२ तिमोथि 1:10 - देवास राई

¹⁰ तर उ अनुग्रहसेहे हाम्‍रा मुक्‍ति देलाहार खिरिस्ट येसु आइनेसौ देख्वार भेल हो। ओहिं मरनक् सक्‍तिलाइ नास करिहिन् सुसमाचारक्‌भटे अनन्त जिबन देख्वार कारालक्।

२ तिमोथि 1:10 交叉參考

लुका 11:36

तोरा देहिक् कुन्‍हुँ अङ्‍ग आँधारमा नहिंभेहिन् जम्‍माय उँजत रहेस्ला भेने उ जम्‍माय देहि चम्‍केस्ला, जहरङ् दिब्‍याक् उँजत तोरा उप्‍रै चम्‍केला।”

लुका 13:7

तसौ उहे बारिमा काम कर्लाहार चाकरलाइ यन्हिं बोल्‍लोकुन्, ‘यटे सुन्, मुँइ तिन बर्स भेउकुन्‍बे यि गाछइ फोर फोरेलाना बाजिहिन् अस्‍याहिन् बस्ल, भेटौसुधा फोर्बाय बबे फोर्लो। असौ बेक्‍कारइ यि गाछलाइ किसा बारि माटेन् ढाकिहिन् बस्बा देबा? उहेसैर्‌हे यक्‌रानि ढालिबानाइ घुघाइहिंक्।’

लुका 2:11

यटे सुनह, दाउद जर्मल सहरै आजु तोहोराखर्ह्‌वाक् निम्ति मुक्‍ति देलाहार राजा जर्मल रहैस्। उहेय परमेस्वरे चुन्‍ल खिरिस्ट पर्भु हो।

प्रेरित 13:23

यिहे मानुसक् सन्तानक्‌भटे परमेस्वरे पर्तिग्या कर्ल बमजिम ओहिं इस्‍राएलिलकक् लागि दाउद राजाक् बङ्‌सक्‌भटे एकजेना मुक्‍ति देलाहार येसुलाइ पाठालक्।

प्रेरित 5:31

इस्‍राएलिलकलाइ उखर्ह्‌वाक् आफ्नि-आफ्निक् पापलाइ मानिलेहिन् परमेस्वरक्‌पटि फर्कबा आउँ छेमा पाबाकलाइ मौका देबाक्नि अगुवा आउँ मुक्‍ति देलाहारक् रुपै परमेस्वरे आफ्निक् दैन्हँ हाथक्‌पटि येसुलाइ जम्माहिंसौ ओल्गोइ धर्लकुन्।

२ थेसलोनिकि 2:8

तसौ ओक्‍राक्‌पाछु उ नियम भङ्‍ग कर्लाहार मानुस देख्वार पोरोइस्, जक्‍रालाइ पर्भु येसु खिरिस्टक् मुखक् सासे नास पारेला आउँ पर्भुक् आगमनक् उँजतक् सक्‍तिय ओक्‍रालाइ नास करेला।

२ तिमोथि 1:1

खिरिस्ट येसुमा भेल जिबनक् पर्तिग्या बमजिम परमेस्वरक् इच्छाक्‌भटे खिरिस्ट येसुक् प्रेरित चुन्ल मुँइ पावलक्‌भटे,

२ तिमोथि 1:8

यिहेसैर्हे हाम्‍रा पर्भुक् बिसइमा साछि देबाक्‌लाइ आउँ मुँइ ओक्‍राक् लागि झ्यालखानाइ पोर्लो सिहिरे तुँइ बुन् लाजाउ। तर परमेस्वरक् सक्‍तिमा सुसमाचार सुनाबाक् लागि मोरे परौ दुक्ख भोग्बाक्‌लाइ तियार भेउ।

२ तिमोथि 4:1

परमेस्वरक् आगारि आउँ खिरिस्ट येसुक् आगारि मुँइ तोरालाइ करा आग्या देमेर्ला। खिरिस्ट येसुइ आफ्निक् राज्जे खरा कर्बाक्नि आइलटाकै जिउँटो आउँ मोर्लोलकक् नियाँ करैस्।

२ तिमोथि 4:8

असौ परमेस्वरे मोरा लागि धार्मिकताक् मुकुट धर्देल रहैस्, उ मुकुट मोरालाइ नियाँ कर्लाहार पर्भुइ उ दिनै मोरालाइ लागाइदेइस्। आउँ मोरालाइ माटेन् बोइने, तर उ आबाक् पैंदा दिठाहिन् बस्लाहार जम्माय मानुसलकलाइ लागाइदेट्‌थ्‍ला।

तितस 2:11

किसाबुने सेब्‌भ्‍रोउ मानुसलकलाइ मुक्‍ति देबाक् लागि परमेस्वरक् अनुग्रह पर्कट भेल रहेला।

तितस 2:13

यहेरङ् करिहिन् हामि माहान् परमेस्वर आउँ मुक्‍ति देलाहार येसु खिरिस्ट महिमाइ फेरि आबाक् उ आसिकक् दिनक् लागि अस्‍याहिन् बसुहुँक्ला।

तितस 3:4

तर जब हाम्‍रा मुक्‍ति देलाहार परमेस्वरक् दया आउँ पेरेम मानुसलकै पर्कट भेलकुन्,