2 Samuel 1:12 - Eipomek

¹² Malye kanye bobuka engebikopura, Saul ap, el mi Yonatan ap, tonda Israel mutuku nang bukni, Allah el si Yahweh, el Israel tam yin nang ap, tonda Israel mutuku ulamik ninye nirya ap ati, ‘Se, Pilistin nang arye, nun kayapu Israel nang weik, ninye olamak ning parang ya arye obuka sirya dakmakba, weik arye dipmake’ tenen, Daud ap, el mapu ap, din dina kumce, engebuka dinmeka ani, asum ara keting kum ubuk.

2 Samuel 1:12 交叉參考

2 Samuel 3:35

Engenmeka ani, aminyan talak ara, amutuku unmek nang nirya arye, ‘Se, keting kumubuka ati, nun ni koproba Daud, din ara mitik tonun ton diptueʼ tenen, arukulinmek bukni, Daud birye nyabuk, “Kume, Allah arye opnilyake. Ara winipmanto, keting asing banmalya ani, pia min kum kumaplye talak arye, roti do, yuk din ning do, mitik tonunuk dipnyeura, Allah arye na wenebuka opnamnile,” nyabuk.

Amsal 24:17

Tonda, anggunti yu tenesinyak nang ara, yuk nang arye, obicopura, ‘E merekuka opmake. Aning ara telebe’ tenen, aning ati kanye delina pia meme. Aning atonun, anggunti yu tenesinyak nang, anang imun kanye bobuka ucopura, anggunce anang ati, ‘E merekuka ikin kanye bobuka unyake,’ tenebuka kanye kum delinamlume.

Yeremia 9:1

Na patapnil ning ara, ani. ‘Na kisok noutam ara, mek weik deibuka langdiptua deice arye, na asing maka mek durupna deibikiba, balamle touk kipnutueʼ tenen, patapnile. Aning atonun, ‘Na asing maka, mek pu dobuka balamle atonun kipnutuba, pia engeptinyeba, na asing maka pia saktueʼ tenen, patapnile. Winiptopura, lukunyan talak babye, keting noutam talak babye nirya, malye kanye bobuka, engena dem uptinye. Ara talye ati kum engenune. Bukni, nun olana nang ara, yuk mutuku yu nang arye, na mutuku nang yupa weik akunum obuka, sirya dakaca ati engenune.

Amos 6:6

Tonda aning atonun, anggun mek dina ati, anggur mek ara, mek makau arye kwepmunyeba, langdiplyopura, weik arye dilulume. Tonda, anggun nong bol deice, pia teleb una ati, nintong teleb mek likilalulume. Talye kanye bobuka, aning nirya winilulum bukni, Israel ninye nirya malye wininyak ning ati, mambul kanye bobuka ulamtum bukni, aning ara, pia kum tenelulume. Anggunce, ‘Se, nun apu koproba, Yusup birye deiamukba, dadeipdanin yangalamikce, nun dam unyak Israel ninye ara, yata ning deiyok ati, malye ulilanyak do?’ pia kum tenelulume.

Matius 5:44

Bukni, na wini talak nyapsin yupu ara, ani. Anggun oldalamlum nang ati, bico tenebuka melinamlulume. Anggun nong deice ikin ning deililamsiyak nang ati, ‘Allah arye aninye lyepnamle’ tenen, moronamlulume.

2 Korintus 11:29

Ara, yata dib teneplinye do nirya, sik kanye talima mitang upliba, ikin asa ubicopura, na babye atonun sik anang ati tenepnirye, ikin kanye bobuka mikip ara mitang upniliba, wininune. Aning atonun, malye winin ning arye sik talimak lildaliba, malye winibicopura, na talima noutamak arye, ‘Se’ tenen, malye kanye bobuka unune.

1 Peterus 3:8

Anyapmasin yupu sirya dakna ning ati nyapnusine. Anggun nirya ara, tonok kanye bobuka, talima dukdongobuka, teleb-telebuk ubuka neika unamlulume. Anggun weitcapu silip tonok kanye tenebuka, kanye delilanyakce, neika ulamak touk, anggunce yuk nang patalye ning ati, bico tenebuka melinamlume. Anggunce, yuk nang anggun ikin usilye ning ati, ‘Se aning ara, mambule,’ tenebuka bico tenelanamlulume. Tonda yuk nang sik amu tam umunce, nimalye arye neika unamlulume.

1 Samuel 31:13

Uku arye, sik nong akunum dibukba, Jabes mutuku nang arye, Saul ap, el mapu winilye ap, sik yok diamuk ara, dobukabikce, Jabes mutuku noutamak bukni, weik yo tikamuka donga tuku palibuka, ayoka ara, duk moulamle yo, el si ara Tamariska yo dam weibik. Winibikopura, Saul el si erena ap, dipmoka ati engena ap ati, like tekbarye sum arye, din kum diamek. Din dina kum diparyuk, urdemuk ulamik ani, akunum ubik.

1 Samuel 31:6

Ati ara, Saul ap, el mapu koproba winilye nang ap, Saul el melinanye ap, tonda, Saul el yin talin nang nirya weik ap, sik nirya ara, atonok sum aryuk dibik.