1 Samuel 1:14 - Eipomek

¹⁴ Utenenmoka anya arye, Eli birye Hana biti nyabuk. “Akilo, like yata barye arye, ninye kanye wangan mek tuba dipmalam do? Ninye kanye wangan anggur mek aupmakil ning ara, dikdonoklyame. Aning ara, dina meme,” nyabuka wenebuk.

1 Samuel 1:14 交叉參考

Ayub 11:14

Bukni nun kwit Ayubo, an kanye talima noutam arye tenelyam ning ara, pia malye winina ap, tenina ap, tuba aupmakilyopura, minopce aning nirya bataknalyame! Tonda, an kwit capu nang ap, an mapu silip ap, an tam nang ap, an ap neika unyak nang ap, anggun kan-kan arye, ton nang ara, malye ning tuba unyak nang auplyopura, adiparyuk anang wenepmince, bataknalame. Tonda, yuk nang ati, malye winilinyak nang ara, an ap neika, tonok aik una meme.

Ayub 22:23

Dipkoprob anda talima lamapdongobuka upmince, Allah el damuk, tuba tamubuka yanamlame. Tonda, an ap, an mapu silip ap, an tam nang nirya ap ara, malye un ning ap, malye tenen ning ap, yala-yala nirya ara, adiparyuk bataknamlume. Winipmunyopura, Allah arye weik tonun erebuka, aning-aning nirya talibuka, mikip weiknye birye, anggunti tuba tamubuka, telebuk kilinamsile. Minop talak teleb ulamlum touk, wini talak babye, tuba tonap, Allah arye teleb kilinamsile.

Mazmur 62:3

Winipmanto ara, weik mutuku kon keil deiya dam duknupniba, na mal on nang arye, kum yanuka opnitinga atonun, Allah ara, el mikip weik deice arye, nati melibuka lyelonulule. Yuknye birye, pia kume. Diba, Allah arye pia weik tonun melibuka kalikinulula ati, na ilil pia kum unamne. Tonda, ilil ati, na nong nirya, sirim kum talipnamnile.

Amsal 4:24

Winibuka ulamince, talye peteren yupu nirya ara, an si bam bol deice, ‘Ayupu ara nyanune,’ tenena meme. Aning nirya ara, minina yupu nyana ap, an kwit biti, ‘Lik’ tenena yupu nyana ap, nyabuka nyalamikirye, ulamicak dam ara, batakmince, leibuka pia yuk sukumuk, unamlame.

Amsal 6:9

Ati ara, anggun babye aning atonunuk, wininamlulume. Pil dona walwal arye maltakna uk ululnye bira, pia amaplopnalam do? Amaplopmaminya ani, dan talak buknalam do?

Rasul 2:13

Bukni, aunmek akarye kekenmek nanguk bokuka, ton tam nang ara, Yesus dib tenebik nang, yupu yuk-yuk nyanmek nang ati, nalibuka akutunmek akarye, “Anang arye, nun yupu koprop yuk-yuk nyanmasiak ara, anggur mek, ninye kanye wangalamak mek pia weik dinmak akarye nyanmasiake,” nyabuka nalinmek.

Rasul 2:4

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Efesus 4:25

Ati ara, Allah arye, ‘Na unye touk diksukumuk unamake,’ tenesulula ati ara, winibuka unamlume. Ara, na tenebuka, tilila yupu nyalamak ning nirya batakuka, anggun neikak ululum ninye ati, dipkoprop yupu uk nyanamlulume. Nun nirya ara, nong tonok atonun kibuka unyaba ati, dipkoprop yupu uk nyalanamlulume.

Efesus 4:31

Tonda, yu usilye ning ap, yuk nang malye upsikiba yu usilye ning ap, derelana ap, yupu deice walana ap, anirya ara, batakanamlulume. Tonda, yuk nang arye, ‘Anang ara, malye nang, tenepnamak’ tenen, lulupdeibuka nyalulum yupu ap, yu usiliba, yuk nang ati malye-malye winina ap, nirya ara, batakanamlulume.