Mattayo 4:23 - NEAJEEDA EESH BEA BUUNEESSEAN

²³ Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Bibliyeeda Ghaydit

²³ Gwaneayeewa jeeda ng'eanyiida sean bea Galilaya, nea goonealshi aba jeeda ghoorajeega nyaawa siinealshacheewa, nea gwarukwiida giijasta miy bea sugoocheanduumeeda, nea ghoahaap geeyoonung'weaka sean ea sawanaduutka mideawa buuneeda.

Mattayo 4:23 交叉參考

Mattayo 9:35

Gwaneayeewa Yeesu jeeda mujiinajeega sean ea gharang'weakka nea goonealshi aba jeesinga ghoorajeega nyaawa siinnealshachcheewa ikkaanyaawa nea gwarukkwiida Giijasta miy bea sugoochcheandumeeda, nea ghoahaap geeyoonung'weakka sean ea gili nyoo ea sawanadeeda.

Marko 1:39

Iiduw gawa gwaneayeewa jeeda ng'eanyida Galilaaya sean nea gwarukkwiida ng'asheega aba ghoorajeega nyaawa sinnealshachcheewa sean nea ghahoan meangeenda.

Gadiyeeda Giijasoodiga 10:38

gidamwaarda Aseetta Yeesuyda Nasareetti aba Gurorooda Ghaydit ea uurda; ea gidaneayeatta nea gwasin ng'asheega miyaas nea ghoahaap buuneessean minighis meang'nyeandeendean, aba gideaba Aseetta gwandeayi sea niny.

Lukka 7:22

Ghwasha nea gwayeeshsha, “Aweayeena ak goorukusi Yohaana ng'asheesu oayinyiin ea gea oadaayi, Fuga ng'oowwi niimmu ghoang'wearda, fuga badoojiga gaweelweel, fuga udamusuura siimmiidu, fuga miinyi niyiing'shi, muschcheekka siittuuttu, gea barbari geerukusa Giijasta Miy.

Mattayo 11:5

fuga ng'oawwi ghoang'wearda, fuga badeeda gaweelweel, gea bearji udamusuura geammidu, gea miinyi gwayiing'shi, fuga meewa gwaduuttu nea fuga barbari geerukusa Giijasta Miy.

Mattayo 13:54

gawa ng'eang'da nyaawa hitta hoowa goonealshi aba jeeda ghooriida nyaawa siinnealshachcheewa, ak goonealshi ea ghahamng'eanyi buuneeda nea gwayi, “Siisi ghwanyasa yeenu weaghumeeni ea ng'asheesu deamdeameadiin?

Marko 1:21

Ghwahitta Yeesu ea ginealangaaschi mujiineeni suguura Gapernaumu. Hean hitta eaweetta sabatto gawa Yeesu jeeda ghooriida fuga Yahuudi sinnealshachcheewa ak ghoang'eat ginealshooda.

Ruumi 10:15

Ak gay gwarukkwiidaaydaan siida ii miyeechcheakta? Gawuurji gissung'waarda bea gideaba, “Amiyaastaan geeshanga fuga rukkwiida Giijasta miy!”

Lukka 8:1

Iiduw ghang'eat gwasik jeeda mujiinajeega ea gharang'weakka, gwarukkwiida nea gweadu Giijasta Miy bea sugoochcheandumeeda Aseetta. Nea abeeda gwandeayi sea ginealangaaschi attamaniyyeenya,

Marko 6:2

Muchchu nea eaweeda mideewa sabatto gil, gawa jeeda ghoriida fuga Yahuudi sinnealshachcheewa gonealshi. Ghahamng'eanyi fuga saang'a aleeysiit nea gwayeena, “Assiisi ghwanyasa yeenu ng'asheesu? Ea bareaynadi bea uhuudean. Ak gwasindaan deamdeamanga sina

Mattayo 24:14

Gichcha gajeerukkwiida Giijasta Miy bea sugoochcheandumeeda aba ng'eanyissean ghoaw muwwunooda aba emoojiga sean, ama ng'atta abeeda ghwahidu mudeanooda ng'eanyiida.”

Mattayo 12:9

Ghabeawa hoowa ak gawa jeeda ghoriida nyaawa sinealshachcheewa.

Yohaana 18:20

Ghwasha Yeesu nea gwayeeshsha, “Aniini eajusu iissa geabalolli ng'eanyiida aba eeshpwara; nea iissa geanealshi aba jeeda ghoorajeega sinnealshachcheewa ea jeeda gheeda sibatta Aseetta galeagassean, heeda roondooscheesa fuga Yahuudi sean; nea moang'ng'wa darukuta ng'asheanda wassean aba makcheameeda.

Lukka 13:10

Hean eaweechcha nea gonealshi aba jeeda ghoriida sinnealshachcheewa eaweeda sabatto.

Lukka 9:11

Iiduw nea gwajeeng'u emeetuw, geayaat geeshta; ama sihitta ghwadeapta saawa ak goobaloola iitta sugoochcheandumeeda Aseetta, ak ghoahaap fuga gasa giiheapta.

Lukka 5:17

Eaweechchanjagi aba jeedeaba eawoojikka gonealshi, abeeda goobiitpiit Farisayajeega ea ginealshoodiga deaweeda leabu gilinyoo ea gharang'da Galilaaya, ea Yudeeya ea gealeabu Yerusaleemu; nea gwandeawa uurda Ng'uttamiida ak ghoahaap buuneeda.

Marko 6:6

Ghahamng'eanyi Yeesu idaah gidamwamwasta buuneeda ng'asheagaaschi. Iiduw gwaskeada Yeesu gealga aba hoowa nea gonealshi.

Marko 3:10

Abeada nihaap fuga saang'a, ghapka Fuga geyoonung'weakka nea gagasa ghanyi ghawaas Yeesu.

Marko 1:14

Iiduw nea sijaksa Yohaana ghealooniga gawa Yeesu ng'eanyiida Galilaaya, nea gwarukkwiida Giijasta Miy bea Aseetta

Gadiyeeda Giijasoodiga 20:25

Asi ghamneawa, ng'ulla, aniini ghaanaalleagwa oagasean nea geaneayeewi jeedeang'wa nea geerukkwiidi giijasta sugoochcheandumeeda ak ea manda siida jea gudughwadaah gheamamdeanyu.

Gadiyeeda Giijasoodiga 18:4

Inyeessa eaweeda Sabatto, gawa jeeda ghooriida sinnealshachcheewa ak gabalool nea ghaghurghur fuga Yahuudi ea gea Yunaani.

Yohaana 6:59

Gwargu ng'asheesu nea gonealshi aba jeeda ghooriida sinnealshachcheewa aba ng'eanyiida Gapernaumu.

Lukka 10:9

oahhaabwa fuga miyean mida jeedida nea goorukusi fugiga gideaba, ‘Sugoochcheandumeeda Aseetta nineekkiiseegwa.’

Lukka 6:17

Iiduw nea ghwararang'aan sea saawa ak ghamiinaada aba heeda miy ng'eanyi, abeeda gwandeawa fuga saang'a was ginealangaaschi ea emeettuw leabu meatkwajeega sean bea Yudeeya, ea Yerusaleemu ea ghuutta basooda Diro, ea Sidooni, nea ghapka gooleeysiit niny nea geahaap geyoonung'eakka nyaawa;

Mattayo 14:14

Hitta Yeesu ghuutta basooda ghwadaa emeetuw ak gwasamsa amaduw ghoahaap geeyoong'ng'weakka nyaawa.

Mattayo 13:19

Siida wassean iiy ng'asheanda sugoochcheandumeeda ak ea mwanala, ghwahidu giitta muyiin ak ghoasealda gidida sihisa guroroadaannyiin.

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Yohaana 7:1

Ng'atta ng'asheesu gwaneayeewa Yeesu jeeda ng'eanyiida Galilaaya, aba gideaba magassa gwaneayi aba jeeda ng'eanyiida Yudeeya aba gideaba fuga Yahuudi gagasa gwanuus niny.

Lukka 20:1

Eaweechcha nea ghoonaal buuneeda aba jeeda gheeda sibatta Aseettean, nea gwarukwiida giijaasta miy, gaweay headaannyi ashoohoodiga hees ea ng'oorshoodiga ea gweargwa

Lukka 4:14

Iiduw gabiigu Yeesu aba uurda Gurorooda ak gawa Galilaaya, ak gageawiit iitaannyi aba daroorakka sean neekki.

Lukka 6:6

Eaweechcha nuut bea sabatto, damanda beawa jeeda ghooriida sinnealshachcheewa ak goonealshi, gwanda jeeni siisi apttu geattinda dugwa.

Lukka 7:21

Ak aba damandida ghoahaap fuga saang'a miyeani ea gea bearji meangeenda, ak eara fuga ng'oowwi aniimmu ghoang'wearda.

Lukka 9:60

Gwayeeshsha niny, “Nung'waada muscheekka gabuy muscheekka nyaawa; ak ang'iing'i, guwi rukkwiida sugoochcheandumeeda Aseetta.”

Lukka 16:16

Deaweedajeega ea sibanga ea gagul Yohaana; hean geerukkwiida Giijaasta miy bea sugoochcheandumeeda Aseetta, nea gaba siisi abwasaay geaw.

Gadiyeeda Giijasoodiga 28:31

gwarukkwiida sugoochcheandumeeda Aseetta nea goonealli ng'asheega badayda Ng'uttamiida was Yeesu Gristo ng'asheesu gwasin aba eeshpwaara nea manda siisi adeal.