1 Samuel 19:18 - Eipomek

¹⁸ Daud akunum bindobukopura, adiparyuk Rama mutuku, Samuel asik ulamukak biyuk. Biyukopura, Saul birye, elti, mal piamukce, winilamuk ning nirya, lak nyabuk. Aning akunum lak nyabukopura, Samuel ap, Daud ap neika, Nayot mutuku birik. Birikce, sik neika amutuku uk binuka ulamdik.

1 Samuel 19:18 交叉參考

Mazmur 116:11

Na imun kanye bobuka, ulamse talak ara, ‘Yata wiripnamnil do?’ tenen, ilil weik ulamnukba, ulamse. Atalak ara, “Yuk tukwak ninye nirya arye, na ati ara, tilila yupu uk nyaltakaninyake,” nyapkise.

Yakobus 5:16

Aning ati ara, ‘Allah arye kweteipnamsil’ tenen, anggun malye winimunye ning nirya, lak akarye laka nyabuka nyapdamunce, Allah morolanamlulume. Pia diksukumuk wininyak ninye arye, Allah morolamaka ara, mikip weik ulya deice arye, Allah kekeplirye, teleb kipdeilisulule.

1 Samuel 1:19

Asum ara, sik nirya mapmeka ani, beren tam koproba arye, Elkana el bona nirya bukuka, Yahweh el si akunum erebikopura, tuba tamubuka, sik mutuku koproba, Ramataim mutuku biyik. Aminyan talak ara, Elkana ap, el kil Hana ap, asukumuk daulamdikce, el kil ap neika mapdikura, Allah arye mi arebukba, Hana birye Allah ati, morolamuk ning ara, akunum arebukura, aminyan talak sal mi deibuk.

1 Samuel 15:34

Winibukopura, Samuel adiparyuk, Rama mutuku biyuk. Bukni, Raja Saul bira, el asik koproba, Gibea mutuku uk tamubuka biyuk.

1 Samuel 19:19

Birikce, daulamdika ani, aminyan talak ara, ninye ton Saul dam biyikce, “Daud bira, Rama mutuku dam buk mutuku ara, Nayot mutuku ulamle,” nyabikba kekebuk.

1 Samuel 19:22

Atonunuk wininmeka ati, Saul adiparyuk, Rama mutuku bana ati, bisik banmoka ani, weik mek kwen lokamik dam ara, Sekhu mutuku biyuk. Biyukce, amutuku ulamik ninye ati, Saul birye, “Samuel ap, Daud ap, urikce mutuku ara, dan do?” nyabuka asipdeyuk. Asipdeyukura, amutuku ninye arye tamubuka, “Sikda Nayot mutuku urudake,” nyabik.

1 Samuel 19:23

Nyabikura, ayupu kekebukce, Saul bira amutuku batakuka, tuku bisik banmoka ani, Rama mutuku biyuk. Biyukba el babye, Allah el Pia Teleb, Lek Dip Kanye wekukba, Nayot mutuku binamoka ati, bisik tuba banmok talak ara, mot sebukabukce, yupu weik tonun nyapnin banmok.

1 Samuel 20:1

Ura, Daud bikbik abukabukce, Rama mutuku dam bukni, Nayot mutuku dam batakuka biyuk. Yonatan el dam biyukba, epdarikce, Daud birye asipdeyuk. “Na kwito, nara, yata ning malye upman do? Na yata ning malye winipmanba, an ni birye, ‘Elda malye wininanye,’ tenepmanilce, ‘Anye bira opnamne,’ tenenulul do?” nyabuka asipdeyuk.

1 Samuel 21:11

Daud bira, Raja Akhis dam akunum biyukopura, el pil don nang arye, Akhis biti nyabik. “Ara, Daud el mutuku noutam ninye deiyok kibuknye bira, ayanmal do?” nyabuka asipdeiyik. Tonda, sik kilapu nirya, mot senmeka deice arye, Daud elti, nyanmek. “Saul bira, ninye yupa weik, sepuluh ribu (10.000) atonun omuk bukni, Daud bira, ninye yupa pia weik beratusan ribu (100.0000 lebih) nang omuke,” nyabuka, mot senmeknye bira, el akunum do?” nyabik.

1 Samuel 28:3

Ura, atalak ara, Allah el yupu laka nyalamuknye, Samuel bira akunum dibuk. Dibukopura, Israel ninye nirya engenmika ani, el nong bobukabikce, el mutuku koprop, mutuku si Rama mutuku weilbiyik. Tonda anoutam ara, Raja Saul birye, Isa Mutuku Dongonye si erelamik nang ap, asing keten nang ap, akunum diamik ninye kanye arye, yupu asik selamik nang nirya ap ara, Israel ninye ulamik mutuku noutamak ara, min arye akunum yakuka, dopkwetebukba binamik.

1 Samuel 7:17

Nirya banmana ani, aning akunum winipnopura, el mutuku koproba, Rama mutuku tamubuka yangalamuke. Amutuku babye, Samuel biryuk Israel ninye, sik yupu lipsisikuka bokolina deiyoknye ulamuk. Tonda, Allah el si Yahweh kibuka, el si eren ati, Samuel birye keil pala dobuka, Rama mutuku noutamak biyukce, keil pala lelebuka yangapdeibukce, kam ning obuka, akeil pala deice uku dalamukce, Allah ati arelamuk.