फिलिप्पियों 3:17 - डोगरी नवां नियम

¹⁷ ए विश्वासी प्राओ, तोस सारे मिलीयै मेरी जेई चाल चलो, ते उनेंगी पन्शानो, जेड़े एस रीति उपर चलदे न जेसदी मसाल तोस साड़े च दिखदे ओ;

फिलिप्पियों 3:17 交叉參考

रोमियो 16:17

ऊन ए साथी प्राओ, आऊँ थुआड़े कन्ने अर्ज करना ऐं, के जेड़े लोक ओस ठीक शिखया दे ओलट, जेड़ी तुसें लेती ऐ, फोट पुआने ते ठोकर खलाने दा कारन ओदे न, उन्दे कोलां दूर रवो।

1 कुरिन्थियों 10:32

तोस नां यहूदीयें, नां दुई जातीयें, ते नां परमेसर दी कलीसिया आसतै ठोकर दा कारन बनो।

1 कुरिन्थियों 11:1

तोस मेरी जेई चाल चलो जियां आऊँ मसीह आला लेखा चाल चलना ऐं।

1 कुरिन्थियों 4:16

एस आसतै आऊँ थुआड़े कन्ने अर्ज करना ऐं, के मेरे आला लेखा चाल चलो।

फिलिप्पियों 4:9

जेड़ीयां गल्लां तुसें मेरे थमां सिखियां, ते ग्रहण कित्तियां, ते सुनीयां, ते मेरे च दिखियां, उनेंगी गी मनदे रवो, ओस बेलै परमेसर जेड़ा शान्ति दा चश्मां ऐ थुआड़े कन्ने रौग।

1 थिस्सलुनीकियों 1:6

तोस मते कलेश च, पवित्र आत्मा दी खुशी कन्ने वचन गी मनियै साड़े ते प्रभु जेई चाल चलना लगे।

2 थिस्सलुनीकियों 3:14

जेकर कोई साड़ी एस चिट्ठी गी शिखया दी गल्ल गी नेई मन्नें तां ओदे उपर नजर रखो, ते ओदे कन्ने संगति नेई रखो, जेदे कन्ने उसी शर्म आई जा।

2 थिस्सलुनीकियों 3:7

किके तोस अप्पुं जांनदे ओ, के केस तरीके साड़े आला लेखा चलना चाईदा, किके अस जेसलै थुआड़े कन्ने रौंदे हे, असैं आलस नेई पर कम करदे हे,

2 थिस्सलुनीकियों 3:9

ए नेई के असेंगी थुआड़े उपर अख्त्यार नेई, लेकन एस आसतै के अपने आप गी थुआड़े लेई नमूंना बनचै, के तोस साड़े आला लेखा चाल चलो।

1 तीमुथियुस 4:12

एस चाली सलूक कर, के कोई तुगी बदनाम नेई करै किके तुं जवान ऐं; किके वश्वासीयें आसतै तेरा वचन, तेरा सलूक, तेरा दुए आसतै प्यार, तेरा मसीह उपर परोसा, ते तेरी पवित्र जिंदड़ी अच्छा नमुनां ओना चाईदी।

इब्रानियों 13:7

जेड़े थुआड़े अगबें हे, ते जिनैं तुसेंगी परमेसर दा वचन सनाया ऐ, उन्दा चेता करो; ते त्यान कन्ने उन्दे चाल-चलन गी दिखियै उन्दे विश्वास दी नकल करो।

1 पतरस 5:3

जेड़े लोक तुस गी सोंपे गे न, उन्दे उप्पर आक्क नां जताओ, लेकन झुंड दे लेई आदर्श बनो।