1 Samuel 13:4 - DIOSPA QHELQACHISQ

⁴ Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

Qheshwa Biblia DC

⁴ Israelitasmanta kajkuna tukuyninku yacharqanku Saul filisteospa qhawaj soldadosninta tukuchisqantaña, chaymantataj filisteosqa paykunapaj may phiñasqas kasqankuta. Jinamanta israelitasqa Gilgalpi Saulwan tantakorqanku.

DIOSPA QHELQACHISQAN DEUTEROCANONICAL

⁴ Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

1 Samuel 13:4 交叉參考

Génesis 34:30

Jacobtajrí Simeonta, chantá Levitawan nerqa: Qankuna kayta ruwaspa, jatun uma nanayta qowankichej. Kaynejpi tukuy tiyakojkuna, cananeokuna, chantá ferezeokuna ima chejnikuwanqanku. Tantaykukuspataj, noqaj contrayta jamuykonqanku, pisi runayojta rikuwaspataj, noqata, aylluytawan wañuchiwanqanku, nispa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

1 Samuel 10:8

Chantá Gilgal llajtaman ñawparishay. Chayamunaykama chaypi qanchis p'unchayta suyawanki. Noqataj jamusaj uywa ñak'asqata q'olachispa chantá allinyakuna jaywanatawan Tata Diosman jaywanaypaj. Chantá kuraj kamachej jina imatachus ruwanaykita nisqayki, nispa.

Josué 5:9

Chantá Tata Dios Josueta nerqa: Kunan circuncidasqaykichejwan Egiptopi wata runa kasqaykirayku p'enqachisqa kasqaykichejta chinkachini, nispa. Chayrayku chay cheqaqa kunankama Gilgal nisqa sutiyoj kashan.

Génesis 46:34

qankuna ninkichej: Noqaykoqa ñawpa tataykukuna jina uywata uywaspa kawsayku, nispa. Ajinamanta qankuna Gosenpi tiyakunkichej, imaraykuchus Egipto llajtayojkunaqa ovejata michejkunata chejnikunku.

2 Samuel 10:6

Amonitakunaqa yachakorqanku Davidqa paykunapaj phiñasqa kashasqanta. Chayrayku qolqeta pagaspa mink'akorqanku 20.000 soldadokunata Siriamanta, Bet Rejobpi kajkunamanta, chantá Sobapi kajkunamantawan. Mink'akullarqankutaj kuraj kamachej Macamanta 1.000 soldadonkunata, Istobmantataj 12.000 soldadokunatawan.

1 Samuel 27:12

Aquistaj Davidpi atinikuspa, sonqonpi nej: Davidqa israelitakunawan astawan chejnichikushan. Jina chayqa, tukuy tiempo kamachillaypuni kanqa, nispa.