1 Samuel 1:5 - Eipomek

⁵ Winilamuk bukni, Elkana birye Hana biti ara, kam ning obuka, tup kalimna weik ning ara bokuka, Hana arelamuk. Ara, bitinye kibuka, weika arye arelamuk. Bitinye arelamuk ning deiyok ara, Allah Yahweh arye Hanna biti, ‘Mi kum deipnamle’ tenen, you kil kibuka anya arye, Elkana birye bico tenepna arye, weika arye arelamuk. Awinilamuka deice arye, Elkana el kil Hana ati, ‘Bicoʼ tenen, kanye delilamuk.

1 Samuel 1:5 交叉參考

Kejadian 11:30

Abram dobuk kil Sarai ara, you kil ulamuka anya arye, el mapu kum delilamuk.

Kejadian 16:1

Allah arye, Abram biti, “Ance deipminyeba, dadeipdanin banamak mapu ara, amutuku arepnamne,” nyapdeibuk bukni, Abram el kil Sara bira you kil ulamuka arye, sik mapu kum deiamdik.

Kejadian 30:1

Ura, Rahel bira, mapu pia kum deiamuka anya arye, el du kul Lea biti, malye kanye bobukce, kanye talima bintinip dayukce, Yakub binyak nyabuk. “Se, ance mi ton arepnilyame. Ara, nun bitinye arye, mi ton kum deipnimyopura, na dipnamnarya,” nyabuk.

Kejadian 30:2

Nyabukura, Yakub bira, el kil ati, yu weik ubukba, tamubuka nyabuk. “Anyapmalam ning ara, yata deiyok ati do? Nara, Allah ununa ati nyapnilam do? Allah elcuk melipkutuba, mi deiptume,” nyabuk.

Kejadian 43:34

Sik dabunmek bukni, Mesir mutuku melina deiyok nang arye, sik din ning Yusup, el yolana deice arye bobuka, sik bukmikakuk delilyayikba, sik nirya ati ara, mitik weik aupmok bukni, Benyamin biti arepmik ning ara pia weik bokuka deipmek. Ati, sik nirya teninauk unmek. Wininmek bukni, sik nirya talye kanye bobuka, talye mangkau asa neika din dinmekce, mek ap dinmek.

Kejadian 45:22

Yusup birye, el du yapu nirya ati, sik tonok-tonok ati winiryuk baju arebuk. Winibuk bukni, el weit koproba Benyamin biti ara, winiryuk baju pamubarye nukuka arebukce, dekna weik ning perak tiga setengah (3 ½) kilo ton arebuk.

Ulangan 21:15

Winipmanto yupu ton nyapnusine. Ara, ninye tonoknye birye, kil bitinye dobuka ulamlya ani, ton kil ara, weik tonun kanye delilule. Ton kil ara, kanye kum delilule. Ura, akilapu atalak aryuk mapu bitinye deipnamdake. Bukni, pia min yuma mi deipnamle kil ara, sik akanye birye, kum kanye deiamlye kil arye deipnamle.