फिलिप्पियों 1:23 - डोगरी नवां नियम

²³ किके आऊँ दौनीं दे बछकार लटके दा ऐं; जी तां चांदा ऐ के जेंद त्यागीयै मसीह दे कोल जाई रवां, किके ए मता गै शैल ऐ,

फिलिप्पियों 1:23 交叉參考

लूका 12:50

मिगी तां एक पवित्रशनांन लेना ऐ, ते जदूं तकर ओ नेई ओई जा अतुं तकर आऊँ कियां दोख च रौगा।

लूका 23:43

ओनें उसी आखया, “आऊँ तुगी सच आखना ऐं के अज्ज गै तू मेरे कन्ने सोर्गलोक बेच ओगा।”

लूका 8:38

जेस मनुक्ख चा दोष्टआत्मायें निकली इयां ओ ओदे अगें अर्ज करन लगया के मिगी अपने कन्ने रौना दे, लेकन यीशु ने उसी विदा करियै आखया।

यूहन्ना 12:26

जेड़ा कोई मेरी सेवा करग, ते मेरे पिछें आई जा, ते जिथें आऊँ ओगा, उत्थें मेरा सेवक बी ओग। जेड़ा कोई मेरी सेवा करग, तां पिता ओदा आदर करग।”

यूहन्ना 13:1

फसह दे त्यार थमां पैलैं, जेलै यीशु ने समझी लिया, के मेरी ओ कड़ी आई पूजी दी ऐ के दुनिया गी छडीयै पिता दे कोल जां, तां अपने लोकें कन्ने, जेड़े दुनिया च हे, जियां प्यार ओ करदा आया हा, खीरी तकर उयांगै प्यार करदा रिया।

यूहन्ना 14:3

ते जेकर आऊँ जाईयै थुआड़े लेई जगा त्यार करा, तां पी आईयै तुसेंगी अपने उत्थें लेई जागा, के जिथें आऊँ रवां, उत्थें तोस बी रवो।”

यूहन्ना 17:24

ए प्यो, आऊँ चांना के जिनेंगी तो मिगी दिता ऐ, जिथें आऊँ ऐं, उत्थें ओ बी मेरे कन्ने ओंन, के ओ मेरी ओस मैमा गी दिखन जेड़ी तो मिगी दिती ऐ, किके तो दुनिया गी पैदा ओनें कोलां पैलैं मेरे कन्ने प्यार कित्ता।

प्रेरितों के कम 7:59

ते ओ स्तिफनुस उपर पथराव करदे रे, ते ओ ए आखदे प्रार्थना करदा रेया, “ए प्रभु यीशु, मेरी आत्मा गी लेई लै।”

2 कुरिन्थियों 5:8

एस आसतै अस ओंसला रखियै रौनयां न, ते जेंद थमां लग्ग ओईयै प्रभु दे कन्ने रौना ते ओर बी ठीक समझनयां न।

2 कुरिन्थियों 6:12

थुआड़े आसतै साड़े मन च कोई चहक्क नेई, लेकन थुआड़े गै मन च साड़े लेई चहक्क ऐ।

फिलिप्पियों 1:24

लेकन जिंदु च रौना थुआड़े कारन ओर बी जरुरी ऐ।

1 थिस्सलुनीकियों 2:1

ए विश्वासी प्राओ, तोस अप्पुं गै जानदे ओ के साड़ा थुआड़े कोल औना बेअर्थ नेई ओया,

1 थिस्सलुनीकियों 2:13

एस लेई अस बी लगातार परमेसर दा शुकर करनयां न, के जेस ले साड़े थमां परमेसर दे शोभ समाचार दा वचन थुआड़े कोल पूजया, तां तुसें उसी मनुक्खें दा नेई लेकन परमेसर दा वचन समझीयै ग्रेण कित्ता; ते ओ थुआड़े च जेड़े मसीह पर विश्वास करदे ओ, कम करदा ऐ।

1 थिस्सलुनीकियों 4:17

ओस बेलै अस जेड़े जिंदे ते बचे दे रौगे, उन्दे (जेड़े चुकी लेते गै दे न) कन्ने बदले उपर चुकी लेते जागन, के अवा च प्रभु कन्ने मिलन; ते एस रीति कन्ने अस कन्ने प्रभु कन्ने मेशा रौगे।

2 तीमुथियुस 4:6

किके मिगी परमेसर थमां मिली दी सेवा ते मेरी जेंद मुकै करदी, मिगी पता ऐ, के आऊँ ऊन तौला गै मरने आला ऐं।

प्रकाशितवाक्य 14:13

पी आऊँ सोर्ग बिचा ए शब्द सुनया, “लिख; जेड़े मुर्दे प्रभु च मरदे न, ओ हूंन थमां धन्न न।” आत्मा आखदा ऐ, “आं, किके ओ अपने सारे कम्में थमां बसां पांघन, ते उंदे कम उंदे कन्ने ओई लैंदे न।”