Giidaheechta 2:22 - NEAJEEDA EESH BEA BUUNEESSEAN

²² Ng'ulla, gaydayiin gatmoodida muunda aba miyeanda, nea fukka jea gamealuul sea ninyiin gaydadaw sawanadeeda haw, ea eaghus gwaduukkuuna ng'asheega sina;

Bibliyeeda Ghaydit

²² Ng'ula, gaydayiin gatmoodida muunda aba miyeanda, nea fugiga jea gamealuul sea ninyiin gaydaadaw sawanadeeda haw, ea eaghus gwaduukuuna ng'asheega sina;

Giidaheechta 2:22 交叉參考

Lukka 13:3

Geayeeshshineegwa, Manda; imoduukkuunani ring'eegeagwa eara agooga gajooshshealda saawa.

Lukka 13:5

Manda; geayeeshshineegwa, imoduukkuunaani eara agooga gajooshshealda gidashealda saawa.”

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

Giidaheechta 17:2

nea nihiseada sea sugoodiga badayda ng'eanyiida, ak gea mida badayda ng'eanyiida ea niboogit aba difaayeeda hiseadayeandumeadaannyi.”

Giidaheechta 18:3

aba gideaba emoojiga sean nili difaayeeda ng'asheagaaschi munyas gaseadayyi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oochcheandumeeda aba uurda hiseadayeandumeadaannyi.”

Giidaheechta 18:9

Nea sugoodiga ng'eanyiida, hiseada abeeda gwahiseada sea niny, gaygooyeawda nea gaguuttu heareega appadaydeaba niny iidaa aroosta beasta sighwardaawa niny;

Giidaheechta 2:5

Asi apkaada gidabwaanyi, ak giduukkuuni ak gibiiksi gadiyoojiga ghayi isni bea madeeda. Ak imisni, gaydahidu headaang'u, ak gaydageanda hoorgeeda gheaboonyaneedaang'u aba heeda mida, ea eaghus duukkuunana.