2 Samuel 1:16 - Eipomek

¹⁶ Daud el yin talinanye birye, awelnye oplobuka, deiyok ara, Daud birye, Amalek mutukunye biti nyabuk. “Aning ara, ance omlumnye ining arye, dekdanmalame. Ati ara, an bidamnye si bam bol arye nyamlume. Ara, ‘Allah arye wipdeiamuknye, Saul oplopmane,’ nyapmoma deice arye, opnukiyabe bukni, dipkoprop, an damnye opdalame. Saul opluma ati, an damnye ining, an kisok deice upkile,” Daud birye nyabuk.

2 Samuel 1:16 交叉參考

2 Samuel 1:10

Nyabukce, ayupu ton tabakuka nyabuk. “Saul birye nyapnukba, akunum kekebuka bikse. Sikce, Saul akunum opmakba, tukwak sakmo talak ara, dipna dam akunum upmala ati, ‘Tuba kam kum buktue’ tenen, kel kipse ati, el dam yasirye oplopse. Ati opmance, sik Raja weik nang ongolamak ning, el kisok deice kalulamuk ning, el si ara mahkota ap, tarukak dongolamuk ning, el si ara, toupne ap ara, aning dobuka na ni, an dam boyanmakine,” akamnye birye, Daud biti nyabuk.

2 Samuel 16:8

Nyanmokce, ayupu ton dukdongobuka nyabuk. “Ance minop talak taleamsuknye, Raja Saul, el tam nang weik arye omlumba, ninye ining weik binmoka ati ara, wini talak ara, Allah el si Yahweh arye amalye winyamluma ati, merekuka wenepnamkile. Allah arye Saul biti, ‘Raja unamle’ tenen, wipdeiamuk bukni, ance, ‘Na uk Raja unamne,’ tenelamlumce, Saul biti malye kiplumce, el punupluma anya arye, wini talak Allah arye wenepkile. Ara, an wenena ati, an taleamlum mutuku ap, ninye ap, teleb ning nirya ap, Allah el si Yahweh arye aning dopropkilarye, an mi Absalom biti akunum arepmale. Aning nirya ara, an wenena ati winipkile. Anda ninye onanye ulaluma anya arye, wini talak ara an wenena ati, Allah arye anti malye kipdeipmakile,” nyabuka Simei birye malye yupu nyanmok.

1 Raja-Raja 2:37

Aning ara, talye kum nyapkine. Anda moubuka tenipnamlyame. An kanye aryuk tinipmince, ‘Kume dabinuneʼ tenen, pi dobuka Kidron mek mitik tam bokuka, biyuk mek koubuka biminyopura, anda pola opnamkiyake. Tonda, aning ara, an bidamnye arye opdanalam ati, an ining ara, an nong deiceuk upnamkile.

Ayub 15:6

Bukni, ancuk si bam bol deice arye, talye yupu nyalyama ati, ancuk, anti malye kililalyame. Ayub anda, ance winiminye ning ara, narye, “Anda winibuka malye winilyame,” nyabuka, talye yupu deice arye kum lulupkitinye. Aning kum bukni, ancuk nyamince tamupdeipminye yupu deice arye, “Malye wininune,” nyabuka, yupu bokolilamlyame. Ancuk nyaminye yupu arye, malye winiminye ning ara, akunum lak kipkile.

Amsal 6:2

Tonda, anggun kan-kan tonoknye birye, ‘Winipnamkinarya,’ nyabuka, talye nyaltakana deice arye, el bidamnye arye wena tapu youlalule. Winibuka youpdanamle deiyok ara, el mining si bam bol pum bisikuk, nyaltakalya deice arye, youpdanamle. Ati ara, anggun kayapu ati, talye nyaltakana meme.

Yehezkiel 18:13

Tonda, amalye winilulnye birye, yuk ninye sik patana ati, uang yo bok areplye talak ara, elce ayupu uk, nyalule. “Na uang yo bok dopropmunce, nati tamubuka, min kum arepmanumunye talak noutamak ara, ‘Yo bok ton tabakuka arepnamnulume,’ nyapnamsin touk, uang yo bok tonap tabakuka, weik arye arepnamnulume. Anggunce na yo bok dopropnulum touk kume. Nara, weik arye tonap tabakuka dolona ati, weik arye arenamnulume,” nyalule. Aning ati ara, amalye wininanye kam pia unamle do? Kume, dipkoprob kam pia kum unamle. Na Allah arye, ‘Aning nirya ara, na pia like,’ tenenune. ‘Aning nirya ara, pia malye,’ tenenirye, anggunti, ‘Winina meme,’ nyapdeiamsise ning ara, elce talye mangkau kibuka winilula anya arye, anye bira dipkoprob wenebuka opnyopura, dipnamlarya. Diplyopura, el ining ara, el kisok deice upnamle. El ining ara, el bidamnye nong deiceuk paleplirye banamle. El malye ulula deice arye, wenebuka opnamna anya arye, el dipna deiyok ara, el bidamnye arya.

Yehezkiel 33:5

Ara talye ati kume. Kalikinanye birye, terompet lelim weik nyapliba kekebik bukni, sikda moubuka una kum deice arye, sik mal olan nang arye, anang obike. Ati, sik ining ara, sik deiceuk upnamle. Bukni, lelim kekebikirye, moubuka unamak nang ara, kanye moubikirye, kintinipting toura, ninye ona ati, yu nang yakirye optinga babye, kum dipnamake. Anang ara, dipkoprob lyepdanamake.

Imamat 20:16

Aning atonun, kil ton talye kam ulye ning kam do, sapi do, basam do, el ap neika mapriceura, akil ap, akam ulye ning ap, adiparyuk onamlulume. Aning atonun wininyak nang ara, sik dipnamak ning ara, sik ining ara, sik nong deice upnamle. Deiyok ara, sik bidamnye, malye winilanyak deice arye opdanamake.

Imamat 20:27

Ura, tonok yupu ton nyapnusine. Amutuku noutam unamlum nang ara, sal do, kil do, ton min diamice nang, sik kanye ap epdakirye, yupu sirinyak nang ap, tonda isa mikip deice arye, ninye kir dona nang ap ara, sik adiparyuk keil dobuka, amalye winin ning unyak nang opmunyeba, dibinamake. Adipnamaka deiyok ara, sik bidamang nong deiceuk upnamle. Sikce malye winipmaca deice arye dipnamaka ati, deiyok ara, sik dam uple.

Imamat 20:9

Tonda, yatanye do, el li ap, el lin ap ati, yu weik uplirye, el li ap, el lin ap ati, sik deice ikin ning deiplirye, malye kibuka suplyeura, anye bira, adiparyuk obuka, batanamlulume. Tonda, anye el dipnamle ning ara, el bidamnye malye upmalya deice arye, opdanamle.

Matius 27:25

Nyabukopura, sik awekmek ninye nirya weik arye ayupu nyabik. “Aning ara telebuka. Nun taruk deice ap, nun mapu sik taruk deice ap, anye el ining upsutua ababye teleb atia,” nyabuka weik arye ayupu nyabik.

Lukas 19:22

Apil donanye birye nyabukura, aweik deiyoknye birye anyanmuknye biti, tamubuka nyabuk. “Anyapmanilama ati, an nyapmanilam yupu deice arye yupu bokeipnukine. Ance nati, ‘Elda yunye ulirye, moubuka minop deibuk ning ara, talye lukdanuka dololule. Tonda el minop koubuk ning ara, talye lukdanuka libuka dilule,’ nyanmanilame.

Rasul 18:6

Peterelamuk bukni, sik Yahudi yala deiyok nang arye, Paulus peterelamuk yupu yanibuka batakikce, elti, lulubikura, Paulus arye anang sik wenena ati, el baju juba deice palyamuk butbuta, bukwetebukce, anang ati ayupu nyabuk. “Allah arye wenebuka opsilyopura, sik ining anggun taruk tatang deiceuk upnamsile. Aning ara, na deiyok kume. Wini talak aryuk, talye kanye bobuka, Yahudi yala kum nang ati, peterelbinamne.” Paulus arye, sik Yahudi nang ati nyabuk.

Rasul 20:26

Aning ati ara, ayupu nyapsine, anggun ap, yuk nang weik tonap, noutamak nirya, Allah yupu akunum peterepnin balamsise ati, arup ara, anyuk nyapsine. Allah arye, na peterelamsise nang ati, yupu bokuka deipsilirye, opsilibuk, pia dipmunyopura, Allah arye aning ara, na deice kum deipnamnile. Aning ati kum wenepnamnile. Aning ara, na deiyok kume. Ara, talye kume. Pia dipkoprop nyapmasine.

Roma 3:19

Ura, nun nirya akunum kel kiyamupe. Allah arye el mem yupu nyabuka areamukba, Yahudi yala ninye doprobikce, ayupu uk talibuka, ayupu amu tam unyake. Ayupu noutamak nyasilye ning nirya ara, anggunti nyasulula anya arye, anggun kan-kan noutamak arye, tonoknye babye, “Nara, malye kum unune,” kum nyaptue. Yahudi yala ninyeuk kum bukni, ninye mutuku-mutuku nirya atonun, malye nanguk unyaba anya arye, Allah arye yupu lepsisikuka bokeipsilirye, wenepnamsila ati, nunce elti, yupu ton tamubuka kum nyaptibye. Allah ati tamubuka yupu nyana kumce unamabe.

Ulangan 19:10

Anyapmasin touk, nakub barye asik wipdeipmumnyopura, teleb arye unamlume. Ara, ninye ton malye kum upmalibuk, el kwit tenepce ap, yu kanye bona ap kum aryuk, mangkau arye oplyopura, anggunce, “Anye bira, el malye winipmalye ning wenena ati, minopce oplopnuyabe,” nyabuka, ‘Anye talye lukparabuka opmunyak’ tenen, nyapsine. Ninye arye tenebuka kumce, yuk nang mangkau arye obikiba, anggunce anang wenena ati, kwang dakuka kum oplopnamlulume. Adiparyuk anang opmunyopura, Allah arye anang, sik ining, anggun nong deice deipsilirye, anggunti wenepnamsile. Ati, ninye arye malye kum winipmalibuk, mangkau kanye arye obikiba, ‘Anggun Israel nang arye, anang kwang dakuka opmunyak’ tenen, amutuku noutamak ara, asik nakub barye wibuka, kintinip deipnamlulume.

Yosua 2:19

“Tonda winipmanto, anyaik wekmace ninye ton, bai tam kubuka bikiba, Israel nang arye obicopura, anye bira, el babye malye winiplya deice arye, sikce elti, opnamak ning deiyok ara, el bidamnye arya. El opnamak ara, nun deiyok kuma ati, nun deice ikin kum upsutue. Anggunce ton, ‘Aobice ning adano?’ kum nyaptume. Bukni, an aik noutamak unyak nang nirya ara, yuk nang arye obicopura, nun bitinye ikin upnamsile,” nyaprik.

Hakim-Hakim 9:24

Allah arye aisa dopdeibuka ara, talye ati kume. Deiyok ara, Abimelek birye nyalamukba, el mapu silip ap, el li Yerubaal delilamuk mapu, sik witcapu bukni, nirya tonok keil pala deice oplobika atia. Winibika ati, Allah arye anang sik wenena ap, kanye imun ning una ap, sik nong deice deibuk. Aning ara sik yok ap, sik ining biyuk ap, aning pununa ati, anang wenebuk. Aning atonun, sik Sikem mutuku ninye arye, Abimelek melibika deice arye, sik du weit, babye nirya oplobik. Ati ara, aninye babye, Allah arye subuk deice arye wenebuk.

1 Samuel 25:39

Yuk nang arye, ‘Nabal akunum dipmale,’ nyabikba, Daud kekebuk. Aning kekebukce, nyabuk. “Na ni Allah, an si Yahweh arye, ‘Na opnamne,’ tenepsinye bira, lyepropmanilame. Elce nati, malye kipnukbuk, ance anye opmalam ara, melibuka kwang dakmanilame. Ati, narye teleb nyapkine. Nabal, elce nati, yu kanye bomnukce, malye yupu nyapnuk ning ati ara, ‘Anye bira opnamne,’ tenyamse bukni, na ni Allah, ance lyepmanilama deice arye, narye, malye kum winipne. Ati telebe nyapkine. Tonda Nabal, el malye ubuk ning ara, el deice uk ikin ning, akunum dopropmale,” nyabuk. Nyabuk talak ara, Daud birye, el pil don nang bulupdeibukce, nyabuk, “Anggun adiparyuk, akil Abigail dam bimunce, nun ni koproba Daud bira, ‘Anti na dopnamane,’ nyapmakil yupu, laka nyalyakiyabe, nyapnamalulume.” Daud birye, el melin nang ati, nyabuk.

1 Samuel 26:9

Bukni, Daud birye tamubuka, Abisai biti nyabuk. “Kume, ance aning tenepmalama ara, kume. Anyapkina ara, talye ati kume. Deiyok ara, ani. Ara, Allah Yahweh arye, ‘Raja kipnamleʼ tenen, akunum wipdeibuknye, opminyopura, Allah elce awinipminye ning ati, ‘Dawaplye,’ kum tenepnamle. Aning kum bukni, ‘Dipkoprop tamubuka, wenepkilyakʼ tenen ati, winina kume.