लेकन आंऊँ अपने प्राण गी केछ नेई समझना के उसी प्यारा समझां, बरना ए के आंऊँ अपनी दौड़ गी ते ओस सेवा गी पूरा करां, जेड़ी मैं परमेसर दी क्रपा दे शोभ समाचार उपर गुआई देने आसतै प्रभु यीशु थमां पाई दी ऐ।
एसकरी ए मेरे विश्वासी प्राओ, आऊँ तुसेंगी परमेसर दी ओस दया दा चेता कराईयै अर्ज करना ऐं, के अपने शरीरें गी जिंदा, ते पवित्र, ते परमेसर गी अच्छा लगने आला बलिदान करियै चढ़ाओ। इयै थुआड़ी आत्मिक सेवा ऐ।
ते नां अपनी जिंदु दे अंगें गी अतर्म दे थयार ओनें आसतै पाप गी सौंपो, लेकन अपने आप गी मोदें चा जिन्दा ओदे आला लेखा समझीयै परमेसर गी सौंपो, ते अपने अंगें गी तर्म दे थयार ओनें लेई परमेसर गी सौंपो।
आंऊँ थुआड़ी जेंद दी कमजोरी दे कारन मनुक्खें आला लेखा आखन ऐं। जियां तुसें अपने अगें गी गलत कम दे लेई अशोद्धता दे दास ओनें लेई सोंपया हा, उयांगै ऊन अपने जेंद दे अगें गी पवित्रता लेई तार्मिकता दे दास करियै सौंपी दियो।
वियाई दी ते बगैर वियाई दी बेच बी फर्क ऐ; बगैर वियाई दी प्रभु दी चेंता च रौंदी ऐ, के ओ जेंद च ते आत्मा च प्रभु गी कियां खोश रखै, लेकन वियाई दी दुनिया दी चेंता च रौंदी ऐ, के अपने पति गी कियां खोश रखै।
शान्ति दा परमेसर अप्पुं गै तुसेंगी पूरी रीति कन्ने पवित्र करै; ते थुआड़ी आत्मा, प्राण ते जेंद साड़े प्रभु यीशु मसीह दे बापस औने तकर पूरे ते बेकसुर बनें दे रवो।
