Mattayo 6:5 - NEAJEEDA EESH BEA BUUNEESSEAN

⁵ “Asi iyoamwaashchi Aseetta, ea adoowurjeewi fugiga ammiittu geadiin; saawa ghabwariiy ghamwaash Aseetta nea ghaminaada aba jeesinga ghorajeega siinnealshachcheewa ea ghuusiga naweadinga, ghwadaa buuneeda. Aba huumwa, geayeeshshineegwa, nigeawiit ghwanyas gimearda nyaawa.

Bibliyeeda Ghaydit

⁵ “Asi iyoamwaashchi ASEETA, ea adoowuurjeewi fugiga amiitu geadiin; saawa ghabwariiy ghamwaash ASEETA nea ghamiinaada aba jeesinga ghoorajeega siinealshacheewa ea ghuusiga naweadinga, ghwadaah buuneeda. Aba huumwa, geayeeshiineegwa, nigeawiit ghwanyas giimearda nyaawa.

Mattayo 6:5 交叉參考

Mattayo 21:22

Amaduw iyondeawi masaweega, ak goomuschi nea ghoamwaashchi ghawooda gajanyasa haleanjeessean oogasayi.”

Mattayo 23:13

“Eamuy deang'wa ng'oorshoodiga ea Farisayajeega, ammiittu geat! Aba gideaba ghoakghuumi buuneeda gidaghuutta sugoochcheandumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 23:5

Gichcha sinaweega nyaawa sean inyeessa gwasin ghwadaa buuneeda aba gideaba iissa gooheettu barawajeegeagwa bea mooshta ghawooda, nea googeawiidi seapseata nyaawa.

Mattayo 23:6

Fuga bwariiy goobitpiida hoorgajeegeaba mwadi eaweetta ghwelmeeda, nea ghabwaariiy goobiida mwadi aba jeesinga ghoorajeega sinnealshachcheewa.

Mattayo 6:1

“Ashageada adiidu goosinnyi alooheedeang'wa aba madeeda buuneeda nea goobaysiini ghwadaheagwa saawa, aba gideaba iyosinindunu ea mwajanyasa giimearda aba heeda Ghweandeang'wa mida humng'eeda.

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Mattayo 6:2

Asi ang'iing'i iidaydi haleanjeeda iiweadi fuga barbari adidiing'u geaw ak gisindi gidasinniida fuga ammiitu geat aba jeesinga ghorajeega siinnealshachcheewa ea ghuusiga naweadinga, gagwarsa buuneeda. Aba huumwa, geeyeeshshineegwa suuh ninyas gimearda nyaawa.

Mattayo 9:38

asi amwoasha Ng'uttamiida bea booga goojeagu fuga gadiyeeda ghapka ghwalachchi boagaaschi.”

Marko 11:25

Ghabwada iyoaminaadi nea gajamwaasha gil, daba siisi samsa gidinyeanda wassean deeppa ea nismaneey sih. Abeeda eara ghweandeang'wa mida humng'eeda gaygwasamsa gidinyeannyeekkeagwa. [

Marko 12:38

Gwayi Yeesu aba jeeda ginealshoadaannyi, “Ashageada ginealshoodusu bea Diineeda Yahuudiin. Fuga bwariiy gwaleammideawa hang'weakka geawwi, nea geyeenniisa seayu aba mureeda aba naada. Fuga ama hitta ghoorajeega sinnealshachcheewa gwajiir hoorgajeega madeeda.

Lukka 11:43

Farisayajeega ashageada! aba gideaba ghoabwariinyi oppitpiidana horgajeega madeeda aba jeeda gealga sinnealshachcheewa nea geekkeattooscheeweegwa aba naada.

Lukka 18:1

Hean gwarukusa ng'asheega nea gagalla geat nea gagasa gideaba gaygammiisa sawa mooshta Aseetta galeagasean nea mapra.

Lukka 18:13

Hean ghaminaada Siitta ang'ng'oonyi gwadiin nea dildeaweat nea eara gheanyangaaschi ea meageala humng'eeda, gagiisan nea gwayi, ‘Aseetta, bwaydanaan aniini geabea riing'a!’

Lukka 20:47

fuga inyeessa gweagiisachchi aba gealga masiinung'weega nea aba gimminnoodeaba geat inyeessa ghamwaash Aseetta nea gogeawiit. Asi gayghwanyas girgweaksiinda haw.”

Lukka 6:24

“Asi ashageada agoogeeni owoschi baruurjeewiin, aba gideaba noanyaaschi hawdeayda.

Yohaana 16:24

Eara ghamneawa miyoomusa ng'ashaan aba gheawungeasu; amusa, ak gajanyasa ak abeeda ghwahit hooseaneegeagwa.

Efeeso 6:18

Amwaasha Aseetta damannyoojiga sean aba jeeda Gurorooda aba mooshta sean bea Aseetta ea baditta. Ak ghoang'ng'wearu nea ghoashng'u aba baditta Aseetta appdahuukka fuga ghaydidi sean,

1 Desaloniikke 5:17

amwaasha Aseetta damannyoojiga sean,

Yakkobo 4:6

Amaduw gagoaneasa dagheerjeandumeeda naawda; nea gwayi, “Aseetta iissa ghaheawa fuga adiing'ng'u geat, ak iissa ghoadaw dagheerjeandumeeda fuga eada geat ng'eanyi.”