लेकन आंऊँ अपने प्राण गी केछ नेई समझना के उसी प्यारा समझां, बरना ए के आंऊँ अपनी दौड़ गी ते ओस सेवा गी पूरा करां, जेड़ी मैं परमेसर दी क्रपा दे शोभ समाचार उपर गुआई देने आसतै प्रभु यीशु थमां पाई दी ऐ।
एसकरी ए मेरे विश्वासी प्राओ, आऊँ तुसेंगी परमेसर दी ओस दया दा चेता कराईयै अर्ज करना ऐं, के अपने शरीरें गी जिंदा, ते पवित्र, ते परमेसर गी अच्छा लगने आला बलिदान करियै चढ़ाओ। इयै थुआड़ी आत्मिक सेवा ऐ।
के आऊँ दुई जातीयें आसतै मसीह यीशु दा सेवक ओईयै परमेसर दे शोभ समाचार दी सेवा याजक आला लेखा करां, जेदे कन्ने दुई जातीयें दा समझो पेंट चढ़ाया जाना, पवित्र आत्मा कन्ने पवित्र बनियें ग्रेण कित्ता जा।
तुस बी आपे जिन्दे बट्टे दे लेखा आत्मिक कर बनादे जन्दे हो, जिदे कन्ने याजकों दा पवित्र समाज बनियै, ऐसे आत्मिक बलिदान चढ़ाओ जेड़ा यीशु मसीह दे रहें परमेसर गी गरैन ऐ।
