Ayub 16:14 - Eipomek

¹⁴ “Tonda, winipmanto ara, Allah arye na dam tuba-tuba olyanganilyeba, suse dilauk unulule. Ara, mal olana bikna nang arye, pia tuba-tuba pia dobuka, olyangalamak atonun, Allah arye kanye tonap, na dam yanuka, pia tuba-tuba weik ikin ning, na deice deilinule.

Ayub 16:14 交叉參考

Ayub 30:21

Allah ance nati, tuba kum bico tenenilyame. An weik tonun yu upkilyeba, an taruk mikip arye, na deice ikin weik ninguk delinilyame.

Ayub 9:17

Deiyok ara ani. Allah arye na deice ikin ning deibuka, opnamnil ning ara, winipmanto ning nyapnune. Ara, weik kumanya mikip dobuka, yangalamle touk uplirye, kumanya mikip arye opnamnile. Winipnamnil ning ara, nauk ara, kanye imun weik uk dipnamnila ara, ton ap pia weik tonun tabakuka dinamnile. Ara, dipnyop arye, nong ton kum upmaniliba, talyeuk uapnelya deice arye, uk weik dinamnile.

Mazmur 42:7

‘Na kanye talima uk dipnilyakʼ tenen ati, ance minop talak melilamnulum ning ara, ila tuba, pia tonap tenenamne. Yordan mek puak bukuk mutuku, Hermon mutuku arye dipdongobuka, Misar mutuku dam, amutuku deice nirya ara, pia teleb kibuka meliamnulum ning ara, tuba tenenamne. Na ni Allah ance nati, lyepromnulum ning ati, tuba tenepnirye, tuba tamubuka, tonap kanye deipnamne.

Yoel 2:7

Sik mal olana deiyok nang, mal olalbinuce talak, bikbik abuka balamak touk upnamake. Tonda, ‘Weik cang poka domica pum tam ulamice nang ati, optibye’ tenen, pia pi dobuka, weik cang poka welelamak nang atonun, upnamake. Sik anang binamak bisik ara, diksukumuk nebuka kintinipmace deiceuk, binamake. Ton kum bataknamake. Nong bisik tonok binamake.

Hakim-Hakim 15:8

Nyabukopura, adiparyuk deiyok koubuka, Pilistin nang ati, pia kanye imun bobuka olanmek bukni, Simson birye anang ati, weika arye yok cebuka obukba, pia weik dibik. Winibukce, mutuku si Etam mutuku binuka, keil deiya pum bisik binuka wekukabukce, dungnubuk.