Mattayo 7:13 - NEAJEEDA EESH BEA BUUNEESSEAN

¹³ “Aweayeena ghoah nea goosku gidaghuutta mwariis; aba gideaba gidaghuut aabwara nea naweeda aabwara dea jea gahutteawweegwa ak asaang'a fuga jea gwasik gidaghudeani.

Bibliyeeda Ghaydit

¹³ “Aweayeena ghoah nea goosku gidaghuuta mwariis; aba gideaba gidaghuuta ea bwara nea naweeda ea bwara dea jea gahuteaweegwa ak aasaang'a fuga jea gwasik gidaghuudeeni.

Mattayo 7:13 交叉參考

Mattayo 23:13

“Eamuy deang'wa ng'oorshoodiga ea Farisayajeega, ammiittu geat! Aba gideaba ghoakghuumi buuneeda gidaghuutta sugoochcheandumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 25:41

“Iiduw gaygwayeeshsha fukka mida meatkweadaannyi bea geattinda ghadaamiin, ‘Oang'amwana madeedeanyu, fukghayi sumwaashta, aweayeena jeeda beasta manda mudeanooda ghayi sibay eerarsa Meang'nyeandeenda ea malaykajeegaaschi;

Mattayo 25:46

Abeeda fiisu gaygaweay jeeda ghoorjooda manda mudeanooda, nea fukka doobiiweadiin gaygaweay jeeda eaweega manda mudeanooda.”

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Mattayo 3:8

Asi ajiila haghweega miisa duukkuunooda,

Mattayo 7:14

Gidaghuut amwariis nea naweeda amwariis dea jea gagal ghuhooda, ak gajea ng'ay fuga jea ghwadaah.”

Lukka 14:33

Asi gwasnu eara aba agooga, siida manung'usiina heeda haleanjeedaannyi sean mideawa mwoammu ghoaw ginealaneedeanyu.

Lukka 9:33

Iiduw nea gwasimsa fiisu beatta gwayeeshsha Betro Yeesu, “Siida haw ghwanyawa gahaguuw ameang'amwani hiji; anda meesni udahabeascheew samwagu aba hiji, dea mabeanyi ang'iing'i nirja gaba Muusa nea niirja gaba Eliya;” nea niny abeeda mwanala eara gidarukta.

Yohaana 10:9

Aniini geawoschi gidaghuut, siida iiweah gah nea gwasku heedeanyu gajeelealu, gaygawa gah nea gwardu ak abeeda gayghwanyas haghweeda.

Yohaana 14:6

Gwayeeshsha Yeesu niny, “Aniini geawoschi naweeda, ea humeanda, ea eaweega; siida moammu gawa heeda Bwaabwa, geaghus gwasku heedeanyu.

Gadiyeeda Giijasoodiga 3:19

Asi aduukkuunana, ak goobiikti ayamni geat, ak abeeda gegeanda ring'eegeagwa, ak abeeda ghwahidu damanda hawdeayda jea gwaleabu heeda Ng'uttamiida,

Ruumi 9:22

Asi naaha iigasa Aseetta ghoahiimu nyarastaannyi nea ghwanung' eanala uurdaannyi, ak ghamilikghta muuchchi nea ghwarjeang'da aba dabitiida nyarasta sisissa nyaroodean,

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

2 Goriinto 6:17

Asi arinnana jeannyaawa, ak gohhelleewi geat saawa gwargu Ng'uttamiida, ak ea adoang'ng'waannyi gida mideawa ririnnyeanda; ak abeeda gaydadeagwa ghoah.

Galattiya 5:24

Fukka was gea Yeesu Gristohiin ningoorda saseeda ea ng'asheagaaschi munyas bwariiy nea gagasa.

Filippi 3:19

Mudeanoodeaba fiisu nyariida gil, ak aseetta nyaawa ea jeeda gil, ak ng'asheega aghambiida geat ea gea baspaseega gil, mideawa fughareenga ng'asheega ng'eanyiida.

1 Yohaana 5:19

Aseasa geanalli gideaba geebeayi Aseetta, ak ng'eanyiissean goombal diitta muyiin.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

Giidaheechta 20:15

Ak gilwas sih iimiyeeng'oorsa gheawungaaschi jeeda gittaabooda eaweega, hean geejaksa jeedeaba basoodida bea beastean.

Giidaheechta 20:3

ak gwajaksa niny jeeda shoomanda, hean gwadukuta ak ghwayiin giroraneeda badaydaannyi, aba gideaba maygabiikta gichcha gwareengani emoojiga, ea ghang'atta gweannyeew sagalama. Amang'atta hiji gajeettin gilinuwaas.