik nirya babye, tapu koubuka opnamap’ tenen, eprabiyik.

Daniel 3:29

Ati ara, narye nyapniba, im sirya, mutuku sirya nirya daunyakce, yupu yuk-yuk nyanyak ninye nirya ap, tonda yata yala ninye do, nirya babye, Sadrak, Mesak, Abednego ap, sikce si erenyak Allah ati, malye yupu nyapmunyopura, narye nyapniba, na amu tam yin nang arye, anggun opsikirye, nong ara, sekuka bataknamsiake. Tonda, anggun aik dakuka bataknamsiake. Ara, yuk nang arye, si erenyak ning arye, awinilye nang wenena ati, uku buk noutamak donokmanba, lyepdopmal atonun, yuk Allah ton pia kum ulule. Ati ara, nun nirya arye, sik si erenyak Allah, el si ati, malye yupu pia kum nyanamabe,” Babel mutuku ninye deiyoknye, Nebukadnesar birye nyabuk.