1 Samuel 1:17 - Eipomek

¹⁷ Nyabuka moronmokba, Eli kekebukce, nyabuk. “Akilo, telebe. ‘Kanye deibuka, an aik koprop tamubuka binulyame’ tenen, Allah moropnukine. Tonda, ‘Israel ninye ati, kalikuka, pia melilul Allah arye, an morolyam yupu kekepkilirye, an tenepmalam touk eripnamkil’ tenen, moropnukine,” Eli birye nyabuk.

1 Samuel 1:17 交叉參考

Kejadian 25:21

Ura, Isak el kil Ribka bira, you kil ulamuka anya arye, ‘Na kil ara, mapu ton deiptue’ tenen, Isak birye, el kil ati Allah morolamuk. Morolamukba, Allah el si Yahweh kekebukce, Ribka biti melibukba, mi bobuk.

2 Samuel 15:9

Nyabukopura, ninye deiyoknye Raja Daud birye, “Telebe, talye kanye deibuka dabilyame,” nyabuk. Nyabukba, Absalom adiparyuk, Hebron mutuku biyuk.

2 Raja-Raja 5:19

Nyabukura, Elisa birye, “Telebe ati ara, mangkau kanye bobuka dabinulyame,” nyabukura, Naaman adiparyuk biyuk.

1 Tawarikh 4:10

Ura, Yabesh birye, Israel nang kalikuka melilamuk Allah ati, morobukce nyabuk, “Se, na ni Allah, ance, teleb kipdeinilyame. Tonda, na talipnamne mutuku ara, lo weik areneminyeba, amutuku tuku weika arye talipnamne. Tonda, an weika arye melineminyeba, nara an amu tam unamne. Wininamne talak ara, na dam ikin ning yalyeba, imun kanye bopnyak ati, ance kalikniminyeura, weik ikin ning dobuka, karenak donoknamnilyame,” nyabuka, Allah morobuk. Winibuka morobukba, Allah arye, amoropmuk ning kekebukce, amoropmok touk kibuka melilamuk.

Markus 5:34

Akil arye aning nirya laka nyabukura, Yesus arye tamubuka akil ati nyabuk. “Na ka kilo, an diba tenepmanilama deice arye akunum kwetepmakine. An kanye imun wamkuk ning, akunum kwetepmakine ati, kanye deibuka telebuk binamlyame,” nyabuk.

Lukas 7:50

Sikce Yesus ati derebik bukni, Yesus arye akil ati nyabuk, “Ance nati diba tenepmanilama deice arye, akunum lyepmakina ati, kanye deibuka dabilyame” nyabuk.

Lukas 8:48

Akil arye aning nirya laka nyabukura, Yesus arye tamubuka akil ati nyabuk. “Na ka kilo, an diba tenepmanilama deice arye kwetepmakine. An kanye imun wamkuk ning ara, akunum kwetepmakine ati, telebuk kanye deibuka binamlyame,” nyabuk.

Hakim-Hakim 18:6

Nyabuka morobikura, aimamnye birye tamubuka nyabuk. “Yo ura, telebe. Anggunda, ‘Se,’ tenena pia kume. Allah Yahweh arye, anggun banamlum ning ati, pia kalikuka dinamsile. Elcuk melisiliba, telebuk unamlume,” nyabuk.

1 Samuel 1:16

Ati ara, ance nati, ‘Akil ara, pia malye un kil,’ kum tenenamnilyame. Aning ara, kum wininun bukni, weik ikin kanye bopmana ati, na ikin unilya deice ati, Allah moronmane. Nara, an amu tam atonun kil ununa ati ara, telebuk tenenamnilyame,” Hana birye, Eli biti nyabuk.

1 Samuel 1:23

Nyabukopura, Elkana birye, “Telebe, an tenepmalam sum akunum uplyopura, Allah ati nyalamlum atonun winipnalyame. Ami moum dilamlye ani, dakipminba, din sirika akunum dilyopura, ami bobuka, Allah ati arelyanalyame. Tonda, ‘Allah melipkiliba, ance elti, nyaplum yupu, dipkoprob winipnalam’ tenen, Allah moronamkine,” nyabuk. Nyabukce, Hana Ramataim mutuku ulamukce, el mi ati moum dinilamuk.

1 Samuel 20:42

Winibuka aning akunum mutupdarikce, engepdarikopura, Yonatan birye, Daud biti nyabuk. “Telebe, wini talak teleb kanye bobuka, dabinalyame. An ap, na ap, nun ni koproba Allah, el si Yahweh si deice arye, akunum nyalin yupu nyapdanume. Ara, ‘Nun teleb kanye deipdanimirye, pia kanye talima dukdongobuka, teleb ubuka neika unaname,’ nyapnumue. Tonda, Yahweh kekepsilirye, pia dinamsila anya arye, nun nyapdanumu yupu ara el kele. An ap, na ap, tonda ance deipminba, deipdanin banamak ninye babye, na yala ninye babye, Allah arye, ‘Sik nyapdarik yupu ara, tuba wininamak do?’ tenen, pia dinamsile. Elce melipsiliba, aning tuba unaname,” Yonatan birye, nyabuk. Nyabukopura, Daud adiparyuk yuk mutuku bindobuk bukni, Yonatan bira, tuba tamubuka asik biyuk.

1 Samuel 25:35

Daud ayupu nirya, akunum nyabukopura, Abigail boyanmok ning, binuka doprobuk. Akunum doprobukopura, Daud birye tamubuka, Abigail biti nyabuk. “Ance na dam yanuka, nyapmanilam ning ara, ‘Daud birye wiripnamnil do, kum do?’ tenen, an ilil kanye bona meme. Ance moropmanilam ning ara, dipkoprob winipnamkin ati ara, teleb kanye deibuka, ur an asik tamubuka dabilyame,” nyabuk.

1 Samuel 29:7

Ati ara, anda adiparyuk, teleb kanye bopmince, an mutuku tamubuka, binulyame. Tonda, Pilistin mutuku arye, talibuka unyak nang, sik dinmak noutam arye, banumunye talak ara, ance malye ton winipminba, malye-malye nyapsikcak ati, ‘Teleb aryuk binulyamʼ tenen, nyapkine,” nyabuk.