Ayub 20:25 - Eipomek

²⁵ Anang sik nong deice mal marabicopura, dila weik upnamle. Pia tace lubuka deiamikce mal arye marabicopura, sik nong noutam wekelul bukni, tuba sik nong bol deice kulupnamle. Winipyopura, sik talima noutam ara, ilil weik unamak. Tonda, dila pia weik unamle.

Ayub 20:25 交叉參考

Ayub 18:11

Ati ara, sik malye un ninguk, talibuka unyak nang, sik dana-dana tam nirya ara, ilil un ninguk ulyeba, sik kanye noutam ilil ulule. Tonda, anang arye, ‘Nun binuyab,’ tenebikirye, banyak sukum nirya ara, ililuk ulula ati, balocak, sik balye tam, ilil arye mining dam dobolbalule.

Ayub 16:13

Allah arye nati, bico tenena pia kum arye, el yu deice arye, pia ikin na deice nyapdeipnuke. Winipmanto ara, Allah arye lo areplyeba, pia yu nang arye, sik mal arye na deice dobuka marapnikba, na bouku, lak belepnuk ning ap, na ining ap ara, tuku deice saknuke. Winipnuka babye, Allah arye aning eibuk bukni, nati bico pia kum tenepnuke.”

Ulangan 32:41

Ati ara, narye sik wenena ap, ona ap ati, parang ya kintinipniba, parang ya yu arye, mele dangdanganamle. Aya bopnamne ning ara, ‘Allah ara, nun like,’ tenenyak ninye ara, wenebuka ona ati, kintinibuka deipnamne. Sik malye nang arye nati, malye winilamnik touk, sikti wenebuka, yupu lipsisikuka bokeipnirye, oplopnamne.

Ayub 15:21

Malye ning wininyak nang ara, sik kanye talima noutam ara, pia ilil weik lelim nyaplyeba, anggun amul bisik arye kekepmunye ning ara, weik ilil usululule. Sik ato unyak nang ara, ‘Ura, bona talin nang akunum unyaba ati, talye tunim abuka mangkau unmaba’ tenen, unmace talak aryuk, sik mal olan nang yakirye, obuka sice buklopnamake.

2 Korintus 5:11

Aning ati ara, Allah arye yupu lipsisikuka bokeipnamsil talak ara, ‘Malye winibupu ati wenepsilyak’ tenen, ilil una ara, usulula anya arye, nunce yuk ninye nirya ati, ‘Sik malye ning bataktingce, Yesus ati dib teneptinge’ tenen, pia pi dobuka peterenyabe. Nun winilamap ning ara, Allah el kele. Tonda, na patapnil ning ara, sik Korintus mutuku ninye, sik kanye talima noutamak ara, nun wininyap ning nirya laka upliba, ‘Kel biksutume’ tenen, patanulule. Nunda tenepce arye, talye yupu kum nyanyabe.

Mazmur 88:15

Bukni, na ni koproba Yahweh, yata ning deiyok ati, ance nati tuba batakanimince, yuk pera mutuku atonun donoknulum do? Tonda, yata ning deiyok ati, an urasin ara, lelipdopmince, na tam tuba kum dinilyamce, pia kum melinilyam do?

Mazmur 73:19

Ance amalye winin ninguk, talibuka wininyak ninye ati, wenepnalam talak ara, adiparyuk aninye obuka, minopce kum daneipnamlyame. Winipmanto ara, mek oplirye, aning-aning nirya bobuka, minop bobalamle touk, sik nong deice adiparyuk, ikin ning deipnamlyame. Winipminba, amalye unyak ninye minopce opminba, dibikirye, sirya daknamlyame.

Mazmur 7:12

Allah bira, elce, ‘Aning ara wininamlume, aning ara pia kum wininamlume,’ nyapdeiamsuk touk, ‘Anang ara, teleb unyak do, malye unyak do?’ tenen, pia diksukum kibuka, yupu lipsisikuka bokolina deiyoknye ulule. Allah anda asum-asum nirya ara, malye unyak nang eipmince, talye kilina kumce, anang ati ance yu upkiliba, ‘Na lik,’ tenelyame.

Ayub 27:20

Ikin weik talye karin arye sik dam yalyeba, ilil pia weik unamake. Winipmanto ara, mek opnin yangalamle touk, ubuka yalirye, anang nirya ara, dobuka bobinamle. Lukunyan noutam ara, weik kumanya, talye karin arye dobuka yalirye, koulyamlye yo tobuka talye bobalamle touk, sik malye weik wininyak bona talin nang ara, adiparyuk atonun bobinamle.

Ayub 6:4

“Nara ikin weik unulule,” nyabuka, malye nyabuka ngalukunmoka ara, talye ati kume. Deiyok ara, pia deice tam erebuka, aning-aning nirya talibuka, pia mikip weik ulul Allah, winipmanto ara, yu ubukba, el mal ara, na nong deice dopnukba biknuke. Winipnuk mal el yu ara, na nong ap, na talima ap ara, na talima noutam weknuke. Winipmanto ara, ninye on mek, el si racun, arepsikcopura, ‘Se, adiparyuk dadipnyabeʼ tenen, ilil weik usilye touk, Allah arye, kanye ikin weik ning arepsilyopura, dipkoprob ilil weik usulule. Elce na olyanuka ati ara, winipmanto yin talin nang weik yakirye, olyangalamaka atonun ubuka, olyanuka ati, ilil weik upnile.

2 Samuel 18:14

Nyabuk bukni, yin talin nang deiyoknye, Yoab birye nyabuk. “Narye, ‘Dan talak arye, anye bira olbinalam do?’ tenen, antibuk apia kum dinamakine,” nyabukce, cang yo dula tombak winilye dobukabukce, Absalom unmokak, kam arye isin tuba aunmokbuk, binuka el taram deice, mikip arye lukdongobuk.

Ayub 18:14

Anggunce, ‘Kume, nun ap, nun mapu silip ap, nun aik noutam tunim abuka ulamtibye toura, pia teleb unamapʼ tenen, kanye deibuka ulamik. Bukni, wini talak ara, dipna deiyok ning arye, sik nirya anyasik arye, bai tamto yakaldonokolule. Winiplyopura el adiparyuk anang libukaplirye, bobuka dina deiyoknye dam bobalule. Ati ara, pia weik ilil asa unyake. Ara, anggun minop dipnamlum ati, ilil weik usululule, nyapsine.