Ayub 33:8 - Eipomek

⁸ Bukni, arup talak ara, ance nyapmalum yupu nirya ara, na akunum kekepmakine. Tonda, ance tenibuka nyapmalam yupu nirya ara, na akunum moubuka kekepmanue.

Ayub 33:8 交叉參考

Yeremia 29:23

Na Allah Yahweh arye, ninye tukwak mutuku unyak nang arye, wininyak ning moubuka elinuna ati, narye sik wenena ati, na elinun ning nirya laka nyapnirye, yupu bokeipnamsine. Zedekia ap, Ahab ap arye, pia malye ning winilamdika ati, sik bitinye ara, sik dengna ati, weik tonun wenepnamne. Sik bitinye arye, sik kayapu nang arye, akunum domik kilapu ara, alubuka yolamdik. Tonda, narye sikti, pia kum nyapse bukni, sikce, “Allah si deice arye nyapsinamne. Allah arye yanuka nyapdeipsukba, nun bitinye arye, sik Israel nang ati laka nyapnume,” nyabuka, tilila yupu dem nyalamdik. Ati, abitinye nang wenebuka opnamne,” Allah arye nyabuk.

Ulangan 13:14

Nyabikiba, kekebikcopura, ‘Dan sukum arye aning ara wininamak do?’ tenen, moubuka dilbinulyame. Tonda amutuku ulamikce nang ati, moubuka asipdenulyame. Winipmince, anyapman ning, moubuka bikmince, ‘Aning ara, dipkoprob na unun mutuku noutam arye amalye winin ning ara, winipmakeʼ tenen, biknululume.

Ayub 33:7

An ap, na ap, talye tukwak nanguk unyaba ati, ance nati, ‘Se, yata ikin yupu nyapnunil do?’ tenen, ilil una kume. Na nyapnukin yupu ara, an ikin kilina ati yupu kum nyapnukine ati, ilil una kume.

Ayub 33:9

Ance ayupu nyapmome. “Kume, nara Allah elce nyapdeipsuk yupu kum yaninune. Nara, diksukum telebuk unune,” nyabuka, laka nyanmalumak akunum kekenmase. “Anggunce dipdetuma babye, nara lekuka malye uwinin ning ton kum wininuna ati, malye winin ning ara, ton kum eipnalume. Nara telebuk unune,” nyabuka, laka nyapmaluma, akunum kekenmase.

Ayub 32:1

Ayub el kwit capu winilye nang, sikce yupu tonap tamubuka, sik ka Ayub biti kum nyabik. Ara, Ayub el kanye talima noutam ara, ‘Kume, narye dipkoprob pia malye kum winilamse ati, diksukumuk unune, tenebuka ati, el kwit capu arye elti, yupu tonap kum nyabik.

Ayub 32:2

Bukni, Bus yalanye, el si Barahkeel, elce deiamuknye, el si ara Elihu birye, yupu ton nyabuk. Barahkeel bira, Ram yala nang arye deiamikba, deipdanin yangalamik nang arye, Barahkeel deiamik. Barahkeel birye deiamuknye bira, Elihu, elce yupu tonap dukdongobuka nyabuk. Elihu birye, yupu nyabuka deiyok ara, ani. Ayub birye, ‘Nara diksukumuk wininibuk, Allah arye deiyok kum uamukbuk, ikin ning na deice deipnuk,’ tenebukce, nyabuk. Nyabuka deice arye, Allah ati, si malye kipdeipmanto ubuka ati, el kwit Elihu yu ubukba, Ayub biti wabuk.