San Lucas 1:6 - DIOSPA QHELQACHISQ

⁶ Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Qheshwa Biblia DC

⁶ Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

DIOSPA QHELQACHISQAN DEUTEROCANONICAL

⁶ Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Quechua South Bolivia: Dios Parlapawanchej

⁶ Paycuna khari warmi Diosta cusichejpuni cancu. Diospa tucuy camachiskasninta sumajta casoj cancu mana faltaspa.

San Lucas 1:6 交叉參考

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Filipenses 2:15

ama pipis qankunamanta millayta rimanankupaj. Qankunaqa millayta ruwaj runakuna ukhupi Diospa wawankuna jina allinta puriychej, mana imamanta juchachanapaj jina. Ajinata ruwaspa, kay pachapi ch'aska jina lliphipirinkichej.

Hechos 24:16

Chayrayku kallpakuni ruwasqaymanta sonqoypi mana juchachasqa kanaypaj Diospa ñawpaqenpi, runakunaj ñawpaqenpipis.

1 Reyes 9:4

Kunantaj qan tatayki David jina cheqan sonqowan puriy, mana k'amina, tukuy ima nisqaytataj junt'ay, kamachisqayta, nisqaytawan kasuspa.

1 Tesalonicenses 3:13

Ajinamanta Tukuyta Kamachej Jesús kallpachasonqachej Diospi tukuy sonqo atinikunaykichejpaj. Jinataj maypachachus Tukuyta Kamachej Jesucristo tukuy ajllakusqankunawan kutimonqa chaypacha, qankuna Diospa ñawpaqenpi llimphu mana juchayoj kankichej. Ajina kachun.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

1 Juan 2:3

Sichus Diospa kamachisqanta kasunchej chayqa, yachanchej cheqapuni Dioswan allinpi kawsakushasqanchejta.

2 Pedro 3:14

Chayrayku munasqa wawqe panaykuna, chay imakunata suyaspaqa, atisqaykichejta kallpakuychej Dios taripasunaykichejta mana juchayojta, mana k'aminata, paywan allinpi purishajta ima.

Job 1:8

Chantá Tata Dios payta nerqa: Rikorqankichu kamachiy Jobta? Pay jinaqa mana pipis kanchu. Payqa noqaj kamachisqayta tukuy sonqo junt'an, cheqanta purisqanraykutaj mana imamanta k'amina, nitaj pitapis mana allinta ruwanchu, nispa.

1 Juan 3:7

Munasqa wawaykuna, ama piwanpis q'otiyachikuychejchu. Pichus cheqan kajta ruwajqa cheqan runa kasqanta rejsichikun, imaynachus Jesucristopis cheqan, ajina.

1 Juan 2:29

Qankuna yachankichejña Jesucristo cheqanta ruwaj kasqanta. Yachallankichejtaj cheqan kajta ruwajkunaqa cheqapuni Diospa wawankuna kasqankuta.

Colosenses 1:22

Kunantajrí Cristo runaman tukuspa wañusqannejta Dioswan allinyachisqaña kankichej. Ajinamanta Cristoqa Tata Diospa ñawpaqenpi llimphuta, mana juchayojta, nitaj ni imamanta juchachanata rikhurichisonqachej.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

1 Corintios 11:2

Mayta kusikuni noqamanta yuyarikusqaykichejmanta, yachachisqayman jina ruwasqaykichejmantapis.

Hechos 23:1

Chantá Pablo Jatun Juntamanta kajkunata allinta qhawaspa, nerqa: Wawqekuna, kunankama Diospa ñawpaqenpi llimphu sonqoyoj kawsakuni, nispa.

Salmos 119:6

Kamachisqaykita junt'asaj chaypachaqa, mana imamantapis p'enqakunay kanqachu.

Job 9:2

Noqa allinta yachani chayqa ajinapuni kasqanta. Runaqa mana niyta atinchu Diospa ñawpaqenpi llimphu kasqanta.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Deuteronomio 5:33

Qankunaqa Tata Diosniykichejpa kamachisusqanta kasuspa, allinta puriychej, Tata Dios qosonqachej chay jallp'api unayta kawsakunaykichejpaj, chantá allin rinasuykichejpaj.

1 Reyes 15:5

Chayta ruwarqa imaraykuchus Davidqa Tata Diospa ñawpaqenpi cheqanta ruwasqa. Wañupunankama Tata Diospa nisqanmanta mana karunchakusqachu, manachayqa jitita Uriasta wañuchichispa, juchallikusqallan karqa.

San Lucas 1:7

Chaywanpis mana wawayoj karqanku, Elisabet mana wijsallikuyta atisqanrayku, iskayninkutaj allin machuña karqanku.

San Lucas 2:25

Chaypacha Jerusalenpi uj runa Simeón sutiyoj tiyakorqa. Pay cheqanta ruwaj runa karqa, Diostataj may jatun respetowan qhawarqa. Chayrayku pay suyasharqa Dios Israelta qhespichinanta. Santo Espíritoj kamachiyninpipis kallarqataj.

Hechos 2:25

Kuraj kamachej Davidpis Jesusmanta nerqa: Tata Dios noqallawanpuni kashasqanta rikuni. Pay pañaypi kashan, nitaj imapis urmachiwanqachu.

Hechos 8:21

Qanqa noqaykuwan mana ima ruwanayki kanchu, manataj chay atiyta jap'inaykipaj jinachu kanki, imaraykuchus Dios yachan sonqoyki mana cheqanchu kasqanta.

Romanos 8:4

Ajinata ruwarqa, noqanchej amaña juchallinaman aysaj sonqonchejpa munasqanman jina kawsananchejpaj, manachayqa Moisespa kamachisqanpa cheqan mañasqanta junt'ayta atinanchejpaj, Santo Espíritoj yanapasqanwan.

2 Crónicas 17:4

Manachayqa tatanpa Diosninta mask'arqa, kamachisqanta kasuspa, manataj israelitakunaj ruwasqankuman jinachu ruwarqa.