1 Samuel 4:13 - Eipomek

¹³ Anye Eli bukmok buna ning deice bisik irikna ak yanuka bukmokce, kintinibuka dinmok. Tonda, ‘Se, Allah el nyalilamuk yupu deibupu Peti Perjanjian ara, Pilistin nang arye, dalubuka dopropmak do?’ tenen, ilil ubukba teniltona uk unmok. Silo mutuku laka nyalbiyuknye wininmok ani, amutuku ulamik ninye nirya ati, laka nyapmokba, amutuku ulamik Israel ninye nirya weik arye, engebuka ngalukunmek.

1 Samuel 4:13 交叉參考

Mazmur 26:8

Na ni Allah, an si eren aik dam ara, an ulyamak, na kanye pia delikunune. Ara, an ulyamak ara, pia telebuk ulula ati, na kanye delinune.

Yeremia 48:19

Ura, anggun Aroer mutuku ululum nang ara, anggun adiparyuk bisik dandanya uk binuka tikmunce, pia moubuka dimunce, tenenamlume! Winipnamlum talak ara, sik Moab nang arye, ilil uplyeba, bikbik abuka, banamak nang ap, kilapu ap, adiparyuk kalubuka binamak nang nirya ap ati, asilenamlulume. Ara, “Se, anggunda yata ati, anggun mutuku arye batakuka, bikbik aplumce, banmalum do?” nyabuka asinamlume.

Yosua 7:9

Tonda, atam nang arye, laka nyabiceura, sik Kanaan mutuku tam unyak nang ap, tonda yuk nang amutuku noutam yanuka unyak nang nirya ara, anyapnamak yupu ati, kekebikirye, sikce biknamake. Bikikirye, sik Kanaan ninye arye yanuka wariksikirye, nun nirya obuka, sirya daknamsiyake! Amutuku noutam nirya ara, nun si kum danamsile. Ati ara, Allah Yahweh, amutuku nang nirya arye, an mambul weik si ati, ‘Dauplye, elda talinye tenepkicakʼ tenen, anti weik arye si erena ati, yata wiripnalam do?” Yosua birye nyabuk.

1 Samuel 1:9

Tonok sum ton, Silo mutuku noutamak arye, sik nirya din ap, mek ap, akunum dibuka, sirya dakik talak ara, Hana adiparyuk tikukabukce, Allah moronmokce, engenmok. Engebuka, Allah moronmok talak ara, Allah el aik pil dona deiyoknye, el si ara Eli, Allah Yahweh ati arelamik aik dam bukni, anyaik bublan dam tuba bukmokce, kekenmok.

1 Samuel 4:14

Amutuku ninye nirya arye, malye yupu nyabuka engenmekba, Eli kekebukce asipdeyuk. “Amutuku ninye ara, yata ati weik arye, malye yupu nyabuka engenmak do?” nyabuka asipdeyuk. Nyabukura, asum arye Silo mutuku yanmoknye birye, Eli el dam yayukce, amambul yupu yanuka laka nyabuk.

1 Samuel 4:18

Tonda, ayupu bobuka yanmoknye birye, “Allah el nyalilamuk yupu deibupu Peti Perjanjian, akunum dalubuka dopropmake,” nyabuk talak aryuk, Eli el buna ning deice bukmok bublan dam tam, langaksakuka poulbiyukce, el ngang yok cepsakukba dibuk. Aning ara, Eli elda wisi deibukce, nong kalimna weik uamuknye binya arye, sakuka poulbiyukba, el ngang yoka adiparyuk cebukba dibuk. Eli elce Israel ninye, sik weik deiyoknye kibuka, yupu bokolilamuk keting tamun yupa pia weik, yupa tonok keba, obarye 40 deice arye taleamukce, yupu bokolilamuk bukni, asum arye dibuk.