Bilangan 6:3 - Eipomek

³ Sal do, kilapu do, anirya ara, ‘Allah el ninguk unamabeʼ tenen, talye ning ap, malye ning ap bataknamake. Tonda, anggur mek ap, yuk yu yala mek nirya ap ara, kum dinamake. Tonda, anggur tapu duk arye kintinibikirye yu mek bukni, anggur cuka ap, yuk yala duk arye kintinililamakcuka yu mek ap ara, kum dinamake. Tonda, anggur duk winiryuk dakmace ning babye, min arye dakuka deiamikiba, sisal selamle ning babye, kum dinamake.

Bilangan 6:3 交叉參考

Lukas 1:15

Deiyok ara ami neplyopura, mambul pil dolamlye ati, Allah arye anye biti kanye pia delinamle. Ami neplyopura, anggur mek kanye wangalamak mek ap, yuk talye kanye wangalamak mek ap, pia kum dinamle. Tonda, el winiryuk deiplye talak anirye, do unamle talak nirya ara, Allah El Dib Kanye ami el talima wekuka, langdiplirye, pia puto weik areplyopura Allah El Dib Kanye arye anye pia talinamle.

1 Timotius 5:23

Timotiuso, atalak ton, atalak ton, an munuk weik arye dikulula ati, tonda, an munuk dilamkilya kum danana ati ara, talye mekuk dilyama ara, kume. Anuk ap, mun ap, teleb kipdeipnamkil ning ati, kanye wangalamak mek, anggur mek mitik anun dina telebe nyapkine.

Efesus 5:18

Ara, kanye wangalamak mek dibikcopura, sik kanye wangabikiba, talye yolana ap, malye-malye winina ap, wininyaka anya arye, mek dibibyeba, kanye wangapsiliba malye winina ara, meme. Aning kum wininamlum bukni, Allah El Dib Kanye arepsukbuk, nun kanye talima wekuka usilinye birye, ‘Allah El Dib Kanye arye, nun kanye talima talisilye deice arye, el mikip kipdeipnamsile’ tenen, el amutamuk unamlulume.

Amos 2:12

Allah arye ayupu ton nyabuk. Na Allah arye, ‘Na yupu moubuka kekebikirye, pia diksukumuk irye, na piluk donamniak’ tenen, wipdeipsisirye, erepdeipse nang ara, mutuku si Nasir mutuku nang, “Sikda, kanye wangalamak mek dina meme,” nyapse. Bukni, anggun Israel yala ninye arye, na wipdeiamse nang ati, “Sikda, kanye wangalamak mek ara, talye mangkau kibuka diplulume,” nyalalum deice arye, dilamik. Tonda, ‘Aminyan anirye winipnamle ning ap, Allah yupu ap, laka nyan deiyok nang, nabi nang unamak’ tenen, wipdeiamsise nang ara, anggun Israel ninye arye, “Ayupu nirya, nun dam laka nyana meme. Ayupu ara, nun dam kum laka nyalyanganamsulume,” nyabuka yupu seklalumba, ayupu kum nyalamik. Mambul yupu nyapdeiamse ning ara, akunum yaniptaplume.

Hakim-Hakim 13:14

Ara, an kil arye anggur yo duk ap, anggur duk mek ap, aning nirya ara, pia dina kume. Anggur mek kanye wangalamak mek ap, yuk yala mek kanye wangalamak mek ap, tonda, Allah arye, ‘Aning dina meme,’ nyalamuk yala ning nirya ara, pia dina meme. Narye, ‘Wininamlyame,’ nyapmanu ning ara, pia tenebuka wininamle.” Malaikat arye Manoa biti nyabuk.

Imamat 10:9

Harun, an ap, ance deiamlum nang, an mapu ap, sik nirya ara, kanye walawalan anggur mek, yu mek do, yuk yala kanye walawalan mek do, dipmunye talak ara, na Allah ap, ninye ap ansinilina aik pum tam ara, pia kum wekelyanganamlume. Anyapmasin ning kum kekemunce, talye lubakibuka anyaik wekmunyopura, anggun adiparyuk dipnamlume. Ayupu nyapdeipsin ning ara, anggun ap, anggunce deipmunyeba, dadeipdanin banamak nang, sik imam-imam nang ap nirya ara, pia kum bataknamlume. Ayupu dem nyapdeipdanin bamunce, pia talibuka wininamlume. Ayupu ara, pia kum bataknamlume. Allah arye nyabuk.

1 Tesalonika 5:22

Malye winin ning yala-yala nirya ara, pia leibuka yukak unamlulume. Tonok ning babye, winina meme.

Lukas 21:34

Aning ati ara, anggun kanye moubuka unamlulume. Malye-malye winina ap, talye kanye bobuka urdemuk una ap, kanye wangan mek talye dina apura, ‘Nun aik, nun ongon butum, nun dina ap, yata wiripnuyap do?’ tenen, teniltona ap deice arye, anggun kanye talima tenena ning ara, ikin weik upsilirye, mitang yuksilyeura, na pil dopmanto kum ululum ati, kanye pia moubuka unamlulume. Winipmanto ara, kabang bisik balamlya ak wena wemikceura, kabang talye mangkau arye balyeura, youlamla atouk, na yanamne sum mangkau kanye bopmamunye talak winipsilyak ati, kanye pia moubuka unamlulume.

Ibrani 9:10

Apil-apil dolamik ning nirya ara, talye arena ning ap, talye din ning ap, talye dinmek ap, ninye talima teleb ulina ati, talye mek likuka pil dolamik ning ap, apil-apil dolamik ning nirya ara, mem pil uamuk bukni, talye winipmanto ning, nong bol deice atonun piluk dolamik. Apil ara, minop talak arye dipdongobuka, anoutam talak nirya pil dopra yangalamik bukni, wini talak ara, Allah arye winiryuk nyalisilye yupu, akunum nyapsuka ati, aminop pil dolamik ning ara, tuba kum talinamabe. Minop talak dolamik mem pil nirya, akunum sirya dakubu.

Bilangan 6:4

Atonun, anggur yo deice arye dobuka kintininyak mek do, el anggur yo, yala bongolamle ning do, anggur yo duk bola kobikirye, alip bola dilamak ning do, tonda, anggur yo duk arye kintininyak ning yala-yala nirya, pia kum dinamnyake.

Hakim-Hakim 13:4

Nyabukce ayupu ton nyabuk. “Ati ara, ami bominye talak ara, moubuka kalikdamince unalyame. Ara, anggur mek ninye kanye wangalamak mek ap, yuk yala mek ninye kanye wangalamak mek nirya ap, pia kum dinalyame. Tonda, minop talak ara, Allah arye Musa biti, ‘Israel ninye ara ‘Naʼ tenen, ninye ati, ayala ning dina ap, dina nirya ara, dina meme,’ nyapdeibuk. Aning atonun, wini talak arye dipdongobuka aminyan yanamle talak noutamak ara, Allah arye mem yupu deice nyapsuk din ning yala nirya ara, anda pia kum dinamlyame.

Amos 2:11

Tonda, narye melilamsise talak noutam ara, anggun mapu nirya noutam, narye bokdeipsisirye, ton tam nang ara, ‘Allah yupu laka nyana deiyok nang unamak’ tenen, wipdeiamsise. Ton tam kam nang ara, ‘Aminyan winipnamle ning, lak lena deiyok nang, nabi unamak’ tenen, wipdeipnin yangalamsise. Ton tam kam nang ara, ‘Na Allah yupu moubuka kekebikirye, pia diksukumuk irye, na piluk donamniak’ tenen, ereipsirye, kintinip deipnin yangalamse. Anyasinye ning ara, talye nyapsin do? Dipkoprop winilamse do? Israel nang, aning nirya ara, anggunce moubuka tenepmunce, kel bikso. Nara anggun ni Allah Yahweh arye nyapsine. Allah arye nyabukba, Amos kekebuk.