2 बिस्वासै साँच्चिहिक् मोरा छाउराक् परौ तिमोथिलाइ लेख्तिहि रहम्ना। परमेस्वर पिता आउँ हाम्रा पर्भु खिरिस्ट येसुक्भटे तोरानि अनुग्रह, किर्पा आउँ सान्ति मिलेस्।
तिमोथि हाम्रा भाइ आउँ खिरिस्टक् सुसमाचार सुनालाहार परमेस्वरक् सेबक हो। यिहेसैर्हे हामि तिमोथिलाइ तोहोराखर्ह्वानि हौसला देइबानाइ बिस्वासै बल्यो बानाबाक् लागि तोहोराखर्ह्वाक्ठालाइ पाठालुहुँक्।
मोरा कामै मोरानि बल देलाहार हाम्रा खिरिस्ट येसु हाम्रा पर्भुलाइ मुँइ धन्यबाट देम्ना, किसाबुने ओहिं बिस्वासिलो मानुस ठान्हिहिने मोरानि आफ्निक् सेवाक् कामै खताल धरैस्।
मोरा पियारो छाउरा तिमोथि, तोरा बिसइमा धेरे आगारि परमेस्वरक्भटे बोल्लो अगमबानि अनुसार मुँइ यि आग्या तोरानि देइतिहि रहम्ना। यिहेसैर्हे तुँइ उ अगमबानिक्भटे पाइल कहिनलाइ बिस्वास आउँ राम्रो बिबेकक्भटे काम करिहिन् लाराइमा राम्रोइसौ आगारि बर्ह।
दिठाउ तिमोथि, परमेस्वरे तोरानि जे सोंप्लो धरेस्ला, उ राम्रोइसौ रछ्या करिहिन् धर। कट्कापय मानुसलके सन्सारक् मुर्ख कहिन् आउँ “ग्यान” बाजिहिन् मानट्थ्ला, उ झुठ् कहिनक्भटे टार्हो बस्।
मोरा पियारो छाउराक् परौ तिमोथिलाइ यि चिठि लेख्तिहि रहम्ना। परमेस्वर पिता आउँ हाम्रा पर्भु खिरिस्ट येसुक्भटे तोरानि अनुग्रह, किर्पा आउँ सान्ति मिलेस्।
उहेसिहिरे मोरा पियारो छाउरा, तुँइसेहे, खिरिस्ट येसुमा भेल अनुग्रहक्भटे बल्यो भेउ।
एके बिस्वासै रैल्ह साँच्चिहिक् मोरा छाउराक् परौ तितसलाइ यि चिठि लेख्तिहि रहम्ना। परमेस्वर पिता आउँ हाम्रालाइ मुक्ति देलाहार येसु खिरिस्टक्भटे अनुग्रह आउँ सान्ति।
बुढ्रा मानुसलाइ सान्त, गम्भिर, समझदार, बिस्वासै पक्का, पेरेम आउँ धैर्य भेबा पोर्लाहार बाजिहिन् सिखाउ।
यछि मोरासङ्हिं रैल्हाहार जम्माहिं तोरानि अभिबादन पाठाल धरट्थ्ला। ओछि रैल्ह हाम्रानि पेरेम कर्लाहार बिस्वासि दाजुभाइलकलाइ आको अभिबादन बोलिहिखान्। परमेस्वरक् अनुग्रह तोहोराखर्ह्वा जम्माय जेनाक्सङ्हिं भेउस्।
