27 सेर्फ इनां करो के थुआड़ा चाल-चलन मसीह दे शोभ समाचार दे काबल ओ के पवें आऊँ तुसेंगी आईयै दिखां, पवें नेई बी अवां, थुआड़े बारै च ए सुनां के तोस एक गै आत्मा च टिके दे ओ, ते एक मन ओईयै शोभ समाचार दे विश्वास आसतै मेंनत करदे रौंदे ओ,
केछ देन दे बाद फेलिक्स राजपाल अपनी करेआली द्रुसिल्ला गी, जेड़ी यहूदीनी ही, कन्ने लेईयै आया ते पौलुस गी बलाईयै ओस विश्वास दे बारै च जेड़ा मसीह यीशु उपर ऐ, ओस थमां सुनया।
किके आंऊँ शोभ समाचार सनानें लेई शरमिन्दा नेई ओंदा, एस लेई के यीशु मसीह दा शोभ समाचार अर एक विश्वास करने आलें आसतै, पैलैं तां यहूदी, ते पी यूनानी दे लेई, मुक्ति आसतै परमेसर दी शक्ति ऐ।
परमेसर जेसदी सेवा आंऊँ अपनी पूरी आत्मा कन्ने ओदे पुत्तर दा शोभ समाचार प्रचार करने दे बारै च करना ऐं, उवै मेरा गवाह ऐ, के आंऊँ तुसेंगी अपने प्रार्थना च केस चाली लगातार याद करदा रौना ऐं
के आऊँ दुई जातीयें आसतै मसीह यीशु दा सेवक ओईयै परमेसर दे शोभ समाचार दी सेवा याजक आला लेखा करां, जेदे कन्ने दुई जातीयें दा समझो पेंट चढ़ाया जाना, पवित्र आत्मा कन्ने पवित्र बनियें ग्रेण कित्ता जा।
ए विश्वासी प्राओ, आऊँ थुआड़े कन्ने साड़े प्रभु यीशु मसीह दे बड्डे अख्त्यार आले नां कन्ने अर्ज करना ऐं, के तोस सारे एक गै गल्ल च सेंमत ओई जाओ, ते थुआड़े च फोट नेई उवै, लेकन एक गै मन ते एक मत ओईयै मिले दे रवो।
एस आसतै ए मेरे प्यारे विश्वासी प्राओ, पक्के ते टिके दे रवो, ते प्रभु दे कम च मेशा जोश कन्ने बददे जाओ, किके ए जांनदे ओई, के थुआड़ी मेंनत प्रभु च बेकार नेई ऐ।
ते ऊन अविश्वासीयें आसतै, जिन्दे दमाग गी एस दुनिया दे ईश्वर शतान ने अन्नां करी दिते दा ऐ, तां जे मसीह जेड़ा परमेसर आला लेखा ऐ, ओदी तेज शक्ति आले शोभ समाचार दी लो उन्दे उपर नेई चमके।
किके एस दान दी सेवा दा सबूत आसल करियै परमेसर दी मैमा परकट करदे न, के तोस मसीह दे शोभ समाचार गी मन्नीयै ओदे ताबे च रौंदे ओ, ते गरीब वश्वासीयें, ते सारें दी मदद करने च खुशी क्न्ने दान देईयै परकट करदे रौंदे ओ।
ते उसै च तोस बी, जेसलै तुसें सचाई दा वचन सुनया, जेड़ा थुआड़े उद्धार दा शोभ समाचार ऐ, ते जेस उपर तुसें विश्वास कित्ता, बायदा कित्ते दे पवित्र आत्मा दी मोर लगी।
किके मते सारे ऐसी चाल चलदे न, जिंदी चर्चा मैं थुआड़े कन्ने बार-बार कित्ती ऐ, ते ऊन बी रोई-रोईयै आ आखना ऐ, के ओ अपनी चाल-चालन थमां मसीह दी सूली दे दुश्मन न।
तां जे थुआड़ा सारा चाल-चलन प्रभु दे योग उवै, ते ओ थुआड़े उपर सारें कम्में च खोश उवै, ते थुआड़े अर चाली दे पले कम्में दा फल लगे, ते तोस परमेसर दी पंछान च बददे जाओ,
