5 उखर्ह्वाइ धर्मक् भेस ता धारन करट्थ्ला। तर ओक्राक् सक्तिलाइ सेहे इन्कार करट्थ्ला। तुँइ यरङ् मानुसलकक्भटे टार्होय बस्।
यदि तोहोराखर्ह्वामध्ये कुन्हुँइ हामि यि चिठिमा लेखिहिन् पाठाल कहिन् नामानथ् भेनेमा, उ मानुसलाइसेहे चिन्हिबानाइ धरहँक्। आउँ ओक्राक्सङ्हिं सङ्गत बुन् करह। ताकि उ आफ्नि लाजै पोरुस्।
दाजुभाइ आउँ दिदिबैन्हिहेलक्, हाम्रा पर्भु येसु खिरिस्टक् नाँओइ हामि तोहोराखर्ह्वालाइ आग्या देहुँक्ला, कि हामि देल सिच्छा नहिंमान्लाहार आउँ अल्सि कर्लाहारक्भटे टार्होय बसह।
तर परमेस्वरलाइ अपमान भेलाहार आउँ पैल्हाकोक् मानुसलके बानाल अर्थय नहिंभेल काथाहालकक्भटे टार्हो बस्। बरुस आफ्निलाइ भक्तिक् जिबनै जिउँबाक्नि तालिम देउ।
किसाबुने देहिक् लागि तालिम करिबुने चुटेक् माटेन् फाइधा भेला, तर आत्माक् लागि तालिम करिबुने थुप्रोय कहिनक् फाइधा भेला। यछि ता अख्निकोक् आउँ पाछुकोक् जिबनक् फाइधाक् लागि पर्तिग्या रैल्ह भेला।
यदि कुन्हुँ-कुन्हुँइ आफ्निक् नाता पोर्लाहार आउँ खास करिहिन् आफ्निक् परिबारक् हेरबिचार नाकरथबुनेमा उखर्ह्वाइ बिस्वास कर्बाय छार्ल भेट्थ्ला। आउँ उखर्ह्वा ता बिस्वास नहिंकर्लाहारेसौ खाराब भेट्थ्ला।
आउँ यरङ् मानुसलके ता सटौघरि कचिङ्गल करिहिन् बसट्थ्ला। उखर्ह्वाक् बुद्धिय बिग्रल भेट्थ्ला। आउँ उखर्ह्वाइ सत्यलाइ गुमाहिन् सक्ल भेट्थ्ला। तसौ उखर्ह्वाइ परमेस्वरक् भक्ति कर्बाक्सेहे धनि बन्बाक् पैंदा सोंचोट्थ्ला।
सन्सारक् मुर्ख कहिनलकक्भटे अलग बसह, यहिं ता मानुसलकलाइ परमेस्वरक्भटे झन्-झन् टार्हो लेगायला।
तर मुर्ख आउँ बेसमझक् बाद-बिबादक्भटे अलग्गे बसह। तोरालाइ थाहा रहेस्ला कि, यरङ् कहिने ता झग्रा माटेन् भेला।
उखर्ह्वाइ परमेस्वरलाइ चिनुहुँक्ला बाजिहिन् दाबि करट्थ्ला, तर उखर्ह्वाइ आफ्निक् कामक्भटे सेहे परमेस्वरलाइ इन्कार करट्थ्ला। उखर्ह्वा ता घिनलाग्दो, आग्या नहिंमान्लाहार आउँ कुन्हुँ आको राम्रो कामक् लागि योग्यक् नाभेथ्।
मन्डलिमा फुट आन्लाहार मानुसलकलाइ सेहे एकदुइ फेरा यरङ् बुन् करह बाजिहिन् चेताउनि देउ, भेटौसुधा उखर्ह्वाइ तर्क-बितर्क करिहिने रहिबुनेमा उखर्ह्वाक्सङ्हिं किच्छु सम्बन्धय बुन् धर।
