21 ओ अपनी शक्ति दे ओस असर दे मताबक जेस थमां ओ सारीं चीजें गी अपने वश च करी सकदा ऐ, साड़ी मिट्टी आली कमजोर जिंदु गी बदलीयै, अपनी मैमा आली जिंदु आला लेखा बनाई देग।
ते उत्थें उंदे सामनें ओसदा रूप बदली गीया, ते ओसदा मुंह सुरजआला लेखा चमकया ते ओसदे कपड़े लोई आला लेखा चिटा ओई गीया।
यीशु ने उनेंगी जबाब दित्ता, “तोस पवित्र शास्त्र ते परमेसर दी शक्ति गी नेई जांनदे; एस कारन पोल च पेदे ओ।
यीशु ने उंदे कोल आईयै आखया, “सोर्ग ते तरती दा सारा अख्त्यार मिकी दिते दा ऐ।
किके जिनेंगी परमेसर ने पैलैं दा चुनी लेता ऐ उनेंगी आखया बी ऐ के ओ ओदे पुत्तर दे रूप च ओन, तां जे ओ मते प्राऐं च परमेसर दे जेठे पुत्तर ओन।
जेलै मसीह जेड़ा साड़ी असली जिंदड़ी ऐ, परकट ओग, ओस बेलै तोस बी ओदे कन्ने मैमा समेत परकट कित्ते जागे।
ए प्यारो, ऊन अस परमेसर दे बच्चे न, ते ऊन तकर ए परकट नेई ओया, के अस के केछ ओगे। इनां जानदे न, के जेसलै यीशु मसीह परकट ओगन तां अस बी ओदे आला लेखा ओगे, किके अस उसी उयांगै दिखगे जियां ओ ऐ।
सर्वशक्तिमान परमेसर आखदे न, “मैं अल्फा ते ओमेगा हां, मतलब, शुरुआत ते आखर हां। मैं ओ हां जेड़ा ए, जेड़ा मेशा हां, ते जेड़ा अजें आनेआला ए।”
