2 Samuel 13:23 - Eipomek

²³ Keting tamun bitinye akunum ubukopura, Absalom birye, Bahal-Hasor mutuku, ara Efraim tam noutam uamuk. Absalom el pil melin nang arye, el domba basam potong toun pil donmeka ani, sirya dakna talak ara, weik kwalina kwalibik. Winibukopura, Absalom birye, el kayapu nang nirya ati, Raja Daud elce deiamuk nang nirya ati, “Amutuku yalulume,” nyabuka, yukubuk.

2 Samuel 13:23 交叉參考

Kejadian 31:19

Bisik min kum binmek talak ara, Laban arye, ‘Na domba basam potong kolbinaman’ tenen, yuk mutuku biyukba, Rahel birye, el li koprop arye, el aik pum deiamuk isa si eren ning, ubula doprobuk.

2 Samuel 13:24

Absalom adiparyuk, el li ninye deiyoknye, Raja Daud dam biyukce, nyabuk. “Naio, wini talak ara, na domba basam potong toun kwalina yupnamana ati, nara an amu tam ununye birye, tenepmana ara, ani. Na ni an ap, an amu tam pil dona nang nirya ap ara, omutuku yamunyeura, nun neika kwalina dipnamabe,” nyabuka asipdeyuk.

1 Raja-Raja 1:19

Tonda, Adonia birye, sapi basam yim ap, sapi basam mi bol teleb ubuka nebuk ning ap, domba basam ap nirya, Allah si erena ati arepmale. Winipmalce, an Raja arye deiamlum mapu nirya ap, imam Abyatar ap, tonda Raja Daud, an yin talen nang, sik deiyoknye Panglima Yoab babye, akwalina dina ati, yukupmauba yanmangue. Bukni, an amu tam ulinye, an mi Salomo bira, kum yukupmoa ati, kum binmoe,” Batsyeba birye Daud biti nyabuk.

1 Raja-Raja 1:25

Asipdeyukce, tonap nyabuk. “Asipdenmakina ara, talye ati kume. Asum ara, Adonia elce, Allah si erena ati, domba basam ap, sapi basam yim ap, sapi mi teleb nebuk ning ap, weik tonun obuka arenmalce, si erenmale. Winipmalce, Adonia elce el kwitcapu, ance deiplum nang nirya ap, tonda, Raja an yin talen nang, sik deiyoknye Panglima Yoab ap, imam Abyatar ap ati, yukupmaue. Yukupmalba, wini talak sik Adonia ap, neika weik yuna kwalepmak ning dinmak talak ara, elti, si erenmakce nyanmake. Ara, ‘Raja Adonia anda pia talepnamsilama ati, anda kam pia unamlame,’ nyanmake.

1 Raja-Raja 1:9

Winibuka daulamika ani, tonok sum ara, mutuku si, Zohelet-Gel nyalamik mutuku dam ara, En-Rogel mek pu dam, Adonia birye, domba basam ap, sapi basam yim ap, sapi basam mi bol teleb ubuka nenmek ning nirya ara, obuka kintinip deibuk. Akunum kintinibukura, Raja Daud birye, deiamuk nang, el kwit capu yuk nang nirya ati, “Anggun ton akwalina dilyalulume,” nyabuka yukubuk. Tonda, Daud el aik koproba pil don nang, sik Yehuda mutuku deiyok kibuka taleamik nang ap, “Akwalin dilyalulume,” nyabuka, yukubukba, sik nirya biyik.

2 Raja-Raja 3:4

Ura, Moab mutuku taleamuk ninye deiyoknye, Raja Mesa bira, domba basam weinanye ulamuk. Ati ara, sik Israel yala ninye ulamik mutuku taleamuk Raja ati, tuku dekna ning ton arelamuk. Ara, pajak deklamuk ning ara, aketing tamun, aketing tamun nirya, domba basam mi, seratus ribu (100.000) ekor ap, tonda domba basam yim ara, seratus ribu (100.000) ekor nemne ning, sik potong dem wibuka, teleb ninguk arelamukba, el tam nang arye, Israel mutuku noutam boyangalamikce, arelamik.

2 Tawarikh 26:10

Aning atouk, tonda Uzia elcuk, ninye kum ulamik sukum bukni, weik mutuku bai tam noutam arye, ‘Nun mal olan nang eipnamapʼ tenen, keil arye ninye kalikna aik ton dopdeiamuk. Tonda, weik mutuku dup mek binman kum mutuku bukni, ‘Ninye arye mek ton dipnamakʼ tenen, ‘Mok cebuka mek balirye, deipnamleʼ tenen, tuku lukuka, mek delinak sumur kintinip deiamuk. Mek ati tuku lukik deiyok ara, amutuku tuku noutam ara, el pil melin nang arye, domba basam ap, sapi basam ap, pia weik weilamik ati, Yudea mutuku bukni, keting komulban tam, mitik mutuku kon tam ap, lu mutuku ap nirya ara, ‘Mek deipnamleʼ tenen ati, tuku lukamik. Tonda, Raja Uzia bira, tuku telebak ara, sukun tuku ton wa win nang weik wipdeibukba, el anggur wa ap, elti, koulamik ning yala-yala nirya ara, anang arye, el melina ati, wa weilamik. Uzia bira, wa win ning ati, pia kanye delilamuk, ‘Aning ara, telebe,’ tenelamukce, ulamuknye atia.

Nehemia 11:33

Hasor ap, Rama ap, Gitaim ap,

1 Samuel 25:2

Ura, ninye tonok, el si Nabal, Moan mutuku ulamukce, el bona weik talinanye ulamuk. El tuku ap, bon-bona ap ara, weika arye talilamuk. El taleamuk tuku ara, mutuku si Karmel mutuku uamuk. Nabal el domba basam yupa weik, tiga ribu (3.000) domba weilamuk. Tonda, Nabal el kambing basam ara, yupa weik seribu (1.000) kambing weilamuk. Winilamuk ani, Nabal el domba basam potong kon talak kibukura, Karmel mutuku yanuka unmokba, Daud amutuku yayuk.

1 Samuel 25:36

Nyabukopura, Abigail adiparyuk tamubuka, Nabal dam, sik asik koproba biyuk. Sik asik biyuk talak ara, ninye deiyok nang, Raja weik kwalya kwalilamak touk, Nabal birye kwalya kwalipmok. Nabal dina yupmokce, yu mek anggur dipmoka anya arye, kanye wangapmokba, talye kanye uk bobuka, unmok. Winipmoka ati, Daud birye nyapmokba, Abigail kekepmok yupu ara, alukunyan ara, Nabal biti, lak kum lebuk.

1 Samuel 25:4

Atalak ara, Daud Paran mutuku, mek kum ati, ninye kum ulamik mutuku, pata mutuku binuka, ulamuk talak ara, Nabal el domba basam potong konmok, yuk nang arye, aning eibikce, Daud el dam yanuka, laka nyabikba, Daud kekebuk.

1 Samuel 25:7

Nyabukce, ayupu ton dukdongobuka nyabuk. “Anggun kam nang arye, Nabal ati nyapnamalulume. ‘Yuk nang arye, Nabal, el domba basam potong kolamak talak ara, akunum uple,’ nyapmaniyakba, na kekepmane. Ura, an domba basam wein nang ara, nun un dam, Karmel mutuku aunmek bukni, nunce sik ning ton, kum doprobupe. Tonda, sik ton kum mal pinyabe. Sik nong deice, ikin ning kum delilamupu. Aning ara, ‘An kekebuka kel kipnulam’ tenen, nyapmakine.