Daniel 1:18 - Eipomek

¹⁸ Ura, Babel mutuku ninye deiyoknye, Nebukadnesar birye, “Keting tamun winilye deice arye, kel biknamake,” nyapdeiamuk touk, akunum ubikopura, atalak ara, Aspenas birye, sik akam nang nirya duknubuka, Raja el un dam boyayuk.

Daniel 1:18 交叉參考

Daniel 1:17

Tonda, adumbarye wel nang ati, Allah arye kanye deibukce, weik kel bikna deiyok ning ap, Babel mutuku yupu deice sekamik ning yinin ning ap, arebukba kel kilamik. Daniel biti ara, lengdar mana deiyok ning arebukba, lengdar deice arye, winipman ning, lak nyananye ulamuk.

Daniel 1:19

Winibukopura, weik deiyoknye birye, anang nirya ap, yupu talibikce, asipdeyukbuk, tamubuka nyabikopura, utenebuk. ‘Sik anang noutamak ara, Daniel ap Hananya ap, Misael ap, Asarya ap, weika arye kel bikamik bukni, sik yuk wel nang ara, mitik tonunuk kel bikamik,’ tenebuk. Utenebuka ati, Daniel ap, el kwit capu nang winilye ap, wipdeibukba, ninye deiyoknye, el aik pil deiyok koubik.

Daniel 1:5

Aning akunum nyabukopura, ninye deiyoknye Raja arye, “Sik anang asum-asum nirya, dinamaka ati ara, anggur mek ap, dina ap ara, na din dilamap atonun dinuk, sik babye kintinipnulyame. Tonda, keting tamun winilye deice arye, akunum peterepminba, kel kibikcopura, na aik pil dona ati, bobuka yaminba, na weik aik noutamak pil danamake.” Babel mutuku deiyoknye birye, Aspenas biti nyabuk.

Daniel 2:16

Ayupu akunum nyabukopura, Daniel birye weiknye birye, nati lo arepniliba, el lengdar mabuk ning laka nyapniba, el lengdar mabuk ning, ‘Deiyok ara, ani,’ tenebuka, ‘Kel kipnul’ tenen, Babel mutuku ninye deiyoknye, Raja dam biyukce, ‘Lo ton arepnutume,’ nyabuka, binuka morobuk.