Mattayo 6:9 - NEAJEEDA EESH BEA BUUNEESSEAN

⁹ Asi amwaashtunu Aseetta: Ghweandeanya mida humng'eeda, Ghaawungaagu eakghambiida.

Bibliyeeda Ghaydit

⁹ Asi amwaashtunu ASEETA: Ghweandeanya mida humng'eeda, Gheawungaagu eakghaambiida.

Mattayo 6:9 交叉參考

Mattayo 10:29

Heappi udabwaraadaji iyyeenya meesheahhideawana heelajeanjagi? Eara akkalealla mwoammu goobissa ng'eanyi nea mwamwasa Ghweandeang'wa.

Mattayo 23:9

Nea adooguuri siida, Bwaabwa aba ng'eanyiida aba gideaba, Ghweandeang'wa aa akkalealla nea gwanda humng'eeda.

Mattayo 26:29

Gaydayeeshshineegwa maygudu dabiikta dali gichcha difaayeeda sabiibu ea eaghus dabiikta dali gichcha gea eashish sea agooga aba jeeda sugoochcheandumeeda Bwaabwa.”

Mattayo 26:42

Gabiikta deabiyyeenya ak ghamwaash Aseetta nea gwayi, ea Bwaabwa, iimay ghwasajaadawanaan bayoogi ea eeghus daleayda nung'waanda gwasa gidigassiidi ang'iing'i.”

Mattayo 5:16

Asi eara weeshindeang'wa gagasa ghoabwaay buuneessean, amaduw nea ghwadaa gadiyoojigeagwa miyaas ghoaghambiit Ghweandeang'wa mida humng'eeda.”

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

Mattayo 6:14

Aba gideaba iyoosammiisi gidinyeannyeekka buuneeda, eara Ghweandeang'wa mida humng'eeda gaygwasamseegwa agooga;

Mattayo 6:6

Nea ang'iing'i iimwaashi Aseetta, guwi jeeda ghooriidaang'u hoowa bea gahiin ak giradi gidaghuut ak gimwaashi Aseetta aba heeda Ghweandaang'u mida makcheameeda; ama abeeda Ghweandaang'u deaha makcheamuutka gaygooheanneey.

Mattayo 7:11

Abeeda iyoanalli agoogeeda munyas gideaba gajoattawa diibigeagwa haleanjeeda miyaas, ea mayghwaraanya muuchchi Ghweandeang'wa mida humng'eeda ak ghoadaw gea miyaas fukka ikkaaschi musiini!

Lukka 15:18

Gaydang'eat dawa heeda ghweandeanyu ak geayeeshshi niny, ‘Bwaabwa neadiiysi humng'eeda ea madeadaang'u;

Lukka 15:21

“Hean gwayeeshsha Balleandida niny, ‘Bwaabwa aniini neadiiysi humng'eeda ea madeadaang'u, mammiisean gideaba gajeegureewean ballandang'u.’

Lukka 2:14

“Gigheambiita gaba Aseetta mida humng'eeda, ak aba ng'eanyiida ghoaw hoyyoo aba heeda fuga ahoosan!”

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Ruumi 8:15

Aba gideaba ghayi meegoaneagwa gurorooda ging'ng'oonyaneandumeeda jea gweadu muuwda, ghayi geegooneegwa gurorooda jea ahuuweewana balloojiga. Nea geeyeawdi, “Bwaabwa! Bwaabwa!”

Galattiya 1:1

Baulo giijasoochcheanda, nea maleapna heeda buuneeda ghana gwasku naweeda siida, gwasku heeda Yeesu Gristo ea heeda Aseetta was Ghweanda, ak gooduunna niny jeeda miyeeda,

Galattiya 4:6

Iiduw inoawoschi balloojigaaschi hean goojeagu Aseetta Gurorooda Balleandaannyi jeesingaasa, ayeawda nea gwayeena, “Aba! nea gideaba Bwaabwa gil!”

1 Dimotteo 6:16

ninyi nea gaba geaw mwayghami ak gwanda jeeda weeshinda majeeneekiisa ak ea manda siida nidaah ak ea manda siida ammu ghwadaa. Mureeda ea uurda daanyi gil ea ghoaw eaweega manda mudeanooda! Amin.

1 Betro 1:17

Agooga iyoomwashchi awuurjeewana Bwaabwa jea goorgweaksa giliwas sii nea manda shiitmeeda aba giduurji sinaweagaaschi, asi abeawana muuwda damandeang'wa oowosi mang'aweannyeekka.

Giidaheechta 4:11

“Ng'uttamiideanya was Aseetta gammiiseey ang'iing'i gigheambiitta ea mureeda ea uurda, aba gideaba ghayi gisni haleanjeessean, nea aba gidigassiidi gisni ak goobiida.”

Giidaheechta 5:12

nea geeyi aba ghuutta haw, “Gammiisa Dayeenda Gisilleanda ghayi silach gheatta, ghwanyas uurda ea meanang'oochcheandumeeda ea weaghumeeda ea hawunda ea mureeda ea gigheambiitta ea ghawooda!”